Nehemiya 12:8 - Luganuzi Luswanu Kuli Wanhu Wose 2002

⁸ Walawi awa nawo wono watyatyizye, wali wapejigwe wulajilize wo kwimba zinyimbo zono zelile, ze lilumbo hali Mulungu. Yeshuwa, Binuyi, Kadimiyeli na Shelebiya, Yuda na Mataniya, mono yali yo mulanjilizi mu zinyimbo zo wulumbe hamonga ne wanduguze.

Nehemiya 12:8 ပူးပေါင်းရင်းမြစ်များ

1 Zinghomo 9:33

Ne zimhuga zinji ze Walawi, wakawa wo walanjilizi we wembi wa mu Nyumba yo Mulungu. Ne walongola we zimhuga zizino, wanji wekalaga mu vinyumba vinji vya mu Nyumba yo Mulungu. Nawo wakalekwa wetume mulimo wuwo du. Hambi nha wetumaga misi ne cilo.

Ezila 2:40

Ndelo ze Walawi wono wawuya ku wulawa ku wuhamywe. Wana wa Yoshuwa na Kadimiyeli, (wo lulelo lwa Hadaviya) wali wali makumi mupunghati na wane.

Ezila 3:2

Yoshuwa u mwana wa Yozadaki ne wakohani wayagwe, na Zelubabeli u mwana wa Shelatiyeli, hamonga ne wanduguze wakazenga cikumbicilo co Muwaha Mulungu we Waisilayeli, so vilavywa vinyanywe. Nha vyono nyandikwe mu wulajilize wa Musa u munhu wo Mulungu.

Nehemiya 11:17

Hamonga na Mataniya u mwana wa Mika, u mwizukulu kwa Zabudi we ndelo ya Asafu. Nayo yo yali yo mutonji, we cipuga ce wembi wa mu Nyumba yo Mulungu, u wimbe wawo, wo kwimba zinyimbo zo wuhembi, na zo wulavye na zo wulumbe. Na Bakubuke yali yo mutazi wa Mataniya. Abada u mwana wa Shamuwa, u mwizukulu kwa Galali, we ndelo ya Yedutuni.

Nehemiya 11:22

Umulanjilizi we Walawi, wono wekalaga mu Yelusalemi, yali Uzi u mwana wa Bani, u mwizukulu kwa Hashabiya, ne walezi wawo, hamonga na Mataniya na Mika, nayo yali we mhuga ya Asafu, mhuga yono yali yina wutonji, no witumami wuswanu wo kwimba zi nyimbo mu Nyumba yo Mulungu mu wuhembi.

Nehemiya 12:24

Ale, so mahweso ge walongola, Hashibiya, Shelebiya, Yeshuwa, Binuyi na Kadimiyeli. I Walawi wose, wakawikwa mu vipuga vipuga, wawikwaga vipuga vyejete vyejete mu wilecele, ho vimukumye no kumulumba Mulungu, mu wutyatya wutemye wo Mutemi Dawudi munhu wo Mulungu.

Nehemiya 12:7

Salu, Amoke, na Hilikiya na Yedaya. Awa, wali wo walongola we wandugu zawo wakohani, mu vilo vya Yoshuwa.

Nehemiya 12:9

Awa nawo, wakanoza cipuga ce wembi, cono cembaga wedomile ne cipuga ce wayawo, wakwiboceza mu wimbe, Bakubukiya, na Uno, hamonga ne wandugu zawo Walawi.

Nehemiya 7:43

Zindelo ze Walawi, zono zawuya ku wulawa ku wuhamywe. Yeshuwa na Kadimiyeli (we zindelo za Hadaviya,) wali wali makumi mupunghati na mane.

Nehemiya 7:48

Lebana, Hagaba. Salumanyi.

Nehemiya 9:4

Baho hali ho hali hanhu hacanyha ho kulonjela hono hali hazenjigwe ne mabici hono Walawi wemaga mucanyha yayo. Ale Yeshuwa yakema mucanyha yayo, hamonga na Bani, na Kadimiyeli, na Shebaniya, na Buni, na Shelebiya, hamonga na Bani na Kenani. Wakalomba hamonga kwe mazi mawaha, kuli Muwaha Mulungu, u Mulungu wawo.