Nehemiya 4:17 - Luganuzi Luswanu Kuli Wanhu Wose 2002

¹⁷ Wa walya wono wazenganga i majinji. Awalya wono waletaga vitumamilwa vyo kuzenjela, wavidinghulilaga mu muwoko monga du, akuno webate ne citwalo co kulewela ku muwoko muyagwe.

Nehemiya 4:17 ပူးပေါင်းရင်းမြစ်များ

Nehemiya 4:13

Hobaho nane nghawapela wanhu vitwalo vyo wulugu, mimaje, migoho no wupinde. Nghawawika nha vyono wenha mu zimhuga zawo, mu mhilimo yose ye majinji gose, mono mwali mukali nakondya.

Nehemiya 4:16

Wulawilila vipango vivyo i wetumami wangu, wahegawa vipuga vyejete, cipuga cimonga wakajendelela kwituma, ne cipuga ce kejete wakawa no mulimo wo kulanjilila walugu. Wali wavwalile makoti go wulugu, webate ne migoha, hamonga ne zingula no wupinde. I walongola wetu nawo, wakawataza wanhu mulimo wo kuzenga ko wuhidimbazi muno.

Nehemiya 4:18

Nawo wono wazengaga wali wewopile mimaje mu viwino. No munhu mono yali yo mulavya citanjilo co kutowa ndulele, hono walugu waza, yali yekaye behi na nene.

Zabuli 149:6

Nhondo zose weze kwanza, zo lukumyo luwaha lo Mulungu, akuno webate ne mimaje mikali, kose kose mu miwoko yawo,

Lwimbo Luswanu muno 3:8

Nawo wose webate mimaje mu miwoko yawo, wewikanize ku wulewane.

Danyeli 9:25

Holeka wuzimanyaje zizi, kanyhi wuzizuce, vyono ku wulawilila mu madaha lono u wulajilize wulalajilizwa, nha vyono Yelusalemi yizengwe kanyhi, sunga mu mapango gono kolokuziza u mulongola muwaha u muhagulwa wo Mulungu, yolowa yakondya kupuluta majuma mupunghati. Na Yelusalemi mu madaha gago, yolowa yakondya kuzengwa wupya, hamonga ne mabalabala gayo, yolowa yakondya kuzenjelwa sunga ne magomawakali gono gali vilungo. Nayo yolokondya kuzengwa mu majuma makumi mutandatu na nyejete. Ninga i vilo vivyo, vyolowa vilo vyo wugaye.

Yoweli 2:8

Zikukola mu nzila yono nyagwe yikolile, sunga na mu magomawakali gawo, zene zikubita zikupuluta du, hamba hasina cinji cono cosuma kuzimila yaye.

1 Wakolinto 16:13

Ale, mwikalaje meso, kanyhi mwimaje mukamile mu wihuwilo, akuno musina woga, kanyhi mweze muli vilungo.

1 Wakolinto 16:9

Hambi nha ndiguliywe mulango mugazi muno muno ku soko yo mulimo wangu muwaha wono wuli baha, hamba hawe howali na wenji wono wakumhinga mhinga.

1 Wakolinto 9:12

Alu hono wawe wanji wena ling'ani yo kuzilanjilila zizo ku wulawa muli nyenye, wulenyi, ase ma, cisina ling'ani kuciza wene wawo? Ninga hamba nhavivyo, ase si cayitumamila ling'ani yiyo. Langa ase cakangalila du muli vyose, ho cilece kuluwicila cikobazo co cose cilya, u Luganuzi Luswanu lwa Kilisito.

2 Wakolinto 6:7

mu nghani ye mbeka, na kwe vilungo vyo Mulungu. No wiling'ano, co citwalo cetu co kwitaziza ku lubavu lo kulume no lubavu lo kucekulu.

Wafilipi 1:28

Mulece kuwogopa walugu wenyu, langa mweze muli vilungo nhondo zose, na yiyo yo yomukangazizenyi vyono wene wosumwa, anye mosuma, hambi u Mulungu mweneco nha yo yakumupelenyi u wusume.

2 Timoteyo 2:3

Wuhanje mu magazo nha musilikale mwihuwilwa wa Kilisito Yesu.

2 Timoteyo 4:7

Hidimbala muno mu wisumanize, muhinzo niwumala viswanu, sunga no wihuwilo nawo niwukamisa.