Nehemiya 6:8 - Luganuzi Luswanu Kuli Wanhu Wose 2002

⁸ Nane nghategula lipitulo kanyhi nghamutya, “Zose zono wuzilonjile si za mbeka. Azo kulonga zako du.”

Nehemiya 6:8 ပူးပေါင်းရင်းမြစ်များ

Nehemiya 6:7

Sunga nalulu, wawawikaniza wawizi wono wakwanza mu Yelusalemi, vyono agwe yo gwegwe mono wuli mutemi wa Yuda. Ne zinghani zizi, kolonjelwa no mutemi Alitashasita. Holeka nghukusaka citang'anile, ho cilonje zinghani zizi.”

Jobu 13:4

Anye lu mukusaka muwugubicize wulele wenyu, mu nzila ye zinghani zenyu zo wulambi. Mwehwana waganga wono si walagulaga yunji yanoje.

Zabuli 36:3

Mwene kalongaga nghani za wavu zose kanyhi za wulambi, yaleka ku witumamila mahala no kwituma ziswanu.

Zabuli 38:12

Nawo wono wakusaka wambulaje, vyo wajendeleye du kutega mitego yawo. Na wono wakunyihweseza zimbi, nawo wakusaka wambulaje. Misi yose, wekalaga wakwihwesa vyono wonhendela.

Zabuli 52:2

Agwe kwihwesaga zo wongomeza wayago du, nhondo zose, no lulimi lwako, lwihwanile liceto likali! Agwe kubotaga zo wulambi du mapango gose.

Isaya 59:4

Mwendile muno kubita mu mahakama, ninga kuno ho musina ling'ani yo yose ku lubavu lwenyu. Hambi anye nha mwitumbilaga wulambi wenyu du, ho musume calo cenyu. Mwikalaga mwina mahweso go wutamisa wayenyu du.

Danyeli 11:27

Ne watemi wawo wejete, wolokwikala wahanje ndigwa ha meza monga. Ninga hamba nhavivyo, mwi'pango lilyo, i mitima yawo, yowa yikali mu wihwesa wituma zimbi. Kanyhi wolowa kwilambila munhu no muyagwe. Ninga si wolocituga cono wakucisaka, hambi lidaha lyayo, nha lyowa likali si naza yaye.

Matayo 12:34

Nye mo lulelo lwe zinzoka! Alu mosuma nhawule kuzilonga i ziswanu, na kumbe nyenye mo weneco muli wabi?” Ku soko u munhu, nha kalongaga zono zimumemile mu nhumbula yakwe.

Yohana 8:44

Anye muli wana wo sogo yenyu Setani, no wusulumizi wa yuyo sogo yenyu, wo mwendile kuwituma. Mwene yali muwulaji kulawa mwamulizo, hamba si kemaga mu mbeka, vyono muli mwene, imbeka yili musina. Hono yakulonga wulambi, kalongaga i zakwe mweneco, nha vyono yenha, hambi nha mulambi, kanyhi yo sogwe yo wulambi.

Metumo ge Watumwa 25:10

Pawulo yakatya, “Ane nili baha, nyimile hone'goda lyo wuling'anizi lya Kayisali, hono nojeye ho ning'anizwe. Ane si nawaviza cinji Iwayahudi, nha vyono na gwegwe wumanyile muno.

Metumo ge Watumwa 25:7

Nayo Pawulo yaza kufika du, Iwayahudi wono wali walawa ku Yelusalemi, wakawa kwamula kumusitaka nghani nyinji kanyhi mbaha, zono hamba na weneco si wasuma kuzihomelela.