Nehemiya 5:12 - Luganuzi Luswanu Kuli Wanhu Wose 2002

¹² I walongola nawo wakapitula wakatya, “Cokwituma nha vyono wucilonjeye. Cowagomolela zi sawo zawo, kanyhi sicowadaya ne migawa yaye.” Nghawacema wakohani, no kuwasaka walongola wose, welahize ha mwande yawo, vyono mbeka siwoyidaya migawa yiyo yaye. Kanyhi na vyono wokamisa wilahize wawo wono welahize.

Nehemiya 5:12 ပူးပေါင်းရင်းမြစ်များ

Ezila 10:12

Wanhu wose wakapitulila hamonga kwe mazi mawaha, wakatya. “Conoza nha vyono wukucilonjela.”

Ezila 10:5

Hobaho Ezila yakanza kuwelahiza walongola ne wakohani ne Walawi, hamonga ne wanhu wose, nawo wakelahiza vyono wokwituma nha vyono Shekaniya yali yalavya mahweso gakwe.

Nehemiya 10:29

Cikwilunza hamonga ne walongola wetu mu wilahize, nha vyono cokwikala mu mikalile nha vyono Wulajilize wukucitonga. Wulajilize wono Mulungu yacipelela muli Musa mwitumami wakwe. Na vyono kanyhi cozityatya zose zono Muwaha Mulungu, u Mulungu wetu, yacilajiliza. Na vyono cogakamisa ne malajilizo gakwe, hamonga no wuhile wakwe. Na vyono, hono cilibene lilajilzo lili, hodu cilijitwe.

Nehemiya 10:30

Kanyhi sicokwitolanila na wono si Wayahudi, wono cikalane nawo mu yisi yetu.

Nehemiya 10:31

Kanyhi na hono wacambazize ndigwa hamba cinhu cinji mwi'zuwa lye Sabato, hamba mwi'zuwa lyono lyelile, ho waciguzize, ase sicogula yaye. Kanyhi mu mwaka wo mupunghati sicoyilima yisi, hamba ne migawa yono wacikopile si coyidaya yaye.

Nehemiya 13:25

Nghawakalipilanga wanhu no kuwalijita, nghawa kuwatowanga, kanyhi nghawakulanga ne zimvwili zawo. Nghawatya welahize hali Mulungu vyono, weneco hamba i wana wawo, si wolokwitolanila kanyhi na wono si Wayahudi.

Nehemiya 5:11

Hamba mulece kuwadaya migawa yo yose yono mukuwadaya, hono ziwe pesa hamba ndigwa, hamba divayi, hamba mafuta. Kanyhi, muwagomolelaje mbela ne migunda yawo, hamonga ne mizabibu yawo, ne zi nyuma zawo, ne mizeyituni yawo.”

Matayo 26:63

Ninga Yesu yakanyamala twii du. Nayo u Mukohani Muwaha yakamutya, “Nghukwilahiza kuli u Mulungu mumi, wucilonjelaje hono yo gwegwe Kilisito u Mwana wo Mulungu!”

Luka 19:8

Ninga Zakayo yakema, yakamulonjela Yesu, yakamutya, “Lanje ta, Muwaha, Nusu ye sawo yangu nowagawila waciwa; na hono niwe namusolela yunji cinji ko wusugu, nomugomolela mwi'walo lilyo kali kane.”