Nehemiya 2:18 - Luganuzi Luswanu Kuli Wanhu Wose 2002

¹⁸ Kanyhi nghawalonjela na vyono Mulungu, yali yali hamonga nane, na vyono yahanzize ha mwande yo mutemi, na vyono mutemi yanonjeye. Wose wakalumbiliza, Hanyuma wakawa kutya, “Alenyi le, wose canze luzengo kanyhi.” Ho baho wakewikaniza ho wanze mulimo wo kuzenga.

Nehemiya 2:18 ပူးပေါင်းရင်းမြစ်များ

2 Samwili 2:7

Mweze ne vilungo kanyhi mweze vitung'ati! Hambi mutemi wenyu Sawuli nha yakondya lu kufwa, nawo i wanhu wa Yuda, wakondya kunyitila mafuta niwe mutemi wawo.”

1 Zinghomo 11:10

I wasilikale we lilumbo kanyhi vitung'ati wa Dawudi, hamonga ne Waisilayeli wono wali wasigaye, wose wakamutaza Dawudi ho wamutemye, nha vyono Muwaha Mulungu yehuwiza. Nawo wo wawukangaza no kuwupela vilungo wutemi wakwe.

1 Zinghomo 19:13

Ninga weze ne vilungo no mutima wono wusikame! Hambi nha yicinojeye ase cihome kwe vilungo ku soko ye wanhu wetu, na ku soko ye makaya go Mulungu wetu. Nayo Muwaha Mulungu, yetume zono yakuwona swanu ha meso gakwe.”

2 Zinghomo 32:5

Mutemi yakalinoza likaya liwe no wulindilizi wono wukamile, yakaganozeleza majinji gono gali gamwaguce, no kuzenga minala mucanyha yayo. Kanyhi yakazenga ne lijinji lye kejete yakalipilimya kunze yayo. Hamonga na zizo, yakaganozeleza ne magomawakali gono gali mazenje mu yisi yose, ga ku lubavu lwa kucilima ya Yelusalemi. Kanyhi yakawa yena migoha minji muno hamonga ne zingula.

Ezila 6:22

Sikukuu yiyo yikasola vilo mupunghati, wakawa kulya mikate yono yisina cisase. Wakawa na nyemo mbaha soko vyono Muwaha Mulungu yo yawupitula mutima wo mutemi wa Siliya sunga yakendezwa no kuwataza mu mulimo wo kuyizenga kanyhi Nyumba yo Mulungu wa Isilayeli.

Nehemiya 2:8

Kanyhi nghamulomba yamhele ne baluwa yinji, nimutegulile Asafu, wumulindilizi we mbago yo wutemi. Yimuloloseze, ho yamhele ne mabici go kuzenjela milango ye ligomawakali lye Nyumba yo Mulungu, ne majinji ge likaya, hamonga ne kaya yono nene nali nghekale mumo. Nayo mutemi yakamhela vyose vyono nalomba. Hambi Mulungu nha yali yali hamonga na nene.

Waefeso 6:10

Ze ndumilizo, nghumusacenyi mweze muli vilungo muli Muwaha na ko wutazi we vilungo vyakwe viwaha.

Wafilipi 2:13

hambi u Mulungu nha yo ketumaga u mulimo muli nyenye nhondo zose, no kumupelenyi u wusume wo kusaka no kufisiliza zose zono zili mu wulunji wo wuhile wakwe mweneco.

1 Samwili 23:16

Nayo Yonazani yakamubitila Dawudi kuko, yakamusindamika no kumupela witumbilo wo wudimwe wo Mulungu.