Nehemiya 13:6 - Luganuzi Luswanu Kuli Wanhu Wose 2002

⁶ Na zizi lono zetumwaga, ane, nali nawuka ha Yelusalemi, ku soko mu mwaka we makumi madatu na nyejete, wa mu wuteme wakwe mutemi Alitashasita ku Babiloni, nali nojeye nimubitile kuko ku Babiloni, nghamuloloseze zo wujendelele, wono cali cina nawo u Yelusalemi. Nali neza ku kondya zizi, ne vilo lono vyali vyatelatela, hodu, mutemi yakawa kunghombola ho mbuye ku Yelusalemi.

Nehemiya 13:6 ပူးပေါင်းရင်းမြစ်များ

Ezila 6:22

Sikukuu yiyo yikasola vilo mupunghati, wakawa kulya mikate yono yisina cisase. Wakawa na nyemo mbaha soko vyono Muwaha Mulungu yo yawupitula mutima wo mutemi wa Siliya sunga yakendezwa no kuwataza mu mulimo wo kuyizenga kanyhi Nyumba yo Mulungu wa Isilayeli.

Nehemiya 2:1

Ale, yali yeza kupuluta miyezi mine, mu mwezi wono wacemwaga Nisani. Mutemi Alitashasita yali yafisa myaka makumi mejete ga mu wuteme wakwe, lulo yalizaga cinyamisi. Nghasola divayi nghawa kumupela mutemi. Nayo yali yakali nambona niwe nina wukalale, hamba mwi'zuwa linji lyo lyose, wulawa mwamulizo. Ninga mwi'zuwa lilyo, nghawa no wukalale muno.

Nehemiya 5:14

Ale, mu myaka yikumi na myejete, yono nali mulongola wa mwi'tumbi lya Yuda. Ne vipango vyo mutemi Alitashasita, ku wulawa mu mwaka we makumi mejete sunga yakafisa myaka makumi madatu na myejete mu wuteme wakwe, ane hamonga ne wandugu zangu, sicalya ndigwa yono yali yinojeye nilye nha mulongola.

Wutuluce 32:1

Nawo wanhu wali weza kuwona vyono Musa yacela muno kuko mwi'tunda, hamba si yakuwuya mbela ku wulawa mwi'tunda, hodu, wakawa kwikongholela hali Haluni, wakawa kumutya, “Gwe Haluni! Ale wucinozeze milungu yono yocitonga, hambi nha si cimanyile yono yimutujile yuyo Musa mono yaciwusa ku yisi ya Misili.”

Matayo 13:25

Ninga lono wanhu wali wagona, u mulugu wakwe yakawa kuza, yakawa kugahadika mabalwe muciligati yo wuhemba, yakawa kubita.