Nehemiya 6:1 - Luganuzi Luswanu Kuli Wanhu Wose 2002

¹ Sanibalati, na Tobiya, na Geshemu u Mwalabu, hamonga na wanji wa muli walugu wetu, wakahulika vyono, alu, cakondya kuzenga majinji, kanyhi musina malanga gono gakumuce. Hamba ha yiwe cali cikali nawicila milango mu winjililo.

Nehemiya 6:1 ပူးပေါင်းရင်းမြစ်များ

Nehemiya 13:4

Umukohani Eliyashibu mono yali yo mulanjilizi we vinyumba vyo kuwika viwutwa, vya mu Nyumba yo Mulungu, vyali viyendile muno na Tobiya.

Nehemiya 2:10

Ninga munhu yunji yacemwaga Sanibalati, munya Bete-holoni, hamonga na Tobiya, u mulongola wa mwi'tumbi lya Amoni, wakahulika vyono yunji kaza ho yawanozeze viswanu wanhu wa Isilayeli. Nawo wali weza kuzihulika zizo, Oo! Si wendezwa hamba hadodo.

Nehemiya 2:19

Hobaho Sanibalati na Tobiya, hamonga no mwalabu yunji mono yacemwaga Geshemu, wakahulika zono cali calamula citume. Wakacisekanga muno muno, akuno wakutya, Alo nghanici yiyi waco yono mukwituma? Alu mbeka anye mudahile kumugaluka mutemi?

Nehemiya 3:1

Uwuzenji kanyhi lwe kejete lwe majinji ge likaya, wali wuli nhavi. Umukohani muwaha Eliyashibu, hamonga ne wanduguze wakohani, wakawuzenga mulango muwaha we zingholo, wakaweza. Wakalisimya ne lilango liwaha. Wakageza ne majinji hamonga no munala wayo wa ligana limonga, sunga no munala wa Hananeli.

Nehemiya 3:3

We mhuga ya Hasena, nawo wakawuzenga mulango we somba. Wakawicila ne micici yayo, ne milango yayo, hamonga ne vyuma ne makomeyo go kudindila lilango,

Nehemiya 3:6

Yoyada u mwana wa Peseya hamonga na Meshulamu u mwana wa Besodeya, nawo wakalizenga lilango liwaha lya Heshana. Wakawicila ne micici hamonga ne milango hanhu hayo wakawicila ne vyuma ne makomeyo go kudindila lilango.

Nehemiya 4:1

Lulo Sanibalati, yali yeza kuhulika, vyono lu, co Wayahudi, cawanza mulimo wo kugenula majinji ga Yelusalemi, mwene yakakalala muno yakanza kucisekanga muno.

Nehemiya 7:1

Ale, lono majinji gali gakwila, ne milango yose yawicilwa, i walidilizi wa mu Nyumba yo Mulungu, hamonga ne cipuga cono celile ce wembi, ne Walawi, wakawikwa.

Danyeli 9:25

Holeka wuzimanyaje zizi, kanyhi wuzizuce, vyono ku wulawilila mu madaha lono u wulajilize wulalajilizwa, nha vyono Yelusalemi yizengwe kanyhi, sunga mu mapango gono kolokuziza u mulongola muwaha u muhagulwa wo Mulungu, yolowa yakondya kupuluta majuma mupunghati. Na Yelusalemi mu madaha gago, yolowa yakondya kuzengwa wupya, hamonga ne mabalabala gayo, yolowa yakondya kuzenjelwa sunga ne magomawakali gono gali vilungo. Nayo yolokondya kuzengwa mu majuma makumi mutandatu na nyejete. Ninga i vilo vivyo, vyolowa vilo vyo wugaye.