Nehemiya 7:5 - Luganuzi Luswanu Kuli Wanhu Wose 2002

⁵ Mulungu yakenjiza wuhile muli'ne, ho niwakonghole wanhu wose, ne walongola wawo, hamonga ne wawaha, ho sume kulanga liwalo lye zindelo zawo. Nghalongola kumanya awalya wono wawuya, ku wulawa ku wuhamywe. Nghaciwona citabu cono wali wandikwe awalya wono wawuya ha lulongozi.

Nehemiya 7:5 ပူးပေါင်းရင်းမြစ်များ

Ezila 2:62

Nawo wali weza kulemwa kulajila calinze vyono wali wo wo lulelo lwa hayi, holeka siwavumilwa yaye kuwikwa mu mulimo wo wukohani.

Ezila 7:27

Ezila yakatya “Muwaha Mulungu we wasogo zetu yalumbwe! Mono yamunozize mutemi, ho yendezwe no mulimo wo kuyizenga Nyumba yo Muwaha Mulungu ku Yelusalemi.

Nehemiya 5:19

Holeka, nghukulomba, Gwe go Mulungu, wunghumbucilaje muli ziswanu zose zono nawatendela wanhu wawa.

Nehemiya 6:14

Hobaho kanyhi, nghawa kumulomba Mulungu nghatya, “Gwe go Mulungu, wukumbucile za wa Tobiya na Sanibalati zono wetumile, ho wuwalipicize. Wumulangaje kanyhi sunga no mucekulu yulya, Nowadiya ne wawizi wanji, wono wajela kunhajila woga.”

Nehemiya 7:4

Ale, likaya lya Yelusalemi lyali yiwaha kanyhi yigazi. Ninga i wekazi wa mumo, wali wacefu. Ne zikaya zali zikali nazengwa nyinji.

Nehemiya 7:64

Alu vyono siwalajila wali wali mu lulelo lwe mhuga ya hayi, holeka siwabocelwa nha wakohani.

Zimbazi 2:6

Hambi nha yo Muwaha Mulungu du, mono kawapelaga wanhu mahala, na muli mwene, mo vilawaga wumanye wose no wizuce.

Zimbazi 3:6

Wumukumbucile Muwaha Mulungu, muli zose zono wukwituma, nayo kokutonga mu nzila yono yinojeye.

1 Wakolinto 15:10

Ninga ku so lihewa lyakwe Mulungu, naweza nha vyono ninha lulu, ne lihewa lyakwe si lyali lya bwete. Nane netuma u mulimo si nha wose, kanyhi hamba si nene yaye, langa lihewa lyo Mulungu lyono likwitumana hamonga na nene.

2 Wakolinto 3:5

Ninga si vyono ase cosuma kwitumila nghani yinji yo yose mu vilungo vyetu co weneco, langa u wusume wetu wose, wulawaga kuli Mulungu,

2 Wakolinto 8:16

Nghumulumbo Mulungu mono yamupela Tito i nhumbula yono yina nyhilu nhe yangu yo kumupelenyi wutazi.

Wakolosayi 1:29

Holeka ku soko yiyo, ane nghwituma mulimo akuno hidimbaye mu vilungo vya Kilisito vyono vikwituma muli nene.

Yakobo 1:16

Nye wandugu zangu wendece, mulece kukongwa.