Nehemiya 1:5 - Luganuzi Luswanu Kuli Wanhu Wose 2002

⁵ “Gwe go Muwaha Mulungu wa ku wulanga, agwe wuli Muwaha, nase cikogopile gwegwe, kanyhi agwe wuli lusungu, kukamisaga cilagane cako kuli wono wakwendile gwegwe no kwituma wulajilize wako.

Nehemiya 1:5 ပူးပေါင်းရင်းမြစ်များ

1 Watemi 8:23

yakalomba yakutya, “Gwe go Muwaha Mulungu, go Mulungu wa Isilayeli, hasina Mulungu yunji mono yehwanile gwegwe kuko ku wulanga, hamba mono 'si hasi! Hambi agwe nha kukamisaga wihuwizo wako kuli wanhu wako, no kuwulajila u lusungu lwako kuli wene, lono wakukuhulika kwe zinhumbula zawo zose.

1 Zinghomo 17:21

Kanyhi bahano hono'nze, hasina hamba nghungugo yinji yo yose yono yihwanile nghungugo ye Waisilayeli, wono wawaponya mu wulawa mu wuwanda, wukawa kuwanoza wawe wanhu wako go mweneco. Ne zimbaha kanyhi zo wogofye zono wetuma so wanhu wako Waisilayeli, zizo zo zawumanyiza u wuwaha wako, mono yinze yose. Wukawakomboza wanhu wako kulawa ku Misili, wukawawinga makungugo ganji, wanhu wako ho wekale.

Ezila 1:2

“Ali, lyo lilajilizo lyono yalilavya Koleshi mutemi wa ku Pelisiya, nalyo lyatezaga. U Muwaha Mulungu, u Mulungu wa ku wulanga, yahagula niwe mutemi mu yinze yose, kanyhi yamhela no mulimo wo kumuzenjela Nyumba yakwe ku Yelusalemi ya Yuda.

Nehemiya 2:4

Umutemi yakambuza yakatya, “Alo cicici cono wukusaka nghutendele?” Nghamulomba Mulungu wa ku wulanga.

Nehemiya 4:14

Nghawona i wanhu wose, weza kogopa. Hobaho nghawalonjela wose, hamonga ne walongola wawo, ne wawaha wose nghawa kuwatya, “Mulece kuwogopa i walugu wetu, mukumbucile u wuwaha wo kogofya, wo Muwaha Mulungu wetu, alu, mwihomaje so wandugu zengu wa mu yisi na so wana wenyu, ne wagolece wenyu na ku soko ye zi kaya zenyu.”

Nehemiya 4:8

Hobaho wakekonghola hamonga ho waze kwihoma na Yelusalemi, ho wacipamanjize cilece kujendelela no luzengo.

Nehemiya 9:32

“Holeka 'gwe Mulungu, go Mulungu wetu, wuwaha wako wucizize! Mono wuli wo kogofya, kanyhi wuli we vilungo! Mono kukamisaga ko wihuwilwa cilagane no lusungu lwako, hamonga no wihuwizo wako. Ku wulawa mu vilo vyono watemi wa Ashuli waciwonelaga, sunga na lulu hose, magayo malinga gono gakondya kucagana! I watemi wetu ne walongola wetu, ne Wakohani wetu, ne wawizi, ne walezi wetu, hamonga ne wanhu wose, cili mu wugaye. Holeka wukumbucile vyono cagaya muno!

Zabuli 47:2

Hambi Muwaha Mulungu, u Mulungu Mono Yalawiliciye, mono yakogofya. Yo Mutemi muwaha kono'nze kose.

Zabuli 76:8

Nagwe nha kuyilajila ning'aniza yako, vyono yinha, ku wulawa ku wulanga, nayo yinze yiwa kogopa no kunyamala twii,

Zabuli 89:2

Manyile nha vyono lusungu lwako, lwikalaga cibitilila, no wihuwilwa wako, wukamile kotya wulanga.

Zabuli 89:3

Wukawa kutya, “Ane noza cilagane no muhagulwa wangu, nimwilahila mwitumami wangu Dawudi.

Zabuli 89:8

Gwe go Muwaha Mulungu go Mulungu we mihanga, Alo nani mbi mono yena vilungo, nha gwegwe go Muwaha Mulungu? Agwe mono wuli mwihuwilwa muli zose.

Wutuluce 20:6

Ninga nghuwawonela lusungu maelufu na maelufu, wawalya wono webate malajilizo gangu.

Wukumbucize wo Wulajilize 7:12

“Na hono mugahulice malajilizo gaga mugakamise no kugetuma ko wihuwilwa, u Muwaha Mulungu, u Mulungu wenyu, nayo kojendelela kucikamisa cilagane cakwe cono yacinoza nanye, kanyhi komulajilenyi no lusungu lwakwe luwaha, nha vyono yawehuwiza walezi wenyu.

Wukumbucize wo Wulajilize 7:21

Holeka anye mulecele lukulu kuwa no woga ku so wanhu wawa, hambi Muwaha Mulungu, u Mulungu wenyu, nha yali hamonga nanye. Mwene nha yo Muwaha Mulungu mono Yalawiliciye, kanyhi yo mweneco du mono yanojeye wanhu wamogope.

Wukumbucize wo Wulajilize 7:9

Kanyhi mweze kukumbucila vyono Muwaha Mulungu, u Mulungu wenyu, yo Mulungu monga du, kanyhi mwihuwilwa. Mono kosuma kukamisa cilagane cakwe, no kulajila lusungu lwakwe luwaha kuli ndelo maelufu na maelufu ga wono wamwendile, kanyhi webate ne malajilizo gakwe.