Nehemiya 6:2 - Luganuzi Luswanu Kuli Wanhu Wose 2002

² Baho Sanibalati hamonga na Geshemu, wakandetela baluwa, yono yasakaga citang'anile nawo, mu vikaya vya mwi'tumbi lya Ono. Ninga awu, wali wulambi du, hambi nha wasakaga ho wakanyongomeze.

Nehemiya 6:2 ပူးပေါင်းရင်းမြစ်များ

2 Samwili 20:9

Yowabu yakamuwuza Amasa yakatya, “Alo gwegwe nani ndugu yangu?” Baho Yowabu yakamwibata Amasa mu zindevu no muwoko wakwe wo kulume ho yamunonele.

2 Samwili 3:27

Abineli yali yeza kufika du ku Hebuloni, hodu Yowabu yakawa kumukwejela ha mhelo ye lilango lye likaya, yakawa kwinoza nha kotya yakusaka kulongana nayo cinyele, baho yakawa kumuhoma munda, yakawa kufwa. Abineli yawulagwa na Yowabu, vyono Abineli yamuwulaga Asaheli u nduguye wa Yowabu.

1 Zinghomo 8:12

Nayo Elipali yali yena wana wadatu, Ebeli, Mishamu, na Shemedi. Nayo Shemedi yo yagazenga makaya ga Ono na Lodi, hamonga ne vitumbi vyayo vyono vyali vipilime.

Nehemiya 11:35

Lodi na Ono, na mwi'lolo lye Wanghula.

Nehemiya 3:22

I liwalo lye wakohani wono wakanozeleza majinji mu vipimha vyono vilajiywe, lyo alino. Wakohani wono wekalaga mwi'kaya lya Yelusalemi, wakanozeleza lubavu lunji.

Nehemiya 6:3

Nane nghatuma baluwa kuli wene, nghatya, “Ane nina mulimo muwaha wono nghwituma, holeka hamba si nosuma kuza kuko yaye. Kanyhi hamba si nosuma kulecelela milimo yime, ane ho nize kumuwonenyi.”

Zabuli 12:2

Wose welonjelaga nghani za wulambi du, ne zinghani zawo zose za wiyendezi du kanyhi za wukoci.

Zabuli 37:12

U munhu mubi, kamwihwesezaga, i zimbi du u munhu we ling'ani, no kumwikang'anhilila meno ko lusulo.

Zabuli 37:32

U munhu mubi, kamusepaga u munhu muswanu, no kujela kumuwulaga,

Muganuzi 4:4

Kanyhi ngheyijiza vyono kumbe wuhidimbazi wose wo munhu, hamonga no wunghula wakwe wose wa mu witume wakwe, vilawililaga mu wiwonela wivu munhu na muyagwe. Ninga yiyo nayo yo nghani ya bwete du, hambi nha yinha wikataze we bwete du.

Yelemiya 41:2

hobaho Isimayeli hamonga ne wanhu wawalya yikumi, wakawa kuyikwega mimaje yawo mu zinjasulu, wakawa kumuwulaga Gedaliya.

Ezekiyeli 33:31

Nawo baho wawa kwikonghola wenji du ha mwande yako ho wahulice zono kolonga, ninga hamba si wakwituma zono wukuwalonjela wetume. Wakulonga zinghani mu milomo yawo du, ninga vyo wajendeleye du no wituma zimbi.