Nehemiya 5:7 - Luganuzi Luswanu Kuli Wanhu Wose 2002

⁷ Hobaho nghawa kuwacema i walongola, hamonga ne wawaha wose, nghawa kuwalonjela nghawatya, “Anye, mbeka mukuwewonela wandugu zenyu!” Hobaho nghawa kuwakongholela hamonga wanhu wose, ho wayilanje nghani yiyi.

Nehemiya 5:7 ပူးပေါင်းရင်းမြစ်များ

Zabuli 109:11

Nayo mono yakumudaya cinji, yamuboce sawo yakwe yose, no mujenzi nayo yetujile vinhu, vya mu nhuguti yakwe!

Zabuli 15:1

Gwe go Muwaha Mulungu, nani 'mbi mono kosuma kwikala mwi'hema lyako? Hamba nani mono kosuma kwikala mwi'tunda lyako, lyono lyelile?

Zabuli 15:5

Kanyhi mwene kakopeshaga hamba kudaya cambuzi yaye, hamba si kabocelaga mafupo ho yamutamise munhu, mono yasina wuhoswe, no munhu we liwala lilino, kowa yakamile cibitilila.

Zabuli 27:8

Nghwihwesa zono walonga wukatya, “Wuze kuli'ne!” Nane nghukuziza, gwe go Muwaha Mulungu.

Zabuli 4:4

Mucicime kwe cogopo, mulece kwituma zo wubi. Mwihwesaje muno muno, lono muli mu vitanda vyenyu mutulile.

Zabuli 94:16

Hamba nani 'mbi mono yema, ho yanhaze kuli wetuma zimbi? Hamba nani mono yema ku lubavu lwangu, yanhaze kuli wetuma zo wubi?

Wutuluce 22:24

Ne likuwo lyangu lyokwaka, nane nomuwulajenyi ko mumaje, ne wagolece zenyu wowa wafwile, ne wana wenyu nawo, wowa wasina walezi.

Wutuluce 22:25

“Na hono wumukopeshe munhu pesa mu wanhu wangu iwaciwa, ale, wulece kuwa kuli mwene nha munhu mono wukumudayadaya, hamba wulece kumulifya ne ngomola yayo.

Zimbazi 27:5

Ciba hono wumutacile munhu calinze, si nha kumuleka yehwese vyono agwe si wumuceleleye.

Zimbazi 28:4

Na hono wuwe si kuwucelelelaga wulajilize, nagwe wehwana i wanhu wabi. Ninga hono wuwe wukuwutyatya wulajilize, si kohoswa yaye,

Ezekiyeli 22:12

Na wanji wa muli wanhu wako wakuwa kusolwa no kulipwa malipo, wawa kutumwa wabite wakawulaje munhu. Na wanji wakudaya ngomola so migawa yono wandugu zawo Waisilayeli wawakopile, hanyuma wawa kwigolifya muno so cambuzi cono cikulawa kuli wandugu zawo. Wene wakondya kusemwa'ne.” Vyo yakutya no Muwaha Mulungu.

Ezekiyeli 45:9

U Muwaha Mulungu yakutya nhavi, “Nha mwanza katali mukwituma wubi, anye mo watemi wa Isilayeli! Ninga aluno, muwulekaje wugazi wenyu, hamonga ne mawonezi genyu kuli wanhu. Alu mwitumaje ze ling'ani na ze mbeka. Mulecele lukulu kuwawusa kanyhi wanhu wangu mu yisi yawo. Ane vyo nghumutyenyi, ane no Muwaha Mulungu.

Walawi 19:15

“Weze mwihuwilwa, kanyhi wuli ling'ani, lono wukulamula mu vyalo. Wulece kuhijila mbejele kuli muciwa, hamba kumuwonela cevu munhu mugoli.

Walawi 25:36

Kanyhi wulecele lukulu kumusolela cambuzi, langa wumogope Mulungu wako. Kanyhi wumulekaje yuyo nduguyo yekalane behi nagwe.

Matayo 18:17

Nayo hono yekale si yawahulice wawo ale, wulilonjelaje likanisa. Na hono yekale si yalihulice likanisa, ale hodu, kuli'gwe yawe nhe wanhu wono si wamumanyile u Mulungu, ne watoweza kodi.”

2 Wakolinto 5:16

Holeka ku wulawa lulu, ase si comumanya munhu wo wose mu nzila ye cimunhumunhu. Hamba yiwe camumanyila Kilisito mu nzila ye cimunhumunhu, ninga alu si nhavivyo kanyhi.

Wagalatiya 2:11

Ninga Kefa yaza kuza ku Antiyokiya, namwimila cagalanze hamwande ya wose, ku soko yali yasutizye.

1 Timoteyo 5:20

Awalya nawo wono wakwituma wubi, wuwatacilaje calinze, ho iwanji nawo wogope.

Tito 2:15

Ale, wuwafundaje zizo, kanyhi wuwitumamilaje u wulajilize wako wose, akuno wukuwaswaswaniza no kuwasugula wono wakukuhuliciza. Munhu wo wose yalece kukubedegala.