Nehemiya 10:34 - Luganuzi Luswanu Kuli Wanhu Wose 2002

³⁴ Ase wose, ne Wakohani, hamonga ne Walawi, cowa kuhagula mu mwaka, mu nzila yo kutowa kula, ho ciyituje mhuga ya hayi yono yowa kuleta zingwagu, zo kunyanyila cilavywa cinyanywe kuli Muwaha Mulungu, u Mulungu wetu, nha vyono Wulajilize wukulolosa.

Nehemiya 10:34 ပူးပေါင်းရင်းမြစ်များ

1 Zinghomo 24:5

Na ku wulawilila baho, mu wana wa Eleyezali na mu wana wa Itamali, mukawa mowali ne wetumami wa mu Nyumba yo Mulungu, ne wetumami walongola we cimuhe. Na wuwu wugawane we milimo, wukanozwa mu nzila yo kutowa kula.

1 Zinghomo 24:7

Ali lyo liwalo lye zimhuga makumi mejete na yine zono zagawilwa milimo yo kwituma. Yehoyalibu, Yedaya,

2 Zinghomo 2:3

Hanyuma Solomona yakawa kutuma wanhu kuli Hilamu, mutemi wa Tulo, wakamulonjele watye, “Nghukulomba, wunhendele nane nha vyono wamutendela baba Dawudi, vyono wamuguzizaga mabici go muhagata, so wuzenjela kaya yakwe ye likulu.

Ezila 3:5

Hamonga ne vilavywa vivyo, walavyaga kanyhi ne vilavywa vinyanywe vye nhondo zose, ne vilavywa vye sikukuu, mu ndawo yo mwezi mupya, na vyono walavyaga mu wihangulize wawo, lono wamuhembaga Muwaha Mulungu wawo. Hamonga ne vilavywa vyawo vyono wamulavizyaga ko welecele Muwaha Mulungu nha vyono wali wendezwe weneco.

Nehemiya 11:1

Walongola wose, wakekala mu Yelusalemi, i wanhu wanji wose, wakatowa kula, ho yihagulwe mhuga monga monga, mu wulawa mu mhuga yikumi yikumi, waze wekale mwi'kaya lyono lyelile lya Yelusalemi. Na wono wosigala, wajendelele kwikala mu makaya ga mu matumbi gawo.

Nehemiya 13:31

Nghawika ne mazuwa, go kuleta zingwagu zo kunyanyila vilavywa vinyanywe, vyono vyalavywaga mu mapango gono gali galajilizwe. Hamonga no wityatye we wanhu, ho wawe kulavya i malimbuko go wuhemba ne mikalo milongozi kupya. Wunghumbucile Gwe go Mulungu so zizi, wumhele ne ziswanu zose.

Zimbazi 18:18

Na hono wanhu wejete we vilungo, wawe wena wiwanganile mu mahakama, ale, kula yo yosuma kuzilamula zinghani zizo.

Isaya 40:16

Ne vilimu vyose vya mu mbago ya Lebanoni, hamba si vikondizye so makumbiko, kuli Mulungu wetu sunga ne mabici gayo, nha macefu ku wasiza moto.

Walawi 24:5

“Ale, wusole wusaje wa kilo yikumi na nyejete, wunoze mikate yikumi na myejete.

Walawi 24:6

Wuyitandalice mu micilili myejete, mucilili monga mikate mutandatu, no muyagwe nawo nhavivyo, mucanyha ye meza i hiliwe zahabu nengu, yono yili mwi Hema lyono lyelile.

Wuwale 28:2

Yawalajilize Waisilayeli vyono, yiwanojeye wamulavizye Mulungu vilavywa vye ndigwa, vyono vikumwendeza, wavilavye mu vilo vyono vitemezwe kulavywa.

Metumo ge Watumwa 1:26

Baho wakatowa kula, ne kula yikamwihaga Matiya, nayo yakawalilizwa ne watumwa we likumi na monga.

Yoshuwa 9:27

Ninga hamba nhavivyo, lo lulo lulo yakawanoza wawe wetumami, watenya zingwagu, kanyhi wanega malenga so Waisilayeli na so cikumbicilo co Muwaha Mulungu. Sunga nalu wakali wajendeleye kuwituma mulimo wuwo, hanhu hohose hono Muwaha Mulungu kohagula, wawe kumuhembela.