Nehemiya 3:13 - Luganuzi Luswanu Kuli Wanhu Wose 2002

¹³ Nayo Hamuni hamonga ne wekazi wa mwi'kaya lya ku Zanowa, wakazenga u mulango we lilolo. Wakawicila ne milango, ne vyuma ne makomeyo go kudindila lilango. Wakanoza ne lijinji, wutali wa mita magana mane na makumi mane sunga wakafika ku mulango we matope.

Nehemiya 3:13 ပူးပေါင်းရင်းမြစ်များ

1 Zinghomo 4:18

Nayo Meledi nhavivyo, yakatola mucekulu wo mulango wa Yuda, wakalelana wana wadatu, Yaledi mono yo yalizenga likaya lya Gedoli. Nayo Heba, yo yalizenga likaya lya Soko. Nayo Yekutiyeli yo yalizenga likaya lya Zanowa.

2 Zinghomo 26:9

Mutemi Uziya, yakalizenjela magomawakali likaya lya Yelusalemi, yakazenga ne minala ha mulango we cipeto, na ha mulango wa kwi'lolo, sunga ne hanhu hose hono lijinji lyali lina cipeto.

Nehemiya 11:30

na mu Zanowa, na mu Adulamu, na mu vikaya vyono vilibehi ne matumbi gago. Wekalaga mu Lakishi behi ne migunda, na mu Azeka ne vitumbi vyayo. Wo wutya, wanhu wa Yuda, wekalaga mu yisi ya haciligati ya Beli-sheba, lubavu lwe takama ne lilolo lya Hinomu ku lubavu lwe sumuka.

Nehemiya 2:13

Yali yikali cilo, mu vipango cono nawucila mwi'kaya no kukola mwi'lango liwaha lya mwi'lolo lya ku lubavu lwa kumwezi, hanyuma nghalanga takama, nghawa kukolela he 'sima lye lizoka, ha mulango we matope. Na lono nabitaga, nghajendelela kugalanga ne majinji ge likaya, vyono gali makumule, ne milango yayo, vyono yali miticimizwe na moto.

Nehemiya 2:15

Baho nghajendelela, nghakola mwi'lolo lya Kidiloni, nghawa kugalanga majinji. Hanyuma, nghawa kuwuya ne nzila yono naziza, nghawa kukolela mulango wa mwi'lolo, nghawa kwinjila mwi'kaya.

Yoshuwa 15:34

na Zanowa, na Ene-ganimu, na Tapuwa, na Enamu,

Yoshuwa 15:56

Na Yezeleli, na Yokideyamu, na Zanowa,