Nehemiya 13:3 - Luganuzi Luswanu Kuli Wanhu Wose 2002

³ Ale, nawo wanhu wa Isilayeli, wali weza kuzihulika zo Wulajilize wuso wukusomwa, ho baho wakawatemanula i wanhu we makungugo ganji wose, wono wali wali mu mhuga yawo.

Nehemiya 13:3 ပူးပေါင်းရင်းမြစ်များ

Ezila 10:11

Holeka alu munene wubi wenyu kuli Muwaha Mulungu, u Mulungu we walezi wenyu, mwitume zono zikumwendeza. Mwilegaje na wajenzi wono wekaye mu yisi yetu, kanyhi mwitemanukaje ne wacekulu zenyu wono si Wayahudi.”

Ezila 9:2

Nha vyono Wayahudi, wakondya kutola wacekulu wono si Wayahudi. Holeka wanhu wo Mulungu wetipiza mu wubi. Kanyhi walongola ne wawaha, wali wo walongozi kwitipiza.

Nehemiya 10:28

Ase co wanhu wa Isilayeli, co wakohani, ne Walawi, ne walindilizi we Nyumba yo Mulungu, ne wembi we Nyumba yo Mulungu, ne wetumami wa mu Nyumba yo Mulungu, hamonga na wose wono so wibata Lilajilizo lyo Mulungu, wakesiwanula ne wanhu we makungugo ganji, wono wekalanaga nase mu yisi yetu. Hamonga ne wagolece zetu, ne wana wetu wono waficila lizika lyo kumanya no kutanga zo Wulajilize.

Nehemiya 9:2

Wali wakondya kwisiwanula ne wanhu we makungugo ganji. Wakavwala magunila, no kwiyesela manghundi mu mitwe yawo, ciwe nha citanjilo co wukalale awo. Wakema, wakanza kunena wubi wono wali wetumile, hamonga no wubi we walezi wawo.

Zabuli 119:11

Nibate lilajilizo lyako, mu nhumbula yangu, ho ndece kukusutizya.

Zabuli 119:9

Alu muzelelo kosuma nhawule, kuyinozeleza mikalile yakwe? Langa mu wibata malajilizo gako du.

Wutuluce 12:38

Ne wanhu wanji wenji muno, vikabitana nawo hamonga ne matewa mawaha ge zingholo, zimhene ne zing'ombe.

Zimbazi 6:23

Ne mejizo gayo, nha lyo limuli lyako no wuzelu, no wutonji wayo, wokwijiza mu mikalile yako.

Wuwale 11:4

Na mu muhinzo wuwo, mwali mowali ne wajenzi wono vyajendana hamonga ne Waisilayeli. Nawo wakawa wena nyhilu yo kulya nyama, sunga na weneco Waisilayeli, nawo wakawa kwanza kung'ung'ulika wakutya, “Nye, alu nyama, hamba ciyiwone hayi!

Walumi 3:20

Hambi nha hasina munhu wo wose, mono kosuma kuvumilwa hali Mulungu so wibato 'lajilize, ku soko u mulimo wo Wulajilize, wene wukuwa kumulajila du munhu vyono yetumile wubi.

Yakobo 1:27

Hambi dini yono yelile, na yono yisina manamha manamha ha mwande yo Mulungu u Sogo yo munhu, nha yoyi: Kuwataza wana wono wasina walezi wawo, ne wacekulu wafwile mu wugaye wawo, no kwiyilanjilila go mweneco ho wulece kutipizwa ne yinze yiyi.