Nehemiya 1:7 - Luganuzi Luswanu Kuli Wanhu Wose 2002

⁷ Cetuma wubi winji hali'gwe cilemegwa sunga no kutyatya malajilizo gono wacilajiliza. Hamba kwibata wulajilize wono wacipelela muli mwitumami wako Musa.

Nehemiya 1:7 ပူးပေါင်းရင်းမြစ်များ

1 Watemi 2:3

kanyhi weze kwituma zose zono Muwaha Mulungu, u Mulungu wako yakukulajiliza. Weze na cihuliko kuli zo Wulajilize wakwe wose, hamonga ne malajilizo gakwe, nha vyono gandicigwe mu Wulajilize wa Musa, ho wuwe no wumoteswe mu milimo yako yose.

2 Zinghomo 25:4

Ninga i wana wawo, awo langa si yawawulaga yaye, yatyatya zono Muwaha Mulungu yalajiliza mu Wulajilize wa Musa, zono zikutya, “I walezi si wofwa ku soko yo wubi we wana wawo, hamba wana nawo si wofwa ku soko yo wubi we walezi wawo. Langa munhu kofwa ku soko yo wubi wakwe mweneco du.”

2 Zinghomo 27:2

Nayo yaketuma zono zamwendezaga Muwaha Mulungu, nha vyono sogwe Uziya yetuma. Ninga mwene si yamusutizya Muwaha Mulungu so wufusa wuvumba mu Nyumba yo Mulungu. Langa wanhu wo wamusutizya Muwaha Mulungu.

Ezila 7:6

Ezila yali yamanyile viswanu malajilizo go Muwaha Mulungu we Waisilayeli, gono Muwaha Mulungu yali yamupeye Musa. Ale, vyono Ezila yali mulugutwe no Muwaha Mulungu wakwe, u mutemi muwaha yamupelaga co cose cono Ezila yacisakaga.

Zabuli 106:6

Cinoza wubi nhe walezi wetu, cituma zo wavu, cituma zimbi.

Zabuli 89:31

na hono wawubene wulajilize wangu, walece kuwa ne cihuliko kuli zo wutonji wangu,

Zabuli 89:32

baho langa ho nowatowela, ku soko ye masutya gawo, kanyhi nowalipiciza ku soko yo wubi wawo.

Isaya 1:4

Holeka, alu mokongomezwa, anye nyo likungugo lyono lina wubi, anye nyo wanhu wono mwendile mafupo, kanyhi muli wabi! Ninga mumanye nha vyono, u wubi wenyu wuwo, womukulunhyenyi hasi! Hambi anye nha mwamulema Muwaha Mulungu, u Mulungu mono yelile we Waisilayeli. Mwakondya kumupitucila mugongo.

Danyeli 9:11

Ne Waisilayeli wose, wakondya 'lu kuwubena wulajilize wako, hamba si wakuzityatya kanyhi yaye zono wawalonjela. Holeka ase cili wasutyi du hali'gwe, na ku soko yiyo, holeka nagwe wukaciletela malijito gose gago gono mandice mu Wulajilize wa Musa, u mwitumami wako.

Danyeli 9:13

Wukucilipiciza ko wulipicizwe wose, wono wukulongwa mu Wulajilize wa Musa. Ninga hamba nhavivyo, 'gwe go Muwaha Mulungu, go Mulungu wetu, nase cikali napituka, ciwulece wubi wetu hamba kuyityatya i mbeka yako, ho cikwendeze gwegwe.

Hoseya 9:9

Weyihodanga muno ku soko yo wubi wono wetuma lono wali wali ku Gibeya. Ninga Mulungu kowukumbucila wubi wawo, nayo kowalipiciza ku soko yo wubi wawo.

Walawi 27:34

Nago gaga go malajilizo gono Muwaha Mulungu, yamulajiliza Musa mwi'tunda lya Sinayi, ho yawalonjele i wanhu wa Isilayeli.

Zefaniya 3:7

Ne makaya gawo geza gali bwete, na mu zinzila zayo, mweza musina cinji, hasina hamba yunji mono yasigaye. Nane nghehwesa vyono, wanhu wangu wowa wena cogopo kuli'ne no kubocela mejizo gangu, no kuleka kusemwa, mejizo gono nawejiza. Ninga wakacenya musunho, no kwituma zimbi mu mikalile yawo.”

Malaki 4:4

“Ninga mukumbucile mejizo go mwitumami wangu Musa, hamonga no wulajilize, ne malajilizo gono namupelela kwi'tunda lya Sinayi, anye wanhu wose wa Isilayeli, mugebate.

Wukumbucize wo Wulajilize 4:1

Hanyuma Musa yakawalonjela wanhu yakatya, “Mweze muli cihuliko kuli zo wulajilize wono nghumwijizenyi, nanye holeka mowumipa, sunga muyisole ne yisi yono Muwaha Mulungu, u Mulungu we walezi wenyu, yakumupelenyi.

Wukumbucize wo Wulajilize 4:5

“Nane nha nakondya kumwijizenyi ze malajilizo gose, nha vyono Muwaha Mulungu, u Mulungu wangu yanonjela nitume. Holeka mweze ne cihuliko kuli malajilizo gago, mumo mu yisi yono mokwinjila no kuyisola yiwe yenyu.

Wukumbucize wo Wulajilize 5:1

Musa yakawakonghola hamonga i Waisilayeli, yakawalonjela yakatya, “Anye nyo Waisilayeli, alu nghumunenenyi, muhulicize malajilizo gono nghumulajilizenyi izuwali. Mugeyijize, sunga mumanyile lukulu nha vyono mwakondya kugakamisa gose.

Wukumbucize wo Wulajilize 6:1

“Na gagano go malajilizo gose gono Muwaha Mulungu, u Mulungu wenyu, yandajilize nimwijizenyi. Holeka mweze na cihuliko, kanyhi mugakamise muno, mumo mu yisi yono aluno mweza kwinjila no kuyisola yiwe yenyu.

Wugubule 19:2

Hambi ining'aniza yakwe nha ya mbeka kanyhi ye ling'ani. Hambi nha kamuling'aniza u musenyha muwaha, mono yali yakondya kuyajiliza yinze ku so wusenyha wakwe. U Mulungu kamuling'aniza yuyo Babiloni likaya liwaha, vyono lyawawulaga i wetumami wakwe!”