Nehemiya 2:8 - Luganuzi Luswanu Kuli Wanhu Wose 2002

⁸ Kanyhi nghamulomba yamhele ne baluwa yinji, nimutegulile Asafu, wumulindilizi we mbago yo wutemi. Yimuloloseze, ho yamhele ne mabici go kuzenjela milango ye ligomawakali lye Nyumba yo Mulungu, ne majinji ge likaya, hamonga ne kaya yono nene nali nghekale mumo. Nayo mutemi yakamhela vyose vyono nalomba. Hambi Mulungu nha yali yali hamonga na nene.

Nehemiya 2:8 ပူးပေါင်းရင်းမြစ်များ

Mwamulizo 32:28

Nayo munhu yuyo yakamutya, “Alu ku wulawilila lulu, sikocemwa kanyhi Yakobo, langa kocemwa Isilayeli. Hambi nha kwicinda no Mulungu ne wanhu, nagwe kusuma.”

Ezila 5:5

Ninga Muwaha Mulungu yawacitilaga i walongola we Ciyahudi. Holeka i walongola we Cipelisiya wakadumula nghani vyono walece kuwemila Wayahudi mu wuzenji wawo we Nyumba yo Mulungu. Sunga kolo wakondya kumwandicila mutemi Daliyo, no kutuga kanyhi lipitulo lyakwe.

Ezila 6:22

Sikukuu yiyo yikasola vilo mupunghati, wakawa kulya mikate yono yisina cisase. Wakawa na nyemo mbaha soko vyono Muwaha Mulungu yo yawupitula mutima wo mutemi wa Siliya sunga yakendezwa no kuwataza mu mulimo wo kuyizenga kanyhi Nyumba yo Mulungu wa Isilayeli.

Ezila 6:8

Ahano lu nghulavya yilajilizo kuli'nye, ho muwataze wayenyu mu luzengo lulo. Galama yose yo kuzenjela, yilipwe mbela mbela ku wulawa mu sawo yo wutemi, yono yikwijela so wulipa kodi ku wulawa mwi'tumbi lya kumhelo ye mwezi ye likolongo lya Efulata. U mulimo wuwu ho wulece kucezwa.

Ezila 7:6

Ezila yali yamanyile viswanu malajilizo go Muwaha Mulungu we Waisilayeli, gono Muwaha Mulungu yali yamupeye Musa. Ale, vyono Ezila yali mulugutwe no Muwaha Mulungu wakwe, u mutemi muwaha yamupelaga co cose cono Ezila yacisakaga.

Ezila 7:9

Muwaha Mulungu yakawa yali hamonga nawo sunga ku Yelusalemi mwi'zuwa lilongozi lya mu mwezi we hano.

Nehemiya 7:2

Kanyhi nghawawika wanhu wejete wawe walongola mwi'kaya lya Yelusalemi. Ndugu yangu Hanani, na Hananiya u mulongola muwaha we ligomawakali lyose. Hananiya, yali munhu mwihuwilwa na we cogopo hali Mulungu, kanyhi yali cisindo.

Zimbazi 21:1

Muwaha Mulungu, kayitongaga nhumbula yo mutemi, nha vyono kacihulumyaga cikolongo.

Muganuzi 2:5

Nghenozeza sunga ne busitani, hamonga ne viwanza, nghahadika mumo mibici ye mikalo ye mawala gose.

Muganuzi 2:6

Nghahimba sunga ne malamba ge malenga, so wumwajilila malenga mibici yiyo.

Isaya 66:14

Nanye kolo mukuziwona zizi zeza kwijela, molowa na nyemo, nazo zolomupelenyi vilungo no wusangalale. Nanye lulo nhondo ho molomanyila nha vyono, ane no Muwaha Mulungu yo niwapelaga wutazi wose wono wali cihuliko kuli'ne, langa niwakolelwaga likuwo i walugu wangu.”

Danyeli 1:9

Nayo Mulungu yakamupela Ashipenazi nhumbula yo lusungu kuli Danyeli.

Metumo ge Watumwa 26:22

Ninga u Mulungu yakanhaza, holeka sunga ne zuwalili, nimile cilume-lume, nghuwahomelela wose iwawaha ne wadodo. Sinongaga zinji, langa zizilya du zono wazilonga iwawizi na Musa, vyono zolokwijela,

Metumo ge Watumwa 7:10

Yamuponya mu magayo gakwe gose. U Mulungu yakamupela lihewa ne mahala hali Falawo u mutemi wa Misili, sunga Falawo yakamuwika yawe muwaha mu yisi yiyilya, sunga na mu nyumba yakwe yo wutemi.

2 Wakolinto 8:16

Nghumulumbo Mulungu mono yamupela Tito i nhumbula yono yina nyhilu nhe yangu yo kumupelenyi wutazi.