Nehemiya 1:2 - Luganuzi Luswanu Kuli Wanhu Wose 2002

² Hanani muyagwe ne wandugu zangu, yakaza yakulawilila ku Yuda, yena ne cipuga ce wanhu wanji. Nghawawuza za ku Yelusalemi, hamonga na ze wandugu zetu Wayahudi, wono wali wawuya wulawa ku wuhamywe ku Babiloni.

Nehemiya 1:2 ပူးပေါင်းရင်းမြစ်များ

Mwamulizo 14:10

Nalyo lilolo lilyo lya Sidimu, lyali lina makombokombo ga lami, ne watemi wawo wa Sodoma na Gomola lono wamanghaga wakutiza wulugu, wakawa kuzubujila mugati ye makombo gago. Ninga awalya iwadatu wanji, awo watoloka no kubita mu matunda.

2 Watemi 24:14

Nebukadineza, yakawasola wanhu wa Yelusalemi nha wafungwa, hamonga ne wawaha wose, ne walongola wose, waficile wanhu elufu yikumi liwalo lyawo. Yakawasola sunga ne wanghula wose, hamonga ne watyani we vyuma. Langa yakawasigaza i waciwa du mu yisi ya Yuda.

2 Watemi 25:12

Ninga hamba nhavivyo, yasigaza mumo mu Yuda, i waciwa wono wali wasina sawo, yakawenjiza mu milimo yo wukamisa migunda ya zabibu, hamonga no kulima migunda.

Ezila 9:14

Alu cosuma nhawule kugabedegala malajilizo gako, ho citolanile kanyhi ne wanhu wawa i wabi? Hambi nha cimanyile vyono hono citume nhavivyo, agwe go Muwaha Mulungu kokalala nhondo ho wucongomezeze lukulu hamba yunji si kosigala yaye.

Nehemiya 7:2

Kanyhi nghawawika wanhu wejete wawe walongola mwi'kaya lya Yelusalemi. Ndugu yangu Hanani, na Hananiya u mulongola muwaha we ligomawakali lyose. Hananiya, yali munhu mwihuwilwa na we cogopo hali Mulungu, kanyhi yali cisindo.

Yelemiya 44:14

Na holowa hasina munhu wowose we yisi ya Yuda, muli wawo wose wono wasigala no kubita kwikala ku Misili, mono kolopona hamba kuwumipa. Hamba hasina munhu wo wose mono kolowuya kanyhi ku yisi ya Yuda, kono wakusulumila, ho wabite wakekale kuko kanyhi. Hasina hamba monga mono kolowuya kuko, langa wolowuya wacefu du wono wolopona.”

Ezekiyeli 6:9

wolokwiyagalila mu zinghungugo zinji, wakekale kuko nha wafungwa. Nawo lono wowa wali kuko, wolonghumbucila lono wali mugati ye makungugo, no kumanya nha vyono yo nene mono niwalipicize no kuwakoza cevu, ku soko yo wuwula wihuwilwa wawo. Hambi nha wakondya kundeka 'ne, no kwenda vihwani si nha nene. Holeka ku soko yiyo, wolowa wakondya kwiyavufya weneco ku soko yo wubi, hamonga ne makani ge cevu gono wetumaga.

Ezekiyeli 7:16

Na wanhu wanji wolotiziza mu matunda nha nziwa zono zogofywa mu wikala mu malolo. Ne wanhu wose wolowulilila wubi wawo.