Nehemiya 1:4 - Luganuzi Luswanu Kuli Wanhu Wose 2002

⁴ Nali neza kuzihulika zizi, nghekala hasi, nghanza kulila ko wukalale muno. Nghasola vilo vicefu njendeleye no wukalale muno, hamba sinalizaga cinji. Nghawa kumulomba Mulungu nghawa kutya,

Nehemiya 1:4 ပူးပေါင်းရင်းမြစ်များ

2 Samwili 12:16

Dawudi yakamulomba Mulungu so mwana yuyo ho yanoje. Na mu mapango gago Dawudi yakalema kulya ndigwa. Na mu mapango ge cilo yenjilaga mu cumba cakwe, kawa yagonile hasi du sunga wokwela.

2 Watemi 22:19

kanyhi kuwa kunena, no kwinenenyheza go mweneco hali'ne, kanyhi kuwa kuvidemulanga sunga ne vivwalo vyako, akuno wukulila, lono weza kumanya nha vyono ane nokuza niyilipicize Yelusalemi, hamonga ne wanhu wayo wose. Na vyono noyinoza Yelusalemi hawe hanhu ha kogofya, kanyhi halijitwe. Holeka aluno, nawuhulika du wulombe wako,

2 Zinghomo 6:13

(Solomona yanoza ne shaba, i hanhu hono henuce ho kulonjela, wima wayo mita monga na lobo, no wugazi wayo, mita nyejete na lobo mbavu zose. Yakahawika haciligati yo wuduwilo. Yakema mucanyha yayo, yakafugama ha mwande ye wanhu wose, yakayinyasula miwoko yakwe kucanyha.)

Ezila 1:2

“Ali, lyo lilajilizo lyono yalilavya Koleshi mutemi wa ku Pelisiya, nalyo lyatezaga. U Muwaha Mulungu, u Mulungu wa ku wulanga, yahagula niwe mutemi mu yinze yose, kanyhi yamhela no mulimo wo kumuzenjela Nyumba yakwe ku Yelusalemi ya Yuda.

Ezila 10:1

Baho Ezila, lono yalombaga ha Nyumba yo Mulungu, akuno yakulila no kunena wubi wuwo, yipuga yiwaha lye Waisilayeli, we cilume na we cicekulu, hamonga ne wana wawo wose, wakamuziza Ezila, akuno wakulila muno muno ko wukalale.

Ezila 9:3

Nane Ezila, nali neza kuzihulika zizi, nghakalala muno, nghawa kuvidemulanga ne vivwalo vyangu, nghekulanga ne zimvwili zangu, hamonga ne zindevu zangu, ko wusungu wuwaha muno. Nghekala hasi nghawa nhijinhice ko wukalale wuwaha.

Ezila 9:5

Cipango co wulavye we cilavywa ce cinyamihe cali ceza kufika nghenuka ne vivwalo vyono videmuce, nghafugama, nghalomba, akuno nimwaliye ne maganza gangu Muwaha Mulungu, u Mulungu wangu.

Nehemiya 2:20

Nghawapitula nghatya, “Muwaha Mulungu wa ku wulanga, yo kocisumila muli zose. Ase cili wetumami wakwe, nali caza kulwanza luzengo lulu. Ninga anye nha musina igawo hamba ling'ani hamba cikumbucizo mwi'kaya lya Yelusalemi.”

Nehemiya 2:4

Umutemi yakambuza yakatya, “Alo cicici cono wukusaka nghutendele?” Nghamulomba Mulungu wa ku wulanga.

Zabuli 102:15

Nago makungugo, gomogopa Muwaha Mulungu, ne watemi nawo, wose wolwogopa lukumyo lwakwe.

Zabuli 136:26

Mumulumbe Mulungu wa ku wulanga, hambi lusungu lwakwe, nha lwikalaga cibitilila.

Zabuli 137:1

Cikekala mu zi nyenje ze makolongo ga Babiloni, cikawa kulila, lono cali cayikumbucila Sayuni.

Danyeli 10:2

Na mu mapango gago, ane Danyeli, nali nili mu cililo majuma madatu.

Danyeli 2:18

Yakawalonjela vyono, yiwanojeye walombe kuli Mulungu wa ku wulanga, yawawonele lusungu, no kumulomba yawapele wumanye we nghani yiyo hundikwe, ho walece kuwulagwa hamonga na we mahala wa mu Babiloni.

Danyeli 9:3

Nane nghamulomba Muwaha Mulungu ko winenenyhezi, nghaleka kulya, nghavwala magunila, nghawa kwikala mu mavu.

Yona 1:9

Nayo Yona yakawatya, “Ane nili Muhebelaniya. Ane nimuhembaga Muwaha Mulungu, u Mulungu wa ku wulanga, mono yanoza yisi nghavu ne lilenga.”

Zefaniya 3:18

ne nyemo, yono yinha nyemo ye wanhu wono wali mu sikukuu. Kanyhi Muwaha Mulungu yakutya, “Nakondya kuwuwusa u wogofye wo wongomezwe, naciwusiza lukulu ne cevu cawo.”

Walumi 12:15

Musangalalane na wono wakusangalala, mulilane na wono wakulila.