Nehemiya 2:10 - Luganuzi Luswanu Kuli Wanhu Wose 2002

¹⁰ Ninga munhu yunji yacemwaga Sanibalati, munya Bete-holoni, hamonga na Tobiya, u mulongola wa mwi'tumbi lya Amoni, wakahulika vyono yunji kaza ho yawanozeze viswanu wanhu wa Isilayeli. Nawo wali weza kuzihulika zizo, Oo! Si wendezwa hamba hadodo.

Nehemiya 2:10 ပူးပေါင်းရင်းမြစ်များ

Nehemiya 13:1

Ale, lono wasomaga citabu co Wulajilize ca Musa, ha mwande ye wanhu wose. Wakawona mu mandiko gago hanji hono hatezaga, Muamoni hamba Mumowabu, yalecele lukulu kwihanzahanza ne wanhu wo Mulungu.

Nehemiya 13:28

Yoyada yali mwana wa Eliyashibu u mukohani Muwaha, ninga mwanagwe monga, yakatola mwana we cicekulu wa Sanibalati ku wulawa ku Bete-holoni, hobaho nghamuwinga Yoyada yawuce ha Yelusalemi.

Nehemiya 13:4

Umukohani Eliyashibu mono yali yo mulanjilizi we vinyumba vyo kuwika viwutwa, vya mu Nyumba yo Mulungu, vyali viyendile muno na Tobiya.

Nehemiya 2:19

Hobaho Sanibalati na Tobiya, hamonga no mwalabu yunji mono yacemwaga Geshemu, wakahulika zono cali calamula citume. Wakacisekanga muno muno, akuno wakutya, Alo nghanici yiyi waco yono mukwituma? Alu mbeka anye mudahile kumugaluka mutemi?

Nehemiya 4:7

Holeka Sambalati, na Tobiya ne wanhu wose wa ku Alabiya, Amoni na Ashidodi wali weza kuhulika vyono alu cikujendelela viswanu no wuzenji we majinji ga Yelusalemi, kanyhi na vyono ne mapolela ga mu majinji gali gadindwa, wene wakakomala no kukalala muno.

Nehemiya 6:1

Sanibalati, na Tobiya, na Geshemu u Mwalabu, hamonga na wanji wa muli walugu wetu, wakahulika vyono, alu, cakondya kuzenga majinji, kanyhi musina malanga gono gakumuce. Hamba ha yiwe cali cikali nawicila milango mu winjililo.

Nehemiya 6:16

I walugu wetu wa mu zinghungugo wono wali wacipilime, wali weza kuzimanya zizi, hodu wakawula vilungo, wakapuwa muno, kanyhi wakatanga vyono, u mulimo awu witumilwa mu vilungo vyo Mulungu wetu.

Esita 10:3

Hambi Moledekayi u Muyahudi, nha yo yali we kejete mu wulongola ku wulawilila ko mutemi Ahasuwelo. Nayo Moledekayi yakawa yena lilumbo yiwaha muno, kanyhi yakawa yendezwe mwipuga lyose lye Wayahudi wayagwe. Nayo yakawatendela viswanu muno wanhu wakwe, no kulonga zo mulamu kuli zo lulelo lwawo lwose.

Zabuli 112:10

Ninga i wabi waziwonaga zizo wawa kusimba, wawa kugwezula meno gawo, ko lusulo no kwajilila, witumbilo wawo, hodu wahodanjika.

Zimbazi 27:4

Likuwo si litetelaga, kanyhi lihodangaga. Ninga hamba nhavivyo, si lyokwihwana no munhu we mvivi.

Zimbazi 30:22

U muwanda hono yawe mutemi, U munhu mulele, hono yawe yakwizize ndigwa.

Muganuzi 10:7

Kanyhi niwawene wetumami wakujendela mu zifwalasi, ninga i wawaha we lilumbo, wakujenda kwa migulu nha wetumami.

Isaya 15:5

Nane nhumbula yangu yikuyikalalila muno Mowabu! Hambi wanhu wayo nha wakondya kutiziza ku cikaya ca Zowali, na ku Egilati-shelishiya. Wanji watiziza ku Luhiti, akuno wakujenda wakulila. Wanji watiziza ku Holonayimu wakulila wazozize.

Yelemiya 41:10

Ne wanhu wose wono wasigala kuko ku Mizipa, mwene Isimayeli yakawasola nha wafungwa, i wana we cicekulu wo mutemi, ne wanhu wose, wono Nebuzaladani u muwaha we wasilikale, yawawika mu wulanjilizi wa Gedaliya. Yakawa kutuluka nawo, yakawategula ku yisi ya Amoni.

Yelemiya 48:34

“Nawo i wanhu wa ku Heshiboni, na wa ku Eleyale wolowa wakulila, ne cililo cawo, colohulikwa sunga ko ku Yahazi. Sunga ne wanhu wa ku Zowali, nawo wolohulika, sunga ko ku Holonayimu, na ku Egilati-shelishiya. Sunga ne cikolongo ca ku Nimulimu cakondya kunyala.

Yelemiya 48:5

Kanyhi wuhulice sunga ne cililo mu nzila, ce mazi gawo go wukalale, cibitile sunga ko ku Luhiti, i makaya ge magayo, sunga ko ku Holonayimu.

Metumo ge Watumwa 4:2

wakugazika muno mu zinhumbula, vyono wawo watumwa, wawaganulilaga wanhu vyono Yesu yazuka, inghani yono yikulajila cagalanze vyono iwafu wolozuka.

Metumo ge Watumwa 5:24

U Muwaha we walindilizi we Nyumba yo Mulungu ne wakohani wawaha, waza hulika zizi, wakawa na mahwele, hamba kumanya zono ziwatujile.