Nehemiya 5:10 - Luganuzi Luswanu Kuli Wanhu Wose 2002

¹⁰ Ane nowakopesha wanhu pesa ne zindigwa, ho wawe wali hamonga nane, hamonga ne wanhu wono wakuyitumamila. Alu, hodu ciwalekaje, cilece kuwadaya co cose kanyhi.

Nehemiya 5:10 ပူးပေါင်းရင်းမြစ်များ

Nehemiya 10:32

Na mu myaka yose, cowa kulavya munhu monga gulamu yihano za fweza, ho zitumamilwe mu milimo yo wuzenji we Nyumba yo Mulungu wetu.

Nehemiya 5:11

Hamba mulece kuwadaya migawa yo yose yono mukuwadaya, hono ziwe pesa hamba ndigwa, hamba divayi, hamba mafuta. Kanyhi, muwagomolelaje mbela ne migunda yawo, hamonga ne mizabibu yawo, ne zi nyuma zawo, ne mizeyituni yawo.”

Nehemiya 5:7

Hobaho nghawa kuwacema i walongola, hamonga ne wawaha wose, nghawa kuwalonjela nghawatya, “Anye, mbeka mukuwewonela wandugu zenyu!” Hobaho nghawa kuwakongholela hamonga wanhu wose, ho wayilanje nghani yiyi.

Nehemiya 5:9

Na kanyhi nghawatya, “Azi zono mukwituma, si swanu yaye! Yinojeye muwe ne cogopo hali Mulungu, no kwituma ze ling'ani. Na mu nzila yiyo, ho simosuma kuwapela walugu wetu wono si Wayahudi, soko yo yose yo kucisekanga.

Zabuli 15:5

Kanyhi mwene kakopeshaga hamba kudaya cambuzi yaye, hamba si kabocelaga mafupo ho yamutamise munhu, mono yasina wuhoswe, no munhu we liwala lilino, kowa yakamile cibitilila.

Isaya 58:6

“Ninga u wuleka kulya wono nyendile'ne wowu: Muwusize lukulu manyolo go wiwonela wanji, hamonga no wu wula ling'ani wenyu. Muwalecele wawe welecele wono wakwiwonelwa.

Ezekiyeli 18:13

Kanyhi yawe munhu mono kakopeshaga hanyuma kadaya ne ngomola. Mukwihwesa u munhu we liwala lili, kowumipa hongo? Nghukulonjela mbeka nha vyono si kowumipa yaye. Hambi nha kakondya kwituma zinghani zizi ze liwifyo, holeka kofwa du. Nayo kowa yeyambuza u wumi wakwe mweneco.

Ezekiyeli 18:7

Hamba si yamukonya munhu, langa yamulipa viswanu mono yamudayaga, hamba si yamuboka yunji sawo yakwe kwe vilungo. Kanyhi yawe yakuwalisa wono wadabuce, no kuwapela vivwalo wono wasakaze.

Ezekiyeli 18:8

Kanyhi yawe munhu mono kakopeshaga, ninga si kadayaga ngomola. Mono si yendile kwituma zimbi, langa kanozaga wuling'anizi we ling'ani muli munhu no muyagwe.

Mika 2:1

Woyi he, kuli wono wagonaga meso wakwihwesa zo wavu! Na lono wela hakali mitondo, kolo wakutuga cilejeho du, hodu wawa kwituma zizo zo wavu zono wali wazipanjile, hambi nha zili mu vilungo vyawo.

2 Wakolinto 5:11

Ale, ase ciyimanyile soko yo kumogopela u Muwaha, holeka ku soko yiyi, cikwihinda kuwakwega wanhu. U Mulungu yacimanyiye lukulu, nane nitumbiye vyono na nyenye nhavivyo mucimanyiye lukulu mu viselinji vyenyu.

2 Wakolinto 5:20

Holeka ase cili watumwa so Kilisito, nayo Mulungu mweneco yakucitumamila sese, cimunenenyi anye. Holeka cikumunenenyi ku so Kilisito, mwilamule no Mulungu.

2 Wakolinto 6:1

Holeka nase vyono cikwituma mulimo hamonga no Mulungu, cikumunenenyi mulece kuvumila i lihewa lyo Mulungu lyono mwabocela, lyajilile bwete.

Wukumbucize wo Wulajilize 15:2

Na yiyi yo munojeye mwitume nhavivyo. Munhu wo wose mono kowa yamukopeshe Mwiisilayeli muyagwe, hodu yalece kanyhi kumudaya, hamba yalece kwijelela kumudaya, hambi Muwaha Mulungu, u Mulungu wenyu, nha yo yatemizye zizo.