Nehemiya 4:16 - Luganuzi Luswanu Kuli Wanhu Wose 2002

¹⁶ Wulawilila vipango vivyo i wetumami wangu, wahegawa vipuga vyejete, cipuga cimonga wakajendelela kwituma, ne cipuga ce kejete wakawa no mulimo wo kulanjilila walugu. Wali wavwalile makoti go wulugu, webate ne migoha, hamonga ne zingula no wupinde. I walongola wetu nawo, wakawataza wanhu mulimo wo kuzenga ko wuhidimbazi muno.

Nehemiya 4:16 ပူးပေါင်းရင်းမြစ်များ

Nehemiya 4:15

I walugu wetu, wali wakondya kuhulika, vyono ase nase, cali cakondya kumanya zo wiwikanize wawo, kanyhi wakamanya vyono, Mulungu yali yakondya kuwuvyozolanga u wiwikanize wawo. Holeka ase cikajendelela du no wuzenji wetu we majinji ga Yelusalemi.

Nehemiya 4:17

Wa walya wono wazenganga i majinji. Awalya wono waletaga vitumamilwa vyo kuzenjela, wavidinghulilaga mu muwoko monga du, akuno webate ne citwalo co kulewela ku muwoko muyagwe.

Nehemiya 4:23

Nane hamba sinayiwopolaga myenda yangu ku cilo. Sunga na wose nhavivyo, i wandugu zangu ne wetumami, hamonga ne walindilizi wangu. Wose cali cili meso cibate vitwalo mu mawoko getu sunga na lono cabitaga ku wunega malenga.

Zabuli 101:6

Wanhu wehuwilwa, awo langa wo wayangu, ne wetumami wangu, wowa wo walya wono wasina wubi.

Wutuluce 28:32

Nayo yeze yina no wukozo wo mutwe haciligati yayo. No wukozo wuwo wo mutwe, wuwuhonelaje lipindo ho kanzo yilece kudemuka.

Lwimbo Luswanu muno 3:8

Nawo wose webate mimaje mu miwoko yawo, wewikanize ku wulewane.

Yelemiya 46:4

Mutandice zifwalasi zenyu Mwime micilili, muvwale ne zikofiya zenyu ze cuma! Munole ne migoha yenyu! Musoleleze hamonga ne vitwalo vyenyu!’ ”