Nehemiya 13:11 - Luganuzi Luswanu Kuli Wanhu Wose 2002

¹¹ Nghawakalipila i walongola, vyono wali wayileceleza Nyumba yo Mulungu yawula wanhu. Hobaho nghawagomola kanyhi ha Yelusalemi i Walawi ne wembi, nghawa kuwawika kanyhi wetume mu Nyumba yo Mulungu.

Nehemiya 13:11 ပူးပေါင်းရင်းမြစ်များ

Nehemiya 10:39

I wanhu wose wa Isilayeli hamonga ne Walawi, yiwanojeye wasole i vilavywa vyose vye zaka, waviwice mu vinyumba vyono viwikwaga viwutwa vya mu Nyumba yo Mulungu. Vilavywa vyo wuhemba, vye divayi na vye mafuta. Ho viwikwe hamonga ne viya vyose vye Nyumba yo Mulungu, lono ne Wakohani wono wali mu witumami wali baho, ne walanjilizi, hamonga ne cipuga ce wembi, nawo ho wasole lobo ye zi zaka zose, wetumamile. Nase si coyileka Nyumba yo Mulungu wetu.

Nehemiya 13:17

Nghawakalipilanga kanyhi i walongola we Ciyahudi nghawatya, “Alu ta mulanje azi zo wavu zono mukwituma! Mweza kuyihodanga Sabato, ho liwe yizuwa lyono si lyelile.

Nehemiya 13:25

Nghawakalipilanga wanhu no kuwalijita, nghawa kuwatowanga, kanyhi nghawakulanga ne zimvwili zawo. Nghawatya welahize hali Mulungu vyono, weneco hamba i wana wawo, si wolokwitolanila kanyhi na wono si Wayahudi.

Jobu 31:34

Hamba si nghuwa kogopa zono wanhu wononga nghali hamba si nejelela niwuhundicize wubi wangu.

Zimbazi 28:4

Na hono wuwe si kuwucelelelaga wulajilize, nagwe wehwana i wanhu wabi. Ninga hono wuwe wukuwutyatya wulajilize, si kohoswa yaye,

1 Samwili 2:17

No wubi wuwu we wana we cilume wa Eli, yikawa nghani 'mbi muno muno hali Muwaha Mulungu, vyono wagatendelaga makumbiko go Muwaha Mulungu mu wu wula cogopo.