Nehemiya 7:2 - Luganuzi Luswanu Kuli Wanhu Wose 2002

² Kanyhi nghawawika wanhu wejete wawe walongola mwi'kaya lya Yelusalemi. Ndugu yangu Hanani, na Hananiya u mulongola muwaha we ligomawakali lyose. Hananiya, yali munhu mwihuwilwa na we cogopo hali Mulungu, kanyhi yali cisindo.

Nehemiya 7:2 ပူးပေါင်းရင်းမြစ်များ

Mwamulizo 42:18

Na mwi'zuwa lye kadatu, Yusufu yakawalonjela yakatya, “Alu ane vyono nimogopile Mulungu, holeka alu munoze nhavi ho musume kwikala womi.

2 Samwili 23:3

Mulungu wa Isilayeli yalonga, u mudimi wa Isilayeli yanonjela yakatya, ‘Mutemi mono katemaga kwe ling'ani, mono katemaga mu cihuliko kuli Mulungu,

1 Watemi 18:12

Alu nha baha kolo neza kuwuka, nagwe kono nyuma hono muhe wo Muwaha Mulungu wukusole, wukutegule kunji kono si kumanyice, nane kumbe nowa nakondya kumulonjela Ahabu nha vyono wuli bahano, nayo lu kumbe ho yekale si yakuwene, langa baho nhondo kombulaga. Agwe Eliya, wukumbucile nha vyono ane nili mogopa Muwaha Mulungu ku wulawilila wudodo wangu.

1 Watemi 18:3

Ahabu yakamucema Obadiya mono yali yo mulanjilizi we likulu. Nayo Obadiya yali yo munhu mono yali yena cogopo muno kuli Muwaha Mulungu,

Nehemiya 1:2

Hanani muyagwe ne wandugu zangu, yakaza yakulawilila ku Yuda, yena ne cipuga ce wanhu wanji. Nghawawuza za ku Yelusalemi, hamonga na ze wandugu zetu Wayahudi, wono wali wawuya wulawa ku wuhamywe ku Babiloni.

Nehemiya 10:23

Hosheya, Hananiya, na Hashubu,

Nehemiya 13:13

Nghawa kuwawika Shelemiya u mukohani, na Zadoki u munghula we Malajilizo, na Pedaya u Mulawi, wawe wo walanjilizi we vinyumba vyo kuwika viwutwa vya mu Nyumba yo Mulungu, hamonga na Hanani u mwana wa Zakuli u mwizukulu kwa Mataniya, yakawa yo mutazi wawo. Hambi awa nha namanya vyono wawa wo wanhu wehuwilwa, mu wugawila vinhu wetumami wayawo.

Nehemiya 2:8

Kanyhi nghamulomba yamhele ne baluwa yinji, nimutegulile Asafu, wumulindilizi we mbago yo wutemi. Yimuloloseze, ho yamhele ne mabici go kuzenjela milango ye ligomawakali lye Nyumba yo Mulungu, ne majinji ge likaya, hamonga ne kaya yono nene nali nghekale mumo. Nayo mutemi yakamhela vyose vyono nalomba. Hambi Mulungu nha yali yali hamonga na nene.

Nehemiya 5:15

Hambi mulongola wo wose, muli wono wanongolela 'ne mu wulongola nha wali muzigo muzito kuli wazenji wawo. Hambi 'nha wadayaga fweza makumi mane, kwe 'zuwa limonga so zindigwa na divayi. Sunga ne wetumami wawo nawo, wawewonelaga muno muno wanhu. Ninga ane, sinetuma nha vyono wene. Hambi ane nha nali nimogopile Mulungu.

Nehemiya 7:3

Nghawalajiliza vyono, weze leka kudigula milango ya Yelusalemi hakali mitondo muno muno, langa sunga hono wuwe wela swee, ne lizuwa lyatobola. Kanyhi, wawe kuyidinda lono walindilizi wakali nawuka, mwipango lye cinyamihe, lono lizuwa likugwila. Hamonga na zizo, nghawalonjela wawahagule walindilizi, wono wali wekazi wa mu Yelusalemi. Wawice wanji mu wituma milimo ye hayo hayo, na wanji so wulanjilizi e walugu wa mu zikaya zawo.

Jobu 1:1

Kwali na munhu litagwa lyakwe Jobu, munhu yuyu, yekalaga mu yisi ya Uzi. Munhu yuyu yali muhembi muno, kanyhi mwihuwilwa kuli Mulungu. Kanyhi yali munhu muswanu, mono si yali yendile kwituma nghani yo yose 'mbi.

Zabuli 101:6

Wanhu wehuwilwa, awo langa wo wayangu, ne wetumami wangu, wowa wo walya wono wasina wubi.

Wutuluce 18:21

Ninga hamonga na zizo, ko muno, wuhagule wanhu wono wakwilaniciye mu Waisilayeli, wanhu wono wali cogopo hali Mulungu, kanyhi wehuwilwa, wono si wendezwaga ne mafupo. Nagwe wuwapele wawo wulajilize, wawe wawaha mu wanhu, wawaha we maelufu, na we magana, na we makumi mahano, na we wanhu yikumi yikumi.

Danyeli 6:4

Hobaho i walongola, hamonga ne wawaha, wakalondola nzila yo kuluhodanga lukumyo lwa Danyeli mu mulimo wakwe. Ninga si wasuma, hambi Danyeli nha yali mwihuwilwa, kanyhi siyetumaga nghani 'mbi hamba yisutya lyo lyose.

Wuwale 12:7

Ninga lono nghulongana no mwitumami wangu Musa, nghulongana nayo mu nzila yono yisimajiye. Hambi nha nimuwicile mwene yawe yo mulanjilizi muli wanhu wose wa Isilayeli.

Matayo 24:45

Nayo Yesu, yakajendelela kulonga yakutya, “Alu nani 'mbi u mwitumami mwihuwilwa, kanyhi we mahala, mono muwaha wakwe komuwika, ho yawapele zindigwa iwanhu wakwe mucipango cono cinojeye?

Matayo 25:21

U Muwaha wakwe nayo yakamutya, ‘Ale viswanu, wuli mwitumami muswanu, kanyhi wuli mwihuwilwa. Wali mwihuwilwa mu nghani ndodo, ninga alu nokupela zimbaha kuciza. Ale wuze wusangalalane hamonga no muwaha wako.’

1 Wakolinto 4:2

Na hoyili nghani monga du yono yimunojeye u munhu wo wose mono yapegwa u mulimo wuwu, nayo yoyi, yawe mwihuwilwa.

2 Timoteyo 2:2

Ale, wugasolaje i mafundo gono wagahulika nghuganula ha mwande ye wahomelezi wenji, nagwe wuwakoze wanhu wehuwilwa, wono nawo wosuma kuwejiza wanji nhavivyo.