Nehemiya 13:5 - Luganuzi Luswanu Kuli Wanhu Wose 2002

⁵ Holeka yamukombola Tobiya yekale mu cinyumba cimonga ciwaha, co kuwicila viwutwa vye vilavywa vyo wuhemba, na vinji vinji, ne viya vyono vyetumamilwaga mu Nyumba yo Mulungu, ne vilavywa so Wakohani, ne zaka zo wuhemba, no wuvumba ne divayi, ne mafuta vyono wapegwaga Walawi ne wembi, ne walindilizi we Nyumba yo Mulungu.

Nehemiya 13:5 ပူးပေါင်းရင်းမြစ်များ

2 Zinghomo 31:11

Hanyuma mutemi yakalajiliza wanozeleze hanhu ho kuwika viwutwa mu Nyumba yo Mulungu.

2 Zinghomo 34:11

i vinhu vyono viketumamilwa mu wunozelezi we mazengo gono watemi wa Yuda, wagaleceleza gakahodanjika.

Nehemiya 10:36

Cowa kuwategula i wana wetu i walongozi kulelwa, kuli wakohani wono wetumaga ku Nyumba yo Mulungu, ho cikalavye kuli Mulungu nha vyono Wulajilize wukutya. Kanyhi cowa kumulavizya Muwaha Mulungu zi ng'ombe zinongozi kulelwa, hamonga na mu zingholo zetu ne zimhene zetu.

Nehemiya 10:37

Cowa kutegula mu myaka yose, no wusaje wutiwe, wo wuhemba wupya, kuli Wakohani, mu Nyumba yo Mulungu, wo kunoza mukate, hamonga ne vilavywa vinji vinji vye divayi, ne mafuta, hamonga ne mikalo ye hayo hayo. Cowa kutegula kuli Walawi, ne zi zaka zono zikulawa mu migunda yetu, ne zaka ze ndigwa yono cowa kutuga mu migunda yetu.

Nehemiya 10:38

Wakohani wana wa Haluni, yiwanojeye wawalilizwe hamonga ne Walawi, lono zaka yikukongholwa, wasole monga kwe kumi ya mu zaka yono woyikonghola, wayiwice mu cinyumba co kuwika zi sawo ze Nyumba yo Mulungu, so witumami wa mu Nyumba yo Mulungu wetu.

Nehemiya 12:44

Mwi'zuwa lilyo, wanhu wakawikwa, ho wawe walanjilizi we vinyumba vyo kuwika viwutwa vya mu Nyumba yo Mulungu, mono vyawikwaga vyose, hamonga ne zaka, ne malimbuko go wuhemba, ne mikalo, i vilongozi kupya mu migunda yawo myaka yose. Walindilizi wawa, wakapegwa mulimo wo kuvikonghola mu migunda ya mu vikaya ne matumbi gono gapilime, i vilavywa vye Wakohani ne Walawi nha vyono winha wulajilize. I wanhu wose wa Yuda, wendezwa muno no witumami we Wakohani ne Walawi.

Nehemiya 13:7

Baho nali naza kufika ha Yelusalemi, nghatinuka muno kuwona vyono, Eliyashibu, yali yamukombolela Tobiya cinyumba cico mu Nyumba yo Mulungu.

Ezekiyeli 40:38

Na ku luwa ya kunze, hali ho zili nyumba zinji nzengwe zipapicizwe mwi'jinji ku lubavu lwa kusumuka yo mulango. Ne milango yayo, yadigulilwaga mugati ye balaza yo kwambila lubeho, yono yali vidomile ne luwa. Baho ho wazikwemelaga zi mitugo ze makumbiko ge vilavywa vinyanywe.