Nehemiya 2:14 - Luganuzi Luswanu Kuli Wanhu Wose 2002

¹⁴ Na ku wulawilila ku lubavu lwa kucilima ye likaya, nghakolela ku lubavu lwa kusumuka, sunga ko ku mulango we mivwilo, ku cisima co mutemi. Ninga ndogowe yangu, hamba si yasuma kuwona cilejeho co kupulutila mu zinzaga, mu cizila cono cali cikoleye.

Nehemiya 2:14 ပူးပေါင်းရင်းမြစ်များ

2 Watemi 18:17

Nayo mutemi wa Ashuli, yakawa kutegula lipuga yiwaha lye wasilikale wo wulugu ku wulawa Lakishi, wabite wakamuhome Hezekiya ku Yelusalemi, wakawa wena ne walongola wawo wadatu. Nawo wali weza kufika ku Yelusalemi, wakema behi no muvwilo wono waletaga malenga kulawa mu cilamba ca hacanyha, cono cili mu nzila mbaha yono yibitile sunga ko ku ciwanza ca dobi.

2 Watemi 20:20

Ne zinghani zono mutemi Hezekiya yetuma, hamonga no wupiligazi wakwe, na vyono yanoza cilamba, yakahimba cilamba, yakawicila ne zibomba zono zenjizaga malenga mwi'kaya. Zose zandicigwe mu citabu ce zinghomo ze Metumo ge watemi wa Yuda.

2 Zinghomo 32:30

Kanyhi yo yuyu Hezekiya, mono yawudinda muvwilo we malenga wa kucanyha wa Gihoni, yakaganozeza malenga nzila yono yikolile hasi kwa hasi, sunga gakenjila mu Yelusalemi. Nayo mutemi Hezekiya yakamoteswa muli zose zono yetuma.

Nehemiya 12:37

Wulawa ku Mulunga we Mivwilo, wakabita wakakolela mu zi ngazi zono zibitile sunga ko kwi'kaya lya Dawudi lyo wutemi. Wakakolela sunga he'kulu lyo mutemi Dawudi. Hanyuma, wakawa kuwuya, sunga ko ku Mulango we Malenga, ku lubavu lwa kucilima ye likaya.

Nehemiya 3:15

Shalumu u mwana wa Coli-hoze u mulongola wa Mizipa, nayo yakazenga lilango lye mivwilo, yakaligubika, no winjililo. Yakawicila ne milango yayo, ne vyuma ne makomeyo. Kanyhi he cilamba ca Shela, yakazenga lijinji behi ne busitani yo wutemi, sunga ho ha madalaja gono gabitile mwi'kaya lya Dawudi.

Nehemiya 3:16

Nayo Nehemiya u mwana wa Azibuke, u mulongola we nusu ye litumbi lya Bete-zuli yakazenga lubavu lunji, sunga i hanhu hono hali hedomile ne citenjelo ca Dawudi ne cilamba ne zinyumba zono wekalaga wasilikale.

Muganuzi 2:6

Nghahimba sunga ne malamba ge malenga, so wumwajilila malenga mibici yiyo.