Nehemiya 2:12 - Luganuzi Luswanu Kuli Wanhu Wose 2002

¹² Hamba sinamulonjela munhu vyono Mulungu yali yanhuma nitume ku Yelusalemi. Hobaho mu cilo mugati, nghawa kwinuka, nghalawila kunze, nghawasola wayangu wacefu, cikasola hamonga na ndogowe monga du, yono nene najendela.

Nehemiya 2:12 ပူးပေါင်းရင်းမြစ်များ

Ezila 7:27

Ezila yakatya “Muwaha Mulungu we wasogo zetu yalumbwe! Mono yamunozize mutemi, ho yendezwe no mulimo wo kuyizenga Nyumba yo Muwaha Mulungu ku Yelusalemi.

Nehemiya 2:11

Nghawa kujendelela sunga ko ku Yelusalemi. Nekala vilo vidatu.

Nehemiya 2:13

Yali yikali cilo, mu vipango cono nawucila mwi'kaya no kukola mwi'lango liwaha lya mwi'lolo lya ku lubavu lwa kumwezi, hanyuma nghalanga takama, nghawa kukolela he 'sima lye lizoka, ha mulango we matope. Na lono nabitaga, nghajendelela kugalanga ne majinji ge likaya, vyono gali makumule, ne milango yayo, vyono yali miticimizwe na moto.

Zabuli 122:6

Holeka muyilombele Yelusalemi mulamu, “Nawo wose wono wakwendile, wamoteswe.

Zabuli 51:18

Gwe go Mulungu, wulinozezaje ziswanu likaya lya Sayuni, wugazengaje kanyhi wupya majinji ga Yelusalemi.

Zimbazi 12:23

I wanhu we mahala, wahundikaga zono wazimanyile. Ninga i walele, wanzalikaga zo wulele wawo.

Muganuzi 3:7

cipango co kudemula, ne cipango co kuhona, cipango co kunyamala, ne cipango co kulonga,

Yelemiya 31:33

Ninga aluno, i cilagane cono nocinoza ne wanhu wa Isilayeli, cocino, Ane nolowutajila wulajilize wangu muli wene, niwandice mu zinhumbula zawo mugati. Nane nolowa Mulungu wawo, nawo wolowa wanhu wangu.

Yelemiya 32:40

Nolonoza nawo cilagane cipya. Hamba si nololecela lukulu kuwanozeza ziswanu. Nolowanoza wawe ne cogopo kuli'ne kwe nhumbula yawo yose, ho waze walece kanyhi kundeka.

Amosi 5:13

Holeka, u wukanganizi wa mu vidaha vye zimbali, yo nghani swanu muno ku witume.

Mika 7:5

Wulece kumwihuwila mwikalani muyago, hamba kumwitumbila mono mwiyendile nayo. Wilanjililaje muli zono wukulonga, hamba yiwe kuli mugolece wako.

Matayo 10:16

“Alu ane nghumutumenyi anye, kotya zingholo muciligati ye maminzi. Holeka muweze wasugu nha vyono zinha zinzoka, ninga kanyhi muweze wapolo nha vyono zinha zinziwa.

Matayo 2:14

Hobaho, Yusufu yakawa kwinuka, yakawa kumusola u mwana hamonga no nyina, wakawa kutuluka cilo cose, wakabita ku Misili.

2 Wakolinto 8:16

Nghumulumbo Mulungu mono yamupela Tito i nhumbula yono yina nyhilu nhe yangu yo kumupelenyi wutazi.

Yoshuwa 10:9

Mu cilo cico cose, Yoshuwa ne wasilikale wo wulugu, wakatuluka wakulawa ha Giligali, wakawa kubita ku Gibeyoni. Wakawatiniciza Waamoli mu wihomi, wakanza kuwahoma.

Wugubule 17:17

Hambi u Mulungu nha katajila mu zinhumbula zawo, wuhile wo kuwufisiliza wuhile wakwe, vyono welumbaniza weneco wose, no kulipela i lilimu u wulajilize wawo wo kutema, sunga kolo i nghani yo Mulungu yikuficilicila.

Walamuzi 6:27

Hobaho Gideyoni yakawasola wetumami wakwe yikumi, yaketuma nha vyono Muwaha Mulungu yamulonjela. Ninga yogopa muno kwituma zizi misi, ha mwande ya wanhu wose wa mwi'tumbi na we mhuga yakwe. Holeka yaketuma mu cilo mugati.

Walamuzi 9:32

Holeka 'gwe hamonga ne wanhu wako, wuze mu cilo mugati, ho mwihundice mu migunda.