Nehemiya 6:9 - Luganuzi Luswanu Kuli Wanhu Wose 2002

⁹ Wakajela kuciletela vimizi, no kucikabusa, ho mulimo wime. Ninga nane nghawa kumulomba Mulungu, nghatya, “Aluno go Mulungu, nghukulomba wumhele vilungo.”

Nehemiya 6:9 ပူးပေါင်းရင်းမြစ်များ

2 Zinghomo 15:7

Ninga anye mwisindamice, mulece kogopa. Vyono u mulimo wono mukuwituma, nha wowa na cihumbilizwa.”

2 Zinghomo 32:18

Nawo wetumami wo mutemi wa Ashuli, wakawa kuzanza zinghani zizo wazozize muno muno, wakulonga mu nonga ye Cihebelaniya, ho wawogofye no kuwapela mahwele, i wanhu wa Yelusalemi, wono wali wali mucanyha ye majinji ge likaya.

Ezila 1:6

Ale, i wekalani wayawo wono wali wawapilime, wakalamula kuwataza vinhu vyo kuzenjela. Wakawapela vinhu hayo hayo, hamonga ne viya zifweza na zahabu, ne mitugo, ne vinhu vinji vyo wuguzi wukamu, hamonga ne vilavywa vyo kulavya mu Nyumba yo Mulungu.

Nehemiya 6:14

Hobaho kanyhi, nghawa kumulomba Mulungu nghatya, “Gwe go Mulungu, wukumbucile za wa Tobiya na Sanibalati zono wetumile, ho wuwalipicize. Wumulangaje kanyhi sunga no mucekulu yulya, Nowadiya ne wawizi wanji, wono wajela kunhajila woga.”

Zabuli 138:3

Nane lono nakulilila, nagwe wukahulika, kanyhi wukasikamya kwe vilungo vyako.

Zabuli 56:3

Gwe go Mulungu u Mudaha Vyose lono woga wunyibate, ane nghwitumbiye gwegwe.

Zabuli 68:35

Mulungu yo we cogofyo muno, i hanhu hakwe hono helile, heya, mwene yo Mulungu wa Isilayeli! Nayo kawapelaga wanhu wakwe vilungo no wuwaha. Mulungu yalumbwe!

Zabuli 71:1

Gwe go Muwaha Mulungu, ane nghutiziza kwako, holeka wulece kundeka ho ngholwe cevu.

Isaya 40:29

Mwene kawapelaga vilungo wono watimbile no kuwonjeleza vilungo wono wasoceye.

Isaya 41:10

Holeka mulece kogopa, ane nha nili hamonga nanye! Ane yo nene Mulungu wenyu, holeka mulece kogofywa na cinji co cose! Ane nomupenyi vilungo, kanyhi nomutazenyi. Nomudimenyi, kanyhi nomuponyenyi.”

Yelemiya 38:4

Ale, nawo i wetumami wakawa kubita kumulonjela mutemi wakutya, “Gwe mutemi, u munhu yuyu, ciba yawulagwe ye. Ku soko u wulonje wakwe wuwu, wukuwanyenyula vilungo i wasilikale wa mwi'kaya, sunga ne wanhu wose wono wasigaye mwi'kaya. Ne zinghani zakwe zizi, si zikuwataza cinji wanhu, langa mwene yakusaka yawatamise du.”

Ezekiyeli 30:24

Hanyuma niyinoze miwoko yo mutemi we Babiloni yiwe ne vilungo, nimupele no mumaje wangu yebate mu miwoko yakwe. Ninga i miwoko ya Falawo u mutemi wa Misili, noyibena, nayo kokugula no kufwa ha mwande yo mulugu wakwe.

Zakaliya 10:12

Nolowanoza i wanhu wangu wawe ne vilungo, nawo wolowa kuhemba 'ne, no kunyogopa nene.” Vyo yakutya u Muwaha Mulungu.

2 Wakolinto 12:9

Ninga Mwene yakanhya, “Ilihewa lyangu likukwiliye, hambi vilungo vyangu nha vikwilanicizwaga lono wuli mu wusocele.” Ninga ane nyendile muno kwilumbila wusocele wangu, ho vilungo vya Kilisito vikale muli'ne.

Waefeso 3:16

Nghumulomba u Mulungu, mu nghango yo wugoli wo lukumyo lwakwe, yamupelenyi u wusume wo Muhe wakwe, i vilungo vyo kuwa musikame mu wunhu wa mugati,

Waefeso 6:10

Ze ndumilizo, nghumusacenyi mweze muli vilungo muli Muwaha na ko wutazi we vilungo vyakwe viwaha.

Wafilipi 4:13

Nosuma kuwa mu wuwe wo wose, hambi Kilisito nha yo kamhelaga i vilungo.

Wahebelaniya 12:12

Holeka muyinulaje i miwoko yenyu yono yidejepe, no kugasikamya mafugamilo genyu gono gatimbile.

1 Petelo 5:10

Ninga kolo mukugazika cidaha cidodo vivi, Mulungu mono yo ndawililo ye lihewa lyose na mono yakumucemenyi muwuhanje ulukumyo lwakwe we cibitilila muwilunza na Kilisito, umweneco komukwilanicizenyi no kumukangazenyi, kanyhi komupelenyi vilungo no musinji wono wukamile.

1 Samwili 30:6

Alu nhondo, Dawudi yakenjila mu magayo mawaha, sunga ne wanhu wakwe wose mwipango lilyo, wakawa na wusungu wuwaha muno muno mu zinhumbula zawo so wajiliza i wana wawo we cilume na we cicekulu. Sunga nhondo wasakaga wamutowanje Dawudi ne mabwe. Ninga Muwaha Mulungu, u Mulungu wakwe, yakamupela vilungo.