Nehemiya 13:18 - Luganuzi Luswanu Kuli Wanhu Wose 2002

¹⁸ Ayi mbeka yo soko yono yamukalaza Mulungu, sunga yakawa kuwalipiciza i walezi wenyu, lono yalyongomezeza likaya lili. Sunga nalu nanye, mukali vyo mukulyonjeleza likuwo lyo Mulungu mu mhuga ya Isilayeli, so kuyavufya Sabato.”

Nehemiya 13:18 ပူးပေါင်းရင်းမြစ်များ

Nehemiya 10:32

Na mu myaka yose, cowa kulavya munhu monga gulamu yihano za fweza, ho zitumamilwe mu milimo yo wuzenji we Nyumba yo Mulungu wetu.

Wutuluce 31:12

Muwaha Mulungu yakamulonjela Musa yakamutya,

Yelemiya 17:27

Ninga yiwanojeye wahulicize 'ne, no kuyikamisa Sabato, i lizuwa lisiwanulwe. Kanyhi walecele lukulu kudinghula mutegulo wo wose, no kuwukoza mu milango ya Yelusalemi mwizuwa lilyo. Na hono wejelele du wanoze nhavivyo, nane noyipembela moto milango yose ya Yelusalemi. No moto wuwo wologakongoga i makaya gose go wutemi ga mu Yelusalemi. Na holowa hasina hamba munhu monga mono kolosuma kuwuzimya moto wuwo.”

Yelemiya 44:22

Kanyhi mulanje nha vyono, ne yisi yenyu yakondya kuwa matongo, hasina hamba munhu mono yekaye mumo. Hambi nha ceza cinhu ca kogofya muno. Sunga ne wanhu weza kulitumamila litagwa lyayo nha wulijitwe. Hambi u Muwaha Mulungu, nha si kosuma kujendelela kuwukangalila u wubi wenyu, hamonga ne mabi genyu gono mukwituma.

Yelemiya 44:23

Holeka sunga ne magazo gaga, gamuzizenyi, ku soko ye vilavywa vye makumbiko genyu, gono mwali kuyilavizya milungu yinji, no kumusutizya u Muwaha Mulungu, na kanyhi vyono si mukusaka kugatyatya ne malajilizo gakwe.”

Yelemiya 44:9

Hamba mwasemwa lo i zimbi zono zetumwa ne walezi wenyu, ne watemi, mu makaya ga mu yisi ya Yuda, na mu zinzila za mu Yelusalemi, ne walezi wenyu, ne watemi wa Yuda hamonga ne wagolece zawo, hamonga na nyenye ne wagolece zenyu lo?

Ezekiyeli 23:26

Wolovidemulanga vivwalo vyako, wasole hamonga no wihambo wako wo wulenzi.

Ezekiyeli 23:8

Nayo yajendelela no wumalaya wakwe, nha vyono yali yenha du kuko ku Misili, kono yawucila no wunyacipale wakwe. Hambi nha ku wulawa mu wuhinza wakwe, i walume nha wagonaga nayo, wakamutendela nhe wacekulu wamalaya.

Walawi 26:18

“Ninga hono zizi zose ziwe zakondya kupuluta, nanye ho muwe mukali vyo muli bamba du, hamba si mukuhulika, nane nokonjeleza wulipicizwe wenyu kali mupunghati.

Walawi 26:28

Nane nomuzizenyi mwi'kuwo lyangu, nokonjeleza wulipicizwe wenyu mu nzila mbi muno muno kali mupunghati si nha wa halulongozi.

Amosi 8:5

Mukutya nyo weneco, “Colindila sunga kolo vyapuluta i vilo vye ndawo yo mwezi, ho cosuma kuguza vilimwa vyetu. Alu sabato yomalika nili nase ho cisume kwanza kuguza kanyhi? Hambi baho nha colosuma kuguza na kumhelo, mu nzila yo kwitumila vipimo vyo wulambi, no kuvipitula vipimilo, ho ciwahizize wanyo kugula.

Wuwale 32:14

Alu nanye mwazihalila ze walezi wenyu, anye nyo lulelo lupya, lulelo lwe wanhu wabi, mwewikaniza nanye mulilete kanyhi likuwo liwaha lyo Muwaha Mulungu kuli Waisilayeli.