Nehemiya 7:3 - Luganuzi Luswanu Kuli Wanhu Wose 2002

³ Nghawalajiliza vyono, weze leka kudigula milango ya Yelusalemi hakali mitondo muno muno, langa sunga hono wuwe wela swee, ne lizuwa lyatobola. Kanyhi, wawe kuyidinda lono walindilizi wakali nawuka, mwipango lye cinyamihe, lono lizuwa likugwila. Hamonga na zizo, nghawalonjela wawahagule walindilizi, wono wali wekazi wa mu Yelusalemi. Wawice wanji mu wituma milimo ye hayo hayo, na wanji so wulanjilizi e walugu wa mu zikaya zawo.

Nehemiya 7:3 ပူးပေါင်းရင်းမြစ်များ

Nehemiya 13:19

Hobaho nghalajiliza vyono, i milango yose ya mwi'kaya, yiwe kudindwa mu mwamulizo we mazuwa ge Sabato, mu mapango ge cinyamihe lono Sabato yikwanza. Kanyhi na vyono, i milango yilece kudigulwa, sunga kolo Sabato yakondya kupuluta. Nghawawika wanhu mu milango, walanjilile, cinhu co cose cilece kuhelezwa mwi'kaya mwizuwa lye Sabato.

Nehemiya 3:23

Benyamini na Hasubu, nawo wakanozeleza lubavu lunji, lono vyali vidomile ne zinyumba zawo. Nayo Azaliya u mwana wa Mesaya, u muzukulu kwa Ananiya, yakanozeleza lubavu lunji, lono vyali vidomile ne nyumba yakwe.

Nehemiya 7:2

Kanyhi nghawawika wanhu wejete wawe walongola mwi'kaya lya Yelusalemi. Ndugu yangu Hanani, na Hananiya u mulongola muwaha we ligomawakali lyose. Hananiya, yali munhu mwihuwilwa na we cogopo hali Mulungu, kanyhi yali cisindo.

Nehemiya 7:4

Ale, likaya lya Yelusalemi lyali yiwaha kanyhi yigazi. Ninga i wekazi wa mumo, wali wacefu. Ne zikaya zali zikali nazengwa nyinji.

Zabuli 127:1

Muwaha Mulungu hono yalece kuyizenga kaya, wono wakuyizenga wakwigaza bwete. Muwaha Mulungu hono yalece kulidima likaya, wono wakulilindiliza, wokwikala meso bwete.

Zabuli 147:13

Hambi nha kayikamyaga milango yako, kanyhi kawalugutiza ne wanhu wako.

Matayo 10:16

“Alu ane nghumutumenyi anye, kotya zingholo muciligati ye maminzi. Holeka muweze wasugu nha vyono zinha zinzoka, ninga kanyhi muweze wapolo nha vyono zinha zinziwa.