Nehemiya 13:12 - Luganuzi Luswanu Kuli Wanhu Wose 2002

¹² Hobaho i wanhu wa Isilayeli, wakawa kwanza kanyhi kulavya zaka zawo zo wuhemba ne divayi, na ze mafuta, no kuviwika mu vinyumba vye viwutwa, vya mu Nyumba yo Mulungu.

Nehemiya 13:12 ပူးပေါင်းရင်းမြစ်များ

2 Zinghomo 31:4

Hamonga na zizo, mutemi yakawalonjela wanhu wose wa Yelusalemi, walete vilavywa vyono vyali viwanojeye wakohani ne Walawi wapegwe, ho wasume kujendelela viswanu, wapiligaye mu Wulajilize wo Muwaha Mulungu.

2 Zinghomo 31:5

No mutemi yali yeza kulavya wulajilize wuwo, hobaho lwa kamonga du, wanhu wa Isilayeli, wakawa kuleta vipegwa vyo wuhemba wawo wuswanu, ne divayi ne mafuta, no wuci, hamonga ne vilimwa vinji du vya mu migunda yawo. Wakalavya ne zaka ku wulawa muli vinhu vyawo vyose vyono wali wena navyo.

Nehemiya 12:44

Mwi'zuwa lilyo, wanhu wakawikwa, ho wawe walanjilizi we vinyumba vyo kuwika viwutwa vya mu Nyumba yo Mulungu, mono vyawikwaga vyose, hamonga ne zaka, ne malimbuko go wuhemba, ne mikalo, i vilongozi kupya mu migunda yawo myaka yose. Walindilizi wawa, wakapegwa mulimo wo kuvikonghola mu migunda ya mu vikaya ne matumbi gono gapilime, i vilavywa vye Wakohani ne Walawi nha vyono winha wulajilize. I wanhu wose wa Yuda, wendezwa muno no witumami we Wakohani ne Walawi.

Walawi 27:30

Ne zaka ya muli vyose vye vilimwa vyenyu, hono wuwe wuhemba, hamba mikalo, vivyo vyose yo sawo yo Muwaha Mulungu.

Malaki 3:10

Holeka letenyi ku Nyumba yo Mulungu zaka yenyu yono yikwilaniciye, ho hawe na ndigwa nyinji. Ta munjelaje, nanye mowona, nodigula madilisha ga ku wulanga, nimumwajilenyi ko winji muno muno i vinhu vyose i viswanu.

Malaki 3:8

Ale nane nghumuwuzenyi nghutya, wulenyi, yili viswanu munhu yamukonje Mulungu? Ng'o, si yowa viswanu. Ninga hamba nhavivyo anye mukunghonga 'ne. Kanyhi mukuwuza mukutya, ‘Alu cikumukonga nhawule?’ Mukunghogela mu nzila yo wulavya zaka ne vilavywa.

Wukumbucize wo Wulajilize 14:22

“Mweze kukumbucila kuwika ha mhelo zaka zenyu, nha cinji monga kwe 'kumi ya mu vilimwa vyose vyono mukutuga mwaka kwa mwaka mu migunda yenyu.