Nehemiya 1:6 - Luganuzi Luswanu Kuli Wanhu Wose 2002

⁶ Holeka wunangaje 'gwe go Muwaha Mulungu. Wuhulicize wulombe wangu, nha vyono nghukulomba misi ne cilo so wetumami wako Waisilayeli. Nghuvumila vyono ase co wanhu wako, Waisilayeli citumile wubi. Walezi wangu na nene no mweneco, cetuma wubi hali 'gwe.

Nehemiya 1:6 ပူးပေါင်းရင်းမြစ်များ

1 Watemi 8:30

Wuhulice wulombe wangu, hamonga no wulombe we wanhu wako, lono nawo wowa wakukulomba vidomile wusu wawo ne hanhu baha. Gwe go Mulungu mono wikaye kuko ku wulanga, wucihulice kanyhi wucinenele.

1 Watemi 8:47

ninga wuhulice wulombe we wanhu wako. Na hamba wawe wali ku yisi yiyo, ninga hono wanene, wakulombe, wakuvumila nha vyono mbeka wetuma wubi kanyhi wali cibede, ale wuhulice wulombe wawo Gwe go Muwaha Mulungu.

2 Zinghomo 28:10

Sunga nalu kanyhi, vyo mukali du, mukusaka muwanoze i wanhu wa Yelusalemi na Yuda, i walume ne wacekulu, wawe wawanda wenyu. Alu si mukumanya nha vyono sunga na nyenye mwakondya kwituma wubi hali Muwaha Mulungu, u Mulungu wenyu lo?

2 Zinghomo 29:6

Hambi i walezi wenyu, nha si wali wehuwilwa kuli Muwaha Mulungu, na ku soko yiyo waketuma zono si zamwendezaga mwene. Wakamuleka, hamba si wakasaka no kuhalanga bwete, ne hanhu hono kekalaga.

2 Zinghomo 6:40

“Nalu go Muwaha Mulungu wangu, wucilanje ase, kanyhi wuhulice sunga no wulombe wetu wono cikulombile i hanhu baha.

Ezila 10:1

Baho Ezila, lono yalombaga ha Nyumba yo Mulungu, akuno yakulila no kunena wubi wuwo, yipuga yiwaha lye Waisilayeli, we cilume na we cicekulu, hamonga ne wana wawo wose, wakamuziza Ezila, akuno wakulila muno muno ko wukalale.

Ezila 10:11

Holeka alu munene wubi wenyu kuli Muwaha Mulungu, u Mulungu we walezi wenyu, mwitume zono zikumwendeza. Mwilegaje na wajenzi wono wekaye mu yisi yetu, kanyhi mwitemanukaje ne wacekulu zenyu wono si Wayahudi.”

Nehemiya 1:11

Wuhulicize lu wulombe wangu, no wulombe we wetumami wako wono wakogopile gwegwe. Wumotesaje 'gwe go Muwaha Mulungu zuwali, wumunoze mutemi yendezwe nane.” Mu vilo vivyo, ane nali nili mugawi we divayi wo mutemi.

Zabuli 102:17

Nayo kowuhuliciza wulombe wo muciwa, no wulombe wawo hamba si kowulema yaye.

Zabuli 106:6

Cinoza wubi nhe walezi wetu, cituma zo wavu, cituma zimbi.

Zabuli 130:2

Holeka go Muwaha, wuhulice cililo cangu, wuhulicize wulombe wangu wunhaze.

Zabuli 32:5

Nghawa kuwuvumila wubi wangu hali'gwe, hamba sinawuhundika wavu wangu. Nghawona viswanu, mvumile wubi wangu hali'gwe go Muwaha Mulungu, nagwe wukawa kunenela wubi wangu wose.

Zabuli 34:15

Hambi u Muwaha Mulungu, nha kawalanjililaga i wanhu we ling'ani, no kuwahuliciza cililo cawo.

Zabuli 55:17

Ane nikalaga du nghulila ko wukalale, cinyamihe, hakali mitondo, na mu misi mugati, ninga mwene kolihulika lizi lyangu du.

Zabuli 88:1

Gwe go Muwaha Mulungu, go mhonelo yangu, ane nikalaga du nghulila misi yose, na ku cilo, nghuzizaga gwegwe.

Isaya 6:5

Nane hobaho nghawa kutya, “Woyi hee! Nha najilila! Hambi nghani zose zono nongaga mu mulomo wangu, nha ziwezaga 'mbi du, nane cikalane hamonga ne wanhu wono wekalaga wakulonga makani mabi du. Ninga nane luno ho nakondya kumuwona Mutemi, u Muwaha Mulungu we mihanga!”

I Cililo 5:7

Walezi wetu, heya wasutya, ninga aluno wakondya kufwa, ninga ase luno, ceza kugaya ku soko yo wubi wawo.

Danyeli 9:15

“Gwe go Muwaha Mulungu go Mulungu wetu, agwe walajila vilungo vyako, wukawawusa wanhu wako mu yisi ya Misili, ne vilungo vyako vikali vikumbuciywe. Ase mbeka cikusutizya, kanyhi cikuwuvumila wubi wetu.

Danyeli 9:20

Nane Danyeli, nghajendelela du kulomba, nghunena wubi wangu, hamonga no wubi we wanhu wangu Waisilayeli, no kumulomba u Muwaha Mulungu, u Mulungu wangu yayinozeleze Nyumba yakwe.

Danyeli 9:4

Nghamulomba Muwaha Mulungu, u Mulungu wangu, nghawunena u wubi we wanhu wangu. Nghalomba nghatya, “Gwe go Muwaha Mulungu, yo gwegwe Muwaha, nase cikogopile gwegwe du. Nagwe wibate ne cilagane cako, kanyhi wuli lusungu kuli wono wakwendile, no kwituma zono kulajilizaga.

Danyeli 9:5

“Ase cetuma wubi, kanyhi cili wabi, cituma nghani 'mbi muno. Hambi nha cazilema zinzila zako, cakondya kuzileka ne ziswanu zono wacilajila.

Danyeli 9:8

Sunga ne watemi wetu, hamonga ne walongola wetu, sunga ne walezi wetu, wose wetuma nghani za cevu no kwituma wubi hali'gwe, go Muwaha Mulungu.

Luka 18:7

Alu ma, Mulungu nayo, si kowalamulila wahagulwa wakwe wono wamulililaga misi ne cilo? Hambi kocela kuwataza?

Luka 2:37

Nayo yakekala mufwile sunga mu cipango cico, nayo yali yafika myaka makumi munana na mine ku wulawa u wulelwe wakwe. Na mu cipango cico cose, si yawukaga mu Nyumba yo Mulungu, na mu wuleko kulya, no kumuhemba Mulungu cilo na misi.

Waefeso 2:3

Hamba na sese cali cinha cinya wawo, cawutyatyaga u wusulumizi wetu we ciyinze yinze, no kwituma zinghani zizilya zono zayendezaga imiwili yetu ne mahala getu, kuciyinze yinze, vyono wenha wene nhavivyo na sese, ilikuwo lyo Mulungu lyali licinojeye licagane.

1 Timoteyo 5:5

Ale, umucekulu mono mufwile mbeka, mono yasina munhu wo kumutaza, yakondya kumuwicilo Mulungu witumbilo wakwe, kanyhi yakujendelela kumulomba Mulungu no kuneneleza u wutazi wakwe cilo ne misi.

2 Timoteyo 1:3

Nghumulumbo Mulungu mono nghumwitumamila ne ciselinji ciswanu, nha vyono wanoza i wasogo zangu, nghumulumbo Mulungu nhondo zose lono nghukukumbucila mu wulombe wangu misi ne cilo.

1 Yohana 1:9

Langa hono ciwuvumile u wubi wetu, u mwene u Mulungu yo mwihuwilwa, kanyhi yali ling'ani, nayo kocinenela u wubi wetu wose, no kucikwema ne masutya getu gose.

1 Samwili 15:11

“Nghukalala muno muno vyono namunoza Sawuli yawe mutemi, hambi 'lu nha yakondya kundeka, kanyhi yakondya kugabedegala ne malajilizo gangu.” Nayo Samwili yakawa kukolwa ne likuwo. Na mu cilo ci cilya cose, yakagona yakulomba kuli Muwaha Mulungu.