Nehemiya 3:14 - Luganuzi Luswanu Kuli Wanhu Wose 2002

¹⁴ Nayo Malikiya u mwana wa Lekabu, u mulongola we yitumbi lya Beli-hekelemu yakazenga mulango we matope yakawicila ne milango yayo, ne vyuma hamonga ne makomeyo go kundindila lilango.

Nehemiya 3:14 ပူးပေါင်းရင်းမြစ်များ

2 Samwili 4:2

Ishibosheti yali yena wetumami wejete wono wali wo walongola we cipuga, matagwa gawo, yumonga yali Bana, na we kejete yali Lekabu, i wana we wa Limoni munya Beeloti, wa mu mulango wa Benyamini. (Yisi ya Beeloti, yawalwagwa yo monga ne yisi ya Benyamini.

2 Watemi 10:15

Kanyhi Yehu yakawa kutuluka, na mumo mu nzila, viketang'anila na Yonadabu u mwana wa Lekabu, yakuza kumuhinjiliza. Yehu yakamulamusa, yakamutya, “Agwe na ane nghuwona nhumbula zetu zihwanile. Alu wule, kosuma kunhaza?” Nayo Yonadabu yakatya, “Heya nokutaza.” Yehu yakamutya, “Ale mhelaje muwoko wako.” Hodu wakawa kwilamusa. Nayo Yehu yakawa kumupaciza mu mutuka wakwe,

1 Zinghomo 6:40

Nayo Shimeya mwana wa Mikayeli, nayo Mikayeli mwana wa Baseya, nayo Baseya mwana wa Malikiya.

Nehemiya 12:31

Nghawakongholela walongola wose wa Yuda, mucanyha ye majinji, nghawagawa vipuga vyejete, nghawawika wawe walanjlizi we mapuga mejete mawaha ge wanhu, nghawalajiliza wajende mumo mucanyha ye majinji, wapilime likaya lyose, ho wamupele Mulungu yilumbo. Lipuga lilongozi, likakola ku lubavu lo kulume, likujenda mucanyha ye lijinji, sunga ko ku mulango we Matope.

Nehemiya 2:13

Yali yikali cilo, mu vipango cono nawucila mwi'kaya no kukola mwi'lango liwaha lya mwi'lolo lya ku lubavu lwa kumwezi, hanyuma nghalanga takama, nghawa kukolela he 'sima lye lizoka, ha mulango we matope. Na lono nabitaga, nghajendelela kugalanga ne majinji ge likaya, vyono gali makumule, ne milango yayo, vyono yali miticimizwe na moto.

Nehemiya 3:9

Lefaya u mwana wa Huli u mulongola we nusu ye litumbi lya Yelusalemi, nayo yakazenga lubavu lunji.

Yelemiya 6:1

Ale, mutize ho mupone, anye nyo wanhu wa Benyamini! Muwuce mu Yelusalemi. Mutowe ndulele mu Tekowa, mwinule citanjilo co moto mu Beti-hakelemu. Hambi i mabi, hamonga no wongomezwe, nha vikuza vikulawilila ku lubavu lwa kusumuka.