Nehemiya 10:30 - Luganuzi Luswanu Kuli Wanhu Wose 2002

³⁰ Kanyhi sicokwitolanila na wono si Wayahudi, wono cikalane nawo mu yisi yetu.

Nehemiya 10:30 ပူးပေါင်းရင်းမြစ်များ

2 Watemi 23:25

Hakawa hasina mutemi yunji kanyhi mono yakawa yehwanile mutemi Yosiya, ku wulawa muli watemi wose wono wamulongolela kutema, hamba wono watema lono mwene yali yakondya kufwa, mono yamwitumamila Muwaha Mulungu kwe nhumbula yakwe yose, na ko mutima wakwe wose, na kwe vilungo vyakwe vyose, mono yali yebate Lilajilizo lya Musa. Hasina hamba monga mono yakawa yehwanile mutemi Yosiya.

2 Watemi 23:3

Mutemi yakema behi ne lisumbili, yakanoza cilagane no Muwaha Mulungu, cilagane vyono kowa na cihuliko kuli Mulungu, kanyhi na vyono kogebata malajilizo gakwe, hamonga no wulajilize wakwe kwe nhumbula yakwe yose, na ko mutima wakwe wose. Kanyhi na vyono kozikamya zinghani ze cilagane zono zandicigwe mu citabu. Nawo i wanhu wose wakehuwiza nha vyono wocibata no kucikamisa cilagane cico.

2 Zinghomo 34:31

Yakema he sumbili lye watemi, yakanoza cilagane no Muwaha Mulungu, nha vyono komuhulika no kwibata wulajilize, hamonga ne malajilizo gakwe, kwe nhumbula yakwe yose, hamonga na ko mutima wakwe wose. Na kanyhi, kokwituma zose nha vyono zinha mu cilagane, nha vyono zandicigwe mu citabu.

Nehemiya 10:1

Umulongozi kutajila citanjilo, yali Nehemiya mwana wa Hakaliya, na Zedekiya, hamonga na awano wono wakutyatya.

Nehemiya 13:23

Kanyhi baho, ho nghamanya nha vyono, wanji wa muli Wayahudi, wali watolile wacekulu wanya Ashidodi na we yisi ya Amoni na Mowabu.

Nehemiya 13:25

Nghawakalipilanga wanhu no kuwalijita, nghawa kuwatowanga, kanyhi nghawakulanga ne zimvwili zawo. Nghawatya welahize hali Mulungu vyono, weneco hamba i wana wawo, si wolokwitolanila kanyhi na wono si Wayahudi.

Nehemiya 13:30

Hodu, nghawa kuweze wanhu, mu wulawa mu vinhu vyose vijenzi, nghawika wityatye we milimo, so Walawi ne wakohani, ho wamanye no kuwutyatya witumami wawo viswanu.

Nehemiya 5:12

I walongola nawo wakapitula wakatya, “Cokwituma nha vyono wucilonjeye. Cowagomolela zi sawo zawo, kanyhi sicowadaya ne migawa yaye.” Nghawacema wakohani, no kuwasaka walongola wose, welahize ha mwande yawo, vyono mbeka siwoyidaya migawa yiyo yaye. Kanyhi na vyono wokamisa wilahize wawo wono welahize.

Zabuli 119:106

Nane nilahiza no kukangaza mu wilahize wangu, vyono nogakamisa mejizo gako ge ling'ani

Wutuluce 34:16

no kuwatoza wana wenyu we cilume kuli wana wawo we cicekulu. Hambi nha wowajiliza no kuwanoza wawe si wehuwilwa kanyhi kuli'ne, wawe kuhemba ne milungu yawo yo wulambi.

Wukumbucize wo Wulajilize 29:11

we cicekulu, ne wana, hamonga ne wajenzi, wono mwikalane nawo, wono wakumutenyelenyi zingwagu no kumunejelenyi ne malenga.

Wukumbucize wo Wulajilize 7:3

Kanyhi mulecele lukulu kwitolanila nawo.