Nehemiya 2:17 - Luganuzi Luswanu Kuli Wanhu Wose 2002

¹⁷ Hanyuma, ho nghawalonjela nghatya, “Mulanje ta, ligayo lyono cina nalyo lulu, alu, Yelusalemi lyaza yitongo, ne milango yose yahodanjika! Alu, alenyi cilizenje kanyhi likaya lili hamonga ne majinji gayo ho ciwuse cevu cetu.”

Nehemiya 2:17 ပူးပေါင်းရင်းမြစ်များ

Ezila 9:9

Na mbeka cali cili wawanda, ninga agwe si wacileka cijendelele mu wuwanda. Langa wawanoza watemi wa ku Pelisiya wendezwe kucikombola cize ku Yelusalemi no kuyizenga kanyhi Nyumba yako yono yakumulwa, lyono lyali lyeza yitongo, kucipela na sese wikalo wono wupolile mu muno mono yisi ya Yuda na Yelusalemi.

Nehemiya 1:3

Wakanonjela wakatya, “Wawalya i Wayahudi wose wono wasigala, no kulekwa ku Yelusalemi, vyono wali wali mu wugaye ne matovulo menji. Kanyhi, wakanonjela na vyono, ne majinji ga ku Yelusalemi, gali gakali gakumuce hamonga sunga ne milango yali yikali sinanozwa, ku wulawa vyono yaticimizwa na moto ha lulongozi.”

Nehemiya 2:13

Yali yikali cilo, mu vipango cono nawucila mwi'kaya no kukola mwi'lango liwaha lya mwi'lolo lya ku lubavu lwa kumwezi, hanyuma nghalanga takama, nghawa kukolela he 'sima lye lizoka, ha mulango we matope. Na lono nabitaga, nghajendelela kugalanga ne majinji ge likaya, vyono gali makumule, ne milango yayo, vyono yali miticimizwe na moto.

Nehemiya 2:16

Kwali kusina yunji mono yamanya kono nali, hamba nali kunoza cici. Muli walongola wose wa baho kanyhi nali nghali nawalonjela hamba ne wandugu zangu Wayahudi hamba kuli wakohani ne walongola, ne wawaha wose, na kuli munhu wo wose, mono yali yanojeye yawe mu mulimo wuwo wo kuzenga.

Nehemiya 3:15

Shalumu u mwana wa Coli-hoze u mulongola wa Mizipa, nayo yakazenga lilango lye mivwilo, yakaligubika, no winjililo. Yakawicila ne milango yayo, ne vyuma ne makomeyo. Kanyhi he cilamba ca Shela, yakazenga lijinji behi ne busitani yo wutemi, sunga ho ha madalaja gono gabitile mwi'kaya lya Dawudi.

Zabuli 102:15

Nago makungugo, gomogopa Muwaha Mulungu, ne watemi nawo, wose wolwogopa lukumyo lwakwe.

Zabuli 44:13

Sunga ne wekalani wayetu, wakuziwona zono wucitendeye, nawo lu, weza kuciseka no kucizwajiza.

Zabuli 44:14

Alu wacileka cibedegalwe, ne wanhu we makungugo ganji, wakusinjisa mitwe yawo ko kucibedula.

Zabuli 79:12

Wuwalipaje kali mupunghati wawo, wekalani wayetu, 'gwe go Muwaha Mulungu, ku soko ye zinhovu zono wakutovuye gwegwe!

Zabuli 79:4

Caweza wanhu mono cikutovulwa ne wekalani wayetu, ne wekalani wayetu weza kucisekanga no kucizwajiza.

Yelemiya 24:9

Nane noloweyagaziza mu zinghugugo zose za kono'nze, ho watuje wongomezwe wubi. Ne wanhu wose wolowezwajiza no kuwahosa hamonga no kuwasekanga, no kuwalijita, ho hose hono noloweyagaziza.

I Cililo 2:2

Muwaha Mulungu yavyongomeza vitumbi vyose vya Yuda, hamba kuviwonela lusungu yaye. Yakumulanga ne magomawakali gose gono gayicitilaga yisi. Yawaletela cevu ciwaha i watemi, hamonga no wutemi wawo.

I Cililo 3:51

Ne nhumbula yangu, yikalaye muno, lono nghuziwona zono zawejelela wacekulu wa mwi'kaya.

Ezekiyeli 5:14

No munhu wo wose wa mu nghungugo zose wono wamupilimenyi, mono kowa kukola baho, kolowa musecenyi.

Mika 7:11

Nye nyo wanhu mono mwikaye mu Yelusalemi, I cipango co kuzenga kanyhi majinji ge likaya cikuza. Na mu cipango cico i mipaka ye yisi yenyu yologazimhywa.

1 Samwili 11:2

Nahashi nayo yakatya, “Ane nonoza mulamu nanye, ninga sunga camule cilumbanize nghani monga nayo yoyi, Ane nomukopozolenyi anye wose, munhu liso limonga lyo kulume, na mu nzila yiyo ho nimuletelenyi cevu Waisilayeli wose.”