Nehemiya 2:13 - Luganuzi Luswanu Kuli Wanhu Wose 2002

¹³ Yali yikali cilo, mu vipango cono nawucila mwi'kaya no kukola mwi'lango liwaha lya mwi'lolo lya ku lubavu lwa kumwezi, hanyuma nghalanga takama, nghawa kukolela he 'sima lye lizoka, ha mulango we matope. Na lono nabitaga, nghajendelela kugalanga ne majinji ge likaya, vyono gali makumule, ne milango yayo, vyono yali miticimizwe na moto.

Nehemiya 2:13 ပူးပေါင်းရင်းမြစ်များ

2 Zinghomo 26:9

Mutemi Uziya, yakalizenjela magomawakali likaya lya Yelusalemi, yakazenga ne minala ha mulango we cipeto, na ha mulango wa kwi'lolo, sunga ne hanhu hose hono lijinji lyali lina cipeto.

Nehemiya 1:3

Wakanonjela wakatya, “Wawalya i Wayahudi wose wono wasigala, no kulekwa ku Yelusalemi, vyono wali wali mu wugaye ne matovulo menji. Kanyhi, wakanonjela na vyono, ne majinji ga ku Yelusalemi, gali gakali gakumuce hamonga sunga ne milango yali yikali sinanozwa, ku wulawa vyono yaticimizwa na moto ha lulongozi.”

Nehemiya 12:31

Nghawakongholela walongola wose wa Yuda, mucanyha ye majinji, nghawagawa vipuga vyejete, nghawawika wawe walanjlizi we mapuga mejete mawaha ge wanhu, nghawalajiliza wajende mumo mucanyha ye majinji, wapilime likaya lyose, ho wamupele Mulungu yilumbo. Lipuga lilongozi, likakola ku lubavu lo kulume, likujenda mucanyha ye lijinji, sunga ko ku mulango we Matope.

Nehemiya 2:12

Hamba sinamulonjela munhu vyono Mulungu yali yanhuma nitume ku Yelusalemi. Hobaho mu cilo mugati, nghawa kwinuka, nghalawila kunze, nghawasola wayangu wacefu, cikasola hamonga na ndogowe monga du, yono nene najendela.

Nehemiya 2:15

Baho nghajendelela, nghakola mwi'lolo lya Kidiloni, nghawa kugalanga majinji. Hanyuma, nghawa kuwuya ne nzila yono naziza, nghawa kukolela mulango wa mwi'lolo, nghawa kwinjila mwi'kaya.

Nehemiya 2:17

Hanyuma, ho nghawalonjela nghatya, “Mulanje ta, ligayo lyono cina nalyo lulu, alu, Yelusalemi lyaza yitongo, ne milango yose yahodanjika! Alu, alenyi cilizenje kanyhi likaya lili hamonga ne majinji gayo ho ciwuse cevu cetu.”

Nehemiya 2:3

Ninga nghamupitula nghamutya, “Gwe Mutemi, wutemi wako wujendelele cibitilila! Alu noleka wule kukalala, lono nghuliwona likaya lyono walezi wangu wazikwa, lyaweza matongo, ne milango yalyo yaticimizwa no moto?”

Yelemiya 5:10

“Alu nane nowatuma walugu, waze wayidumulanje mizabibu ye wanhu wangu, ninga si woyongomezeza lukulu yaye. Nowalonjela vyono wayidumulilaje manhambi du. Hambi i manhambi gago, nha si sawo yangu yaye.