Nehemiya 11:3 - Luganuzi Luswanu Kuli Wanhu Wose 2002

³ Mu makaya ganji ne matumbi ganji, i wanhu wa Isilayeli hamonga ne wakohani ne Walawi, ne wetumami wa mu Nyumba yo Mulungu, hamonga ne wetumami, ne wetumami we wana wa Solomona, awa wose, wekalaga hanhu hawo, mu matumbi gawo. Liwalo lye walongola, wono wekalaga mu Yelusalemi, likaya lyono lyelile, wono wali wo walongola we wanhu, wono wekalaga mu matumbi ga Yuda, lyo alino.

Nehemiya 11:3 ပူးပေါင်းရင်းမြစ်များ

Ezila 2:1

I wahamywa wenji wakawuka mu yisi ya Babiloni, wakawuya ku Yelusalemi na ku Yuda, munhu na hanhu hakwe hono yalawilila. Wandugu zawo wanji, wakajendelela kwikala mu yisi yo wujenzi ku Babiloni, ku wulawa vyono Mutemi Nebukadineza yawasola no kuwategula kotya wafungwa.

Ezila 2:43

Ndelo ze wetumami wa mu Nyumba yo Mulungu, zono zawuya ku wulawilila ku wuhamywe zo azi: Mhuga ya Ziyaha, Hazufa, Tabayoti,

Ezila 2:70

Baho i wakohani, ne Walawi, hamonga ne wanhu wanji wakanoza wikalo wawo mu Yelusalemi, hamba behi na Yelusalemi. Ninga i wembi wa mu Nyumba yo Mulungu ne wetumami wayo, hamonga ne walindilizi wayo wana wose wakanoza wikalo wawo mu makaya ge behi na Yelusalemi. Na wanji wa muli Waisilayeli, nawo wakanoza wikalo wawo behi ne makaya gono zindelo zawo zekalaga katali.

Nehemiya 11:20

Wanji nawo wa mu wanhu wa Isilayeli, hamonga ne wakohani, ne Walawi, wono wasigala, wakekala hanhu hawo mu matumbi ne makaya ga Yuda.

Nehemiya 11:4

Cipuga ca wo mulango wa Yuda. Mhuga ya Ataya, u mwana wa Uziya, u mwizukulu kwa Zekaliya. Hamonga na wanji wa muli walezi wawo, na Amaliya, na Shefatiya, na Mahalaleli, na we zindelo ze wana wa Yuda u mwana wa Pelezi.

Nehemiya 7:39

Ali lyo liwalo lye zindelo ze wakohani, wono wawuya ku wulawa ku wuhamywe. Yedaya (we zindelo za Yeshuwa,) wali wali magana yicenda na makumi mupunghati na wadatu.

Nehemiya 7:43

Zindelo ze Walawi, zono zawuya ku wulawa ku wuhamywe. Yeshuwa na Kadimiyeli (we zindelo za Hadaviya,) wali wali makumi mupunghati na mane.

Nehemiya 7:46

Zindelo ze wetumami wa mu Nyumba yo Mulungu wono wawuya ku wulawa ku wuhamywe. Ziha, Hasufa, na Tabayoti,

Nehemiya 7:6

Awa wo wali wali mwi'tumbi wono wawuya munhu na hakwe ku Yelusalemi na ku Yuda, ku wulawilila ku Babiloni, ku wuhamywe wono zindelo zawo, zekalaga ku wuhamywe ku Babiloni, lono Mutemi Nebukadineza yawakunza no kuwawika nha wafungwa mu jela.

Nehemiya 7:7

Wono wazana ne walongola wawo wa Zelubabeli, Yoshuwa, Nehemiya, Azaliya, Lamiya, Nahamani, Moledekayi, Bilishani Misepelete, Biguvayi, Nehumu na Baana.

Nehemiya 7:73

Hobaho i wakohani ne Walawi, ne walindilizi wa mu Nyumba yo Mulungu, ne wembi, ne wanhu wose, hamonga ne wetumami wa mu Nyumba yo Mulungu, ne wanhu wa Isilayeli, wakawa kwikala mu matumbi ne makaya ga Yuda.