Nehemiya 5:9 - Luganuzi Luswanu Kuli Wanhu Wose 2002

⁹ Na kanyhi nghawatya, “Azi zono mukwituma, si swanu yaye! Yinojeye muwe ne cogopo hali Mulungu, no kwituma ze ling'ani. Na mu nzila yiyo, ho simosuma kuwapela walugu wetu wono si Wayahudi, soko yo yose yo kucisekanga.

Nehemiya 5:9 ပူးပေါင်းရင်းမြစ်များ

Mwamulizo 20:11

Nayo Abulahamu yakamupitula yakatya, “Ane nituma nhavivyo, vyono nali kwihwesa hasina munhu wo wose bahano mono yamogopilo Mulungu. Na kanyhi ane, nali kogopa nghutya lunji mombulaga, mumusole mugolece wangu.

Mwamulizo 42:18

Na mwi'zuwa lye kadatu, Yusufu yakawalonjela yakatya, “Alu ane vyono nimogopile Mulungu, holeka alu munoze nhavi ho musume kwikala womi.

2 Samwili 12:14

Ninga alu, vyono wali wakondya kulajila cibede hali Muwaha Mulungu so wituma zimbi zizo, holeka langa u mwanago kofwa.”

Nehemiya 4:4

Nghawa kulomba nghatya, “Gwe Muwaha Mulungu, wuhulice ta vyono wakucisekanga. Holeka wuwalece zinzwaji zawo ziwawuyile mu mitwe yawo. Wuwalekaje wabokwe vyose, kanyhi wuwanoze wasolwe wawe wafungwa mu yisi yo wujenzi.

Nehemiya 5:10

Ane nowakopesha wanhu pesa ne zindigwa, ho wawe wali hamonga nane, hamonga ne wanhu wono wakuyitumamila. Alu, hodu ciwalekaje, cilece kuwadaya co cose kanyhi.

Nehemiya 5:15

Hambi mulongola wo wose, muli wono wanongolela 'ne mu wulongola nha wali muzigo muzito kuli wazenji wawo. Hambi 'nha wadayaga fweza makumi mane, kwe 'zuwa limonga so zindigwa na divayi. Sunga ne wetumami wawo nawo, wawewonelaga muno muno wanhu. Ninga ane, sinetuma nha vyono wene. Hambi ane nha nali nimogopile Mulungu.

Zabuli 90:11

Alo nani 'mbi, mono kosuma kumanya zo wukali we likuwo lyako? Hamba nani lu mono yaziceleleye zo wukali wako?

Zimbazi 16:29

I wanhu wagazi, wawakongaga wendece wawo, no kuwenjiza mu wongomele.

Zimbazi 17:26

Kanyhi si viswanu yaye, kumulifya fayini munhu mono yasina lisutya. Ne ling'ani yikuwa kulekwa, lono wanhu waswanu wakulipicizwa.

Zimbazi 18:5

Si viswanu kumuhijila mbejele u munhu musutyi, no kwajiliza ling'ani yo munhu we ling'ani.

Zimbazi 19:2

No wilowe nawo, hono wuwe wusina wizuce, si wuswanu. Nazo nghani zo musunho, zitajilaga munhu mu mbali.

Zimbazi 24:23

Azi zo nghani zinji kanyhi, zono wazilonga we Mahala. Yo nghani 'mbi muno muno, hono hakimu yawe muhijila mbejele kuli wanhu.

Ezekiyeli 36:20

Nawo ho hose hono wabita, wakajendelela du kulikoza cevu, litagwa lyangu lyono lyelile. Sunga ne wanhu wakawa kuwatya, ‘Lanjenyi ta! Awa wo wanhu wo Muwaha Mulungu, ninga alu wakondya kuwuka mu yisi yakwe.’

Walawi 25:36

Kanyhi wulecele lukulu kumusolela cambuzi, langa wumogope Mulungu wako. Kanyhi wumulekaje yuyo nduguyo yekalane behi nagwe.

Metumo ge Watumwa 9:31

Nhondo ilikanisa lya mu Yudiya, na mu Galilaya, na mu Samaliya mose, likatuga mulamu mwidaha lilyo. Likasinyhimikwa no kuwilucila mu cogopo co Muwaha, likonjelezeka no kusindamikwa no Muhe Mono Yelile.

Walumi 2:24

Nha vyono i Mandiko Gono Gelile gakulonga, “I wanhu wono si Wayahudi wakulitovula ilitagwa lyo Mulungu ku soko yenyu nyenye mo Wayahudi!”

1 Timoteyo 5:14

Holeka nali nyende wawo i wafwile we lizika lidodo watolwe, walele wana no kuzikamisa zikaya zawo, iwalugu wetu ho walece kutuga cilejeho co kucitovulila.

Tito 2:5

kanyhi weze weyimizi akuno wali cisindo, wawe kuzilanjilila viswanu i zinghani za mu zinyumba zawo, kanyhi waweze ne cihuliko kuli walume zawo, ho nghani yo Mulungu yilece kubedegalwa.

1 Petelo 2:12

I mijendele yenyu muli wanhu wono siwamumanyile Mulungu, yinojeye yiwe miswanu muno muno, na kolo wakumuvilenyi nha muli wetuma vibi, wasume kugawona i metumo genyu maswanu, ho wamulumbile Mulungu mwizuwa lyo wuze wakwe.

1 Samwili 2:24

Alu nghumutyenyi nhavi anye wanangu, ku wulawa izuwali, mulecele lukulu kwituma kanyhi makani gono genha gago! Hambi makani ge liwala lili, gono wanhu wo Muwaha Mulungu wakugalonga, nha mabi muno, kanyhi ga cevu ciwaha!