Nehemiya 2:5 - Luganuzi Luswanu Kuli Wanhu Wose 2002

⁵ Hanyuma, nghawa kumulonjela mutemi nghatya, “Gwe Mutemi, hono wuwe wendezwe ne zinghani zangu na kanyhi hono yiwe yikukwendeza, wumhele na yono nghusaka, ale, wunghombole mbite ku yisi ya Yuda, kwi 'kaya lyono walezi wangu wazikwa, ho nghalizenje kanyhi, likaya lilyo.”

Nehemiya 2:5 ပူးပေါင်းရင်းမြစ်များ

2 Samwili 14:22

Nayo Yowabu yakagwa wu gubama hamwande yo mutemi Dawudi kwe cogopo, yakatya, “Ale u Mulungu yakulugutize ‘Gwe Mutemi! Alu nhondo ho namanya vyono wendezwe nane, hambi nha wawufisiliza wuhile wangu.’ ”

Ezila 5:17

Holeka go Mutemi! Hono nghani yiyi yiwe yikukwendeza, ale, wulavye yilajilizo ho wunozwe wulondolwe mu vitabu vyo wutemi mu Babiloni, ho yijele mbeka hono Koleshi yo yalavya wukombolwe, ho Nyumba yo Mulungu ku Yelusalemi yizengwe kanyhi? Baho nagwe kolo wamanya, ale ho kocilonjela za mu wuhile wako mu nghani yiyi vyono wukuwona gwegwe.”

Nehemiya 2:4

Umutemi yakambuza yakatya, “Alo cicici cono wukusaka nghutendele?” Nghamulomba Mulungu wa ku wulanga.

Nehemiya 2:6

Nayo mutemi lono yali yekaye hamonga no mugolece wakwe, wakendezwa no wulonje wangu, yakambuza yamanye nghusaka kutuluka nili na kanyhi nowuya nili, nane nghamulonjela.

Esita 1:19

Holeka hono wuwone viswanu, go Mulumbwe, wulavye wulajilize wukali mu wutemi wako, vyono, Vashiti yalece kanyhi kuza ha mwande yo mutemi. Lajilize mu matumbi gose ga mu yisi yako yo Pelisiya no Wumedi, no wulajilize wuwo, wuwe wono siwulakawanika yaye. Hanyuma wumulondole mugolece yunji mono mutuvu, yo yapegwe lilumbo lyo wugolece wo mutemi.

Esita 5:8

“Gwe mutemi, hono wutemi wako wuwe wudahile kumbonela lusungu no kumhela cono nolomba, ale nane nokwendezwa muno. Ane kanyhi mitondo, nomunozezenyi sikukuu yinji, gwegwe hamonga na Hamani ho muwe wajenzi wangu kanyhi. Nane baho mitondo langa, ho nolonga cono nghusaka wumhele.”

Esita 7:3

Mugolece wa mwi'kulu Esita, yakapitula yakatya, “Gwe go mutemi, hono wuwe wendezwe mu wutemi wako, wubocele wulombe wangu. Wulombe wangu kuli'gwe, wowu, nghukulomba njendelele kuwa mumi ndece kufwa, ne wandugu zangu nawo, walece kufwa.

Esita 8:5

“Hono yiwe wendezwe 'gwe go mutemi, na hono wuwe wunyheleleye, na hono wuwe wukuwona viswanu, ale nghukulomba wuwupate wulajilize wa Hamani, ho wulece kufisilizwa. U wulajilize wono Hamani mwana wa Hamidatu wa mu lulelo lwa Agagi, wono yali yawulavya mu wutemi wako wose, wono yakusaka Wayahudi wose mu zi'si zose wongomezwe.

Zimbazi 3:4

Nagwe hono witume zizo, u Mulungu hamonga ne wanhu wokwendezwa nagwe.

Danyeli 9:25

Holeka wuzimanyaje zizi, kanyhi wuzizuce, vyono ku wulawilila mu madaha lono u wulajilize wulalajilizwa, nha vyono Yelusalemi yizengwe kanyhi, sunga mu mapango gono kolokuziza u mulongola muwaha u muhagulwa wo Mulungu, yolowa yakondya kupuluta majuma mupunghati. Na Yelusalemi mu madaha gago, yolowa yakondya kuzengwa wupya, hamonga ne mabalabala gayo, yolowa yakondya kuzenjelwa sunga ne magomawakali gono gali vilungo. Nayo yolokondya kuzengwa mu majuma makumi mutandatu na nyejete. Ninga i vilo vivyo, vyolowa vilo vyo wugaye.

Matayo 23:27

“Woyi he, kuli'nye mo wejizi wo Wulajilize ne Wafalisayo mo wakoci! Anye, mono mwihwanile vitenjelo vibakwe swakala, vyono kunze vijelaga viswanu muno muno, ninga mugati, mbeka vimemile mafupa ga wono wafwa, ne takataka yose.

Lutu 2:13

Nayo Lutu yakamupitula Bowazi yakamutya, “Gwe muwaha, kuhonjela muno, kuli zono wunhedeye, no mwitumami wako. Hambi nha wanoza nane nihulice viswanu, vyono kulonga nane, kwa wupolo, hamba nha yiwe ane si nihwanile na yunji wa muli wetumami wako.”