Nehemiya 12:1 - Luganuzi Luswanu Kuli Wanhu Wose 2002

¹ Ali lyo liwalo lye wakohani ne walawi, wono wawuya wulawa ku wuhamywe, hamonga ne Zelubabeli u mwana wa Sheyalitiyeli, hamonga no Mukohani Muwaha Yoshuwa.

Nehemiya 12:1 ပူးပေါင်းရင်းမြစ်များ

Ezila 3:2

Yoshuwa u mwana wa Yozadaki ne wakohani wayagwe, na Zelubabeli u mwana wa Shelatiyeli, hamonga ne wanduguze wakazenga cikumbicilo co Muwaha Mulungu we Waisilayeli, so vilavywa vinyanywe. Nha vyono nyandikwe mu wulajilize wa Musa u munhu wo Mulungu.

Ezila 3:8

Ale waza kufika mwezi we kejete wa mu mwaka we kejete, ku wulawa lono wawuyila ku Yelusalemi, wakawa kwanza mulimo wo kuyizenga Nyumba yo Mulungu. Zelubabeli, na Yoshuwa hamonga ne wandugu zawo wa mu 'si, ne Wakohani wose, ne Walawi, na wose wono wawuya ku Yelusalemi ku wulawilila ku wuhamywe, wakelunza hamonga mu mulimo wuwu. Iwalawi wono wali waficile myaka makumi mejete hamba kuciza, wawo wo wawikwa wawe wo walanjilizi mu mulimo wuwo wo kuyizenga Nyumba yo Mulungu.

Ezila 4:2

Hobaho wakawa kumubitila Zelubabeli ne walongola wa mu zindelo zawo, wakawatya, “Cikulomba nase cimutazenyi kuyizenga Nyumba yo Mulungu, hambi na sese nha cikuwa kumuhemba Muwaha Mulungu, mono na nyenye mukuwa kumuhemba. Nase cijendelelaga kumulavizya vilavywa ku wulawa mu vilo vyo wuteme wa Mutemi Esale-hadoni wa ku Siliya lono yaciletela ho cikale baha.”

Ezila 5:2

Hobaho Zelubabeli umwana wa Salatiyeli, hamonga na Yoshuwa mwana wa Yehozadaki, wakawuhulika wulonje wawo, wakawa kwanza kanyhi kuzenga Nyumba yo mu Yelusalemi na wawalya wawizi wejete Hagayi na Zekaliya nawo wakajendelela kuwataza.

Ezila 7:7

Mu mwaka wo mupunghati wa mu wuteme wakwe Alitashasita, Ezila yakawuka ku wulawilila ku Babiloni, yakabita ku Yelusalemi, hamonga ne lipuga lye Waisilayeli, ne wakohani Walawi, ne wembi wa mu Nyumba yo Mulungu, ne walindilizi we Nyumba yo Mulungu hamonga ne wetumami.

Nehemiya 11:36

Wanji nawo wa mu cipuga ce Walawi, wono wekalaga mu yisi yiyo ya Yuda, wakelumbaniza ho wekalane ne wanhu wo mulango wa Benyamini.

Nehemiya 12:10

Yoshuwa yali yo mulezi wa Yoyakimu, Yoyakimu yakamulela Eliyashibu, na Eliyashibu yakamulela Yoyada.

Nehemiya 12:2

Wakohani wali awa, Selaya, Yelemiya, Ezila, Amaliya, Maluki

Nehemiya 7:7

Wono wazana ne walongola wawo wa Zelubabeli, Yoshuwa, Nehemiya, Azaliya, Lamiya, Nahamani, Moledekayi, Bilishani Misepelete, Biguvayi, Nehumu na Baana.

Hagayi 1:1

Mu mwaka we kejete wo wutemi wa Daliyo mu Pelisiya, mwi'zuwa lilongozi lyo mwezi wo mutandatu, Muwaha Mulungu yalonga mu nzila yo muwizi Hagayi. Yamulonjele Zelubabeli mwana wa Shelitiyeli u mulongola we yisi ya Yuda, hamonga no Mukohani Muwaha Yoshuwa mwana wa Yehozadaki.

Hagayi 1:12

Hobaho Zelubabeli na Yoshuwa ne wanhu wose wono walawa ku wuhamywe ku Babiloni, waketuma nha vyono Muwaha Mulungu wawo yawalonjela wetume. Nawo wakamogopa no kumuhulika muwizi Hagayi, mutumwa wo Muwaha Mulungu.

Hagayi 1:14

U Muwaha Mulungu yakaweza mitima wanhu wose wetume mulimo wo kuyizenga Nyumba yo Mulungu, Zelubabeli u mulongola we yisi ya Yuda, na Yoshuwa u Mukohani Muwaha, ne wanhu wose wono wawuya ku wulawa ku wuhamywe. Wakawa kwanza kuyizenga kanyhi Nyumba yo Muwaha Mulungu we Mihanga, u Mulungu wawo.

Hagayi 2:2

Yakamulonjela Hagayi, yalonje na Zelubabeli u mulongola we yisi ya Yuda, na kuli Yoshuwa Mukohani Muwaha, na kuli wanhu, yawalonjele yatye.

Zakaliya 6:11

Wunoze mukumbo mu wulawa mu fweza ne zahabu, zono wakupelile, wumuvwice mu mutwe u mukohani muwaha Yoshuwa u mwana wa Yehozadaki.