Nehemiya 1:9 - Luganuzi Luswanu Kuli Wanhu Wose 2002

⁹ Ninga hono mumbuyile, no kumhitucila nene, mwitume na zono namulajilizenyi, nane nomukongholezenyi wose, no kumuwicenyi hanhu hono nahahagula ho niwe kuhembelwa, hamba yiwe mwiyagaye mu yinze yose, ane nomugomolenyi.’

Nehemiya 1:9 ပူးပေါင်းရင်းမြစ်များ

1 Watemi 8:48

Na hono wanene kwe nhumbula ye mbeka lono wali ku yisi yiyo, ho wakulombe akuno wadomizye wusu wawo ku lubavu lwa kono yisi yiyi, yisi yono wawapela i walezi wetu, ne likaya lili lyono gwegwe walihagula, ne Nyumba yiyi yono nakuzenjela gwegwe,

1 Watemi 9:3

Muwaha Mulungu yakamulonjela yakatya, “Nakondya kuwuhulika wulombe wako, kanyhi nakondya kuyisiwanula Nyumba yangu yiyi yono wanzenjela, yiwe ho hanhu hono nowa kuhembelwa cibitila. Nane noyilanjilila no kuyidima vilo vyose.

1 Zinghomo 16:35

Nanye mutye “Gwe Mulungu we mhonelo yetu, wuciponye. Wucikonghole no kucilavyaniza muli we makungugo, ho cikulumbe no kulikumya litagwa lyako lyono lyelile.”

Ezila 6:12

Muwaha Mulungu yalumbwe, mono yayihagula, Yelusalemi, hawe ho hanhu ho kumuhembela. Holeka Mulungu yamongomezaje mutemi wo wose, hamba nghungugo yo yose, mono kobeza wulajilize wuwu, no kuyiviza yiyo Nyumba yo Mulungu. Yo nene Daliyo, mono nalavya lilajilizo lili. Holeka yiwanojeye wose walikamise muno muno.”

Zabuli 106:47

Gwe go Muwaha Mulungu wuciponye, go Mulungu wetu. Wucikongholezaje wose, ciwuce muli we makungugo, nase ho cikulumbe, no kulikumya litagwa lyako lyono lyelile!

Zabuli 107:3

kanyhi, yakamukongholezenyi, ku wulawa mu zisi zo wujenzi, ku wulawilila kucilima na kumwezi, na ku wulawilila kusumuka na kutakama.

Zabuli 147:2

Muwaha Mulungu, yakulizenga likaya lya Yelusalemi, yakuwakongholeza wapolile Waisilayeli, wono wali weyagazwa.

Isaya 11:12

Muwaha Mulungu kolowenulila bendela makungugo, ho yagalajile nha vyono, aluno nhondo, yeza kuwakongholeza kanyhi hamonga, i wanhu wa Isilayeli na Yuda, wono wali weyagaye ako na ako, yawagomole ku wulawa ku zimhelo ze yinze zose vyono yine.

Isaya 27:12

Na mwi'zuwa lilyo, u Muwaha Mulungu kolowakongholeza wanhu wakwe yumonga yumonga nha vyono munhu kelaga wuhemba mu mawaje ku wulawa Efulata, sunga ko ku mupaka we yisi ye Misili.

Isaya 56:8

Nayo Muwaha Mulungu we mihanga, mono yawagomola wanhu wakwe Isilayeli ku kaya ku wulawa ku wuhamywe, yakondya kwihuwiza nha vyono kowaleta na wanhu wanji ho vihangane nawo.

Yelemiya 12:15

Nane kolo nakondya kuwawusiza lukulu, ale, baho langa nane ho nolowawonelela nawo lusungu, niwagomole kanyhi mu zi'si zawo, wanhu na yisi yawo.

Yelemiya 3:14

“Nye nyo wanhu mono si muli wehuwilwa, ale mumbuyilaje 'ne, hambi nha muli wangu. Nane nomusolenyi munhu yumonga yumonga, mu wulawa mu makaya gose. Kanyhi nosola wanhu wejete wejete, mu wulawa mu milango yenyu yose. Nane nomugomolenyi sunga kwi'tunda lya Sayuni.

Yelemiya 31:10

U Muwaha Mulungu yakutya nhavi, “Nye nyo we zinghungugo, muhulicizaje ye, muziganule zinghani zangu, sunga ko ku vizingwa vyo kutali. Hambi 'ne, nha naweyagaza wanhu wangu, ninga luno nowakongholela wose hamonga. Niwakamise nha vyono mudimi kakamisaga litewa lyakwe.

Yelemiya 32:37

Nowakongholeza wanhu wose, ku wulawa mu ma'si gose, kono naweyagaziza mwi'kuwo lyangu, niwagomole kanyhi hanhu baha, niwalece wekale bahano wapolile.

Yelemiya 6:22

U Muwaha Mulungu yakutya nhavi, “Ale, i wanhu wakuza wakulawa ku yisi yo lubavu lwa kusumuka, we likungugo lyono lili vilungo, wakwiwikaniza so wulugu.

Ezekiyeli 14:6

“Holeka aluno, wuwalonjele Waisilayeli zono nghuwalonjela ane no Muwaha Mulungu, nghutya, ‘Ale mbuyilenyi 'nye nyo wanhu wangu, mumhitucile nene, muwuce mu vihwani vyenyu vye mawifyo.’

Ezekiyeli 36:24

Nomuwusenyi 'nye mu wulawa mu ma'si, na mu makungugo gose, no kumugomolenyi sunga ko ku yisi yenyu.

Walawi 26:3

“Hono muwukamise wulajilize wangu no kwibata malajilizo gangu.

Zakaliya 8:7

Ane nowawusa wanhu wangu ku wulawa ku yisi ya ku'cilima na ku yisi ya kumwezi.

Matayo 24:31

Ne lizi yiwaha lye ndulele, lyolohulikwa, nayo kolowatuma i wamalayika wakwe, nawo wolowakonghola i wahagulwa wakwe ku wulawa ku zimbavu zose vyono yine ze yinze, kuwulawilila ku mudumo awu wo wulanga, sunga ko ku mudumo muyagwe.”

Wukumbucize wo Wulajilize 12:21

Na hono i hanhu ho kuhembela hawe hali kutali muno muno na hono wikaye, kosuma kuwulaga ya muli ng'ombe zako, hamba muli ngholo zako mu mapango gogose gono wendile, mu nghango ya vyono Muwaha Mulungu yakupelile. Nanye mosuma kuyilya nyama yiyo mu zikaya zenyu, nha vyono nghamulonjelenyi.

Wukumbucize wo Wulajilize 12:5

Ninga Muwaha Mulungu, kohagula hanhu hamonga du mu yisi yose, i hanhu hono i wanhu wose we milango yenyu yose, mowa kumubitila no kumuhemba.

Wukumbucize wo Wulajilize 30:1

“Alu nakondya kumulecelenyi welecele, wo kwihagulila nyenye nyo weneco muli zizi zi nyejete, wumoteswe no wulijitwe. Nanye kolo zinghani zikumwijelelenyi, lono muli kuko mwikaye mu makungugo, gono Muwaha Mulungu yamuwinjilenyi, nhondo, ho molokumbucila nha vyono munojeye muhagule nyenye nyo weneco muli zizi zi nyejete zono nghumulecelenyi.