Nehemiya 4:14 - Luganuzi Luswanu Kuli Wanhu Wose 2002

¹⁴ Nghawona i wanhu wose, weza kogopa. Hobaho nghawalonjela wose, hamonga ne walongola wawo, ne wawaha wose nghawa kuwatya, “Mulece kuwogopa i walugu wetu, mukumbucile u wuwaha wo kogofya, wo Muwaha Mulungu wetu, alu, mwihomaje so wandugu zengu wa mu yisi na so wana wenyu, ne wagolece wenyu na ku soko ye zi kaya zenyu.”

Nehemiya 4:14 ပူးပေါင်းရင်းမြစ်များ

2 Samwili 10:12

Ninga weze ne vilungo no wutung'ati! Hambi nha yicinojeye ase cihome kwe vilungo ku soko ye wanhu wetu, na ku soko ye makaya go Mulungu wetu. Nayo Muwaha Mulungu yetume zono zikuwa swanu ha meso gakwe.”

2 Zinghomo 32:7

“Mweze ne vilungo, ne nhumbula yo wutung'ati. Mulece kumogopa mutemi we Waashuli, hamba lipuga lyakwe lye wasilikale lyono yena nalyo. Hambi ase ku lubavu lwetu, nha cina vilungo muno cimucizize mwene.

Nehemiya 1:5

“Gwe go Muwaha Mulungu wa ku wulanga, agwe wuli Muwaha, nase cikogopile gwegwe, kanyhi agwe wuli lusungu, kukamisaga cilagane cako kuli wono wakwendile gwegwe no kwituma wulajilize wako.

Jobu 37:22

Zahabu yono yikung'alala yikwijela ku lubavu lwa kusumuka, no lukumyo lo Mulungu, lukucogofya.

Zabuli 143:5

Nalu nghukumbucila ze vilo vyono vyapuluta, nghwihwesa muli zose zono wazinoza, nghwihwesa ze metumo gako gose.

Zabuli 20:7

Wanji wetumbilaga mituka yo wulugu, wanji nawo wetumbilaga zifwalasi zawo. Ninga ase, cimwitumbiye u Muwaha Mulungu, u Mulungu wetu.

Zabuli 27:1

U Muwaha Mulungu wo wuzelu wangu, kanyhi yo mhonelo yangu, alu kanyhi nimogope nani lo? U Muwaha Mulungu yo mudimi wangu alu nimogope nani 'mbi?

Zabuli 46:11

U Muwaha Mulungu, Mulungu we mihanga, yali hamonga nase, u Mulungu wa Yakobo, wo wutizizo wetu.

Zabuli 65:5

Na mu metumo gako mawaha, mo wukucipitulila no kuciponya. Agwe go Mulungu, nha yo gwegwe go mhonelo yetu. Sunga ne viwumbwa vyose vyono vili mono'nze, sunga na vyono vili kusi mu malenga, vyose vikwitumbiye gwegwe du.

Zabuli 66:3

Mumulonjele Mulungu mutye, “Imetumo gako, mbeka go metumo go wizine muno muno! Na ku soko ye vilungo vyako viwaha, sunga ne walugu wako lu, weza kukufugamila gwegwe.

Zabuli 66:5

Ale, muze ta muziwone zimbaha, zono yetumile Mulungu, Kanoza nghani zo wizine muli wanhu.

Wutuluce 14:14

Muwaha Mulungu mweneco yo komulewelenyi, nanye mowa munyamaye twii, hamba kunoza cinji yaye.”

Wutuluce 14:25

Muwaha Mulungu yakagadodomeza mu nhope matuka gawo go wulugu, na ku soko yiyo wakajenda ko wugaye wuwaha. Sunga nhondo wakawa kutya, “Nye, alenyi citize ha mwande ye wanhu wawa Waisilayeli, hambi Muwaha Mulungu nha yali ku lubavu lwawo yakuwalewela.”

Muganuzi 12:1

Wumukumbucilaje Muwumbi wako mu vilo vyo wuzelelo wako, lono i vilo vibi vikali si vinaza yaye, hamba lono yikali si yinaza yono kolotya nhavi, “Aa, vinhu avi vyose hamba si vikunyendeza kanyhi yaye.”

Danyeli 11:32

Na mu nzila yo kumukonga-konga mutemi, kolokwitujila watazi wenji wa muli wono wolowa wakondya kuyileka dini yawo. Ninga awalya wono wowa wakali wakumutyatya Mulungu, awo langa wolokwihoma nayo.

Zakaliya 14:3

Nayo Muwaha Mulungu ho kololawila yehome ne zinghungugo zizo, nha vyono yawahoma mu vilo vyono vipulute.

Wuwale 14:9

Holeka mulece kuwa wafyuzi hali Muwaha Mulungu, hamba mulece kuwogopa i wanhu wono wekaye mu yisi yiyo. Cowasumiza musunho du, hambi Muwaha Mulungu nha yali hamonga nase. Nayo nha yakondya kuyisumiza milungu yawo yono wayitumbiye, holeka mulece kuwa na woga.”

Matayo 10:28

Kanyhi mulece kuwogopa awalya wono wawulagaga u muwili du, na kumbe si wosuma kuyiwulaga nhumbula. Yili ciba muno hono mumogope ayulya mono kosuma kuwongomeza u muwili, hamonga ne nhumbula mu moto we gehena.

Wukumbucize wo Wulajilize 1:21

Alu mulanje! Nayo yisi yo ayilya ahalya! Alu, mwinjile mukayihale, hambi nha vyo yalajiliza Muwaha Mulungu. Holeka mulece kogopa, hamba kuwa na wukangamyanje yaye.’

Wukumbucize wo Wulajilize 10:17

Hambi Muwaha Mulungu, u Mulungu wenyu, nha yo Mulungu we milungu yose, kanyhi yo munghala vilungo vyose. Mwene yo Mulungu mono Yalawiliciye kanyhi yo we vilungo. Holeka yanojeye yogopwe mweneco du. Hambi mwene nha yasina wuwaguzi, hamba si kabocelaga mafupo.

Wahebelaniya 13:6

Holeka cikulonga cisina woga: “U Muwaha yo mutazi wangu, si nokogopa. Hambi u munhu konoza cici?”

Yoshuwa 1:9

Wukumbucile vyono, yo nene nakulajiliza wuwe ne vilungo ne nhumbula yo wutung'ati. Holeka wulece kogopa hamba kukatala, hambi ane no Muwaha, Mulungu wako, nha nowa hamonga nagwe ko kose kono kowa kubita.”

Walamuzi 3:27

Na lono yali yakondya kufika ku yisi ye matunda ya Efulayimu, yakayitowa ndulele, yakuwacema wanhu wa Isilayeli ho wabite ku wulugu. Yakawa kuwalonjela lono wutenenhuka ga mu matunda.