Nehemiya 11:16 - Luganuzi Luswanu Kuli Wanhu Wose 2002

¹⁶ Shebetayi na Yozabadi, i Walawi, wono wali wamanyice, mu mulimo wo wulanjilizi we milimo ya kunze ye Nyumba yo Mulungu.

Nehemiya 11:16 ပူးပေါင်းရင်းမြစ်များ

1 Zinghomo 26:20

Na wanji kanyhi wa muli Walawi, wakapegwa mulimo wo wulanjilizi we zisawo za mu Nyumba yo Mulungu na ya mu zinyumba ze viwutwa, vye vipegwa vilavye kuli Mulungu.

1 Zinghomo 26:29

Na mu wana wa Izihali, Kenaniya hamonga ne wanagwe, wo wapegwa mulimo wo kuwika vikumbucizo vye zinghani, hamonga no wuling'anizi muli Waisilayeli.

Ezila 10:15

Wose wakalivumila lihweso lilyo. Ninga Yonazani u mwana wa Asaheli, hamonga na Yehizeya u mwana wa Tikiva wo wazilema zinghani zizi, vyono wene mahweso gawo gali go mamonga na Meshulamu na Shebalayi u Mulawi.

Ezila 8:33

Na mwi'zuwa lye kane, cikenjila mu Nyumba yo Mulungu, cikavipima viya vye zahabu na vye fweza, cikawa kumupela Melemoti u mukohani, u mwana we cilume wa Uliya. Nayo Melemoti, yali yali hamonga na Eleyezali mwana wa Finehasi, hamonga ne Walawi wejete, Yozabadi u mwana we cilume wa Yeshuwa, hamonga na Nowadiya u mwana we cilume wa Binuyi.

Nehemiya 11:15

Cipuga ce Walawi: Yali Shemaya u mwana wa Hashubu, u mwizukulu wa Azilikamu. Ne walezi wawo, hamonga na Hushabiya na Buni.

Nehemiya 11:17

Hamonga na Mataniya u mwana wa Mika, u mwizukulu kwa Zabudi we ndelo ya Asafu. Nayo yo yali yo mutonji, we cipuga ce wembi wa mu Nyumba yo Mulungu, u wimbe wawo, wo kwimba zinyimbo zo wuhembi, na zo wulavye na zo wulumbe. Na Bakubuke yali yo mutazi wa Mataniya. Abada u mwana wa Shamuwa, u mwizukulu kwa Galali, we ndelo ya Yedutuni.

Nehemiya 8:7

Hanyuma wakenuka wakema wima. Nawo i Walawi awa, Yeshuwa, Bani, Shelebiya, Yamimu, Akubu, Shabetayi, Hodiya, Maseya, Kelita, Azaliya, Yozabadi, Hanani na Pelayi, wakawa wo walolosi wono wawalolosezaga wanhu.