Nehemiya 10:1 - Luganuzi Luswanu Kuli Wanhu Wose 2002

¹ Umulongozi kutajila citanjilo, yali Nehemiya mwana wa Hakaliya, na Zedekiya, hamonga na awano wono wakutyatya.

Nehemiya 10:1 ပူးပေါင်းရင်းမြစ်များ

2 Watemi 23:3

Mutemi yakema behi ne lisumbili, yakanoza cilagane no Muwaha Mulungu, cilagane vyono kowa na cihuliko kuli Mulungu, kanyhi na vyono kogebata malajilizo gakwe, hamonga no wulajilize wakwe kwe nhumbula yakwe yose, na ko mutima wakwe wose. Kanyhi na vyono kozikamya zinghani ze cilagane zono zandicigwe mu citabu. Nawo i wanhu wose wakehuwiza nha vyono wocibata no kucikamisa cilagane cico.

Ezila 10:3

Holeka aluno, cinoze wuhembi wo kumulomba Mulungu yacinenele, kanyhi ciwice cilagane nayo, vyono ase cowawinga wacekulu wawa, hamonga ne wana wono waleligwe nawo. Nase cokwituma du nha vyono agwe wacilonjela, hamonga ne wanji wono wendile kwituma malajilizo go Mulungu. Nase cokwituma nha vyono malajilizo go Mulungu gakucilonjela.

Ezila 2:63

Umulongola we Wayahudi, yakawalonjela vyono walece kulya ndigwa yono ndavye kuli Mulungu, sunga langa mukohani mono yakwitumamila Ulimu na Tumimu yawe yali baho.

Nehemiya 1:1

Azi zo nghani zono yetuma Nehemiya, u mwana wa Hakaliya. Ale, mu mwezi we Ciselevu, wa mu mwaka we makumi mejete, wa mu wuteme wakwe mutemi muwaha Alitashasita ku yisi ya Pelisiya, nene Nehemiya, nekalaga ku Shushani, likaya liwaha lya ku Pelisiya.

Nehemiya 10:2

I wakohani, wali awano, Selaya, Azaliya, Yelemiya, na

Nehemiya 10:30

Kanyhi sicokwitolanila na wono si Wayahudi, wono cikalane nawo mu yisi yetu.

Nehemiya 7:65

Nayo mulongola we Wayahudi, yakawalonjela vyono, walece kusejelela no kulya ndigwa yono yelile, i ndavye kuli Mulungu, sunga langa yawe yali baho mukohani mono yakwitumamila Ulimu na Tumimu.

Nehemiya 7:70

Wenji muno, wa muli wanhu wa Isilayeli, wakalavya vinhu, so kuwulipila mulimo wo wuzenji we Nyumba yo Mulungu. Umulongola wa mwi'tumbi, yakalavya kilo munana za zahabu, bakuli makumi mahano zo kulila zindigwa ze zi sikukuu, hamonga ne vivwalo vyo kwitumamila wakohani, vyali vili magana mahano na makumi madatu.

Nehemiya 8:9

Wanhu wali weza kuhulika, no kumanya vyono Wulajilize wukutya, hobaho wose wakanza kulila muno. Ale, vyono Nehemiya yali yo mulongola wa mwi'tumbi, na Ezila yali yo mukohani no munghula wo kuwumanya Wulajilize, hamonga ne Walawi wono wawalolosezaga wanhu zo Wulajilize, wakawalonjela wanhu wakatya, “Zuwali, lye zuwa lyono lyelile lyo Muwaha Mulungu, u Mulungu wenyu, holeka mulece kukalala hamba kulila.

Nehemiya 9:38

Ku soko ya zizi zose zono zakodya kucijelela, nase co wanhu wa Isilayeli, cikuwika cilagane zuwali cono cikamile, cono cokwandikwa, kanyhi cowicilwa ne vitanjilo vye walongola wetu, ne Walawi, hamonga ne wakohani.

Wutuluce 24:4

Nayo Musa yakawa kuwandika wulajilize wose wo Muwaha Mulungu. Hanyuma ya zizo, Musa yakelawa kwinuka hakali mitondo muno muno. Yakazenga cikumbicilo ha mwejelele we litunda, yakawicila masumbili yikumi na mejete, nha vyono linha liwalo lye milango yose yikumi na myejete ye Waisilayeli.