Nehemiya 1:1 - Luganuzi Luswanu Kuli Wanhu Wose 2002

¹ Azi zo nghani zono yetuma Nehemiya, u mwana wa Hakaliya. Ale, mu mwezi we Ciselevu, wa mu mwaka we makumi mejete, wa mu wuteme wakwe mutemi muwaha Alitashasita ku yisi ya Pelisiya, nene Nehemiya, nekalaga ku Shushani, likaya liwaha lya ku Pelisiya.

Nehemiya 1:1 ပူးပေါင်းရင်းမြစ်များ

Ezila 10:9

Na mu vilo vidatu, mu mwezi we licenda mwi zuwa lye makumi mejete, wose wono wali wekaye mu matumbi ga Yuda na Benyamini, wakaza ku Yelusalemi, wakekongholela mu ciwanza ce Nyumba yo Mulungu. Ne mvula mbaha yatonyaga. Hamba yiwe mvula mbaha yatonyaga ninga so wuwaha wo mukung'ano wawo wanhu wose wali wali baho du, hamba kuwuka yaye akuno wakucicima so nghani yiyo na so mbeho.

Ezila 7:7

Mu mwaka wo mupunghati wa mu wuteme wakwe Alitashasita, Ezila yakawuka ku wulawilila ku Babiloni, yakabita ku Yelusalemi, hamonga ne lipuga lye Waisilayeli, ne wakohani Walawi, ne wembi wa mu Nyumba yo Mulungu, ne walindilizi we Nyumba yo Mulungu hamonga ne wetumami.

Nehemiya 10:1

Umulongozi kutajila citanjilo, yali Nehemiya mwana wa Hakaliya, na Zedekiya, hamonga na awano wono wakutyatya.

Nehemiya 2:1

Ale, yali yeza kupuluta miyezi mine, mu mwezi wono wacemwaga Nisani. Mutemi Alitashasita yali yafisa myaka makumi mejete ga mu wuteme wakwe, lulo yalizaga cinyamisi. Nghasola divayi nghawa kumupela mutemi. Nayo yali yakali nambona niwe nina wukalale, hamba mwi'zuwa linji lyo lyose, wulawa mwamulizo. Ninga mwi'zuwa lilyo, nghawa no wukalale muno.

Nehemiya 5:14

Ale, mu myaka yikumi na myejete, yono nali mulongola wa mwi'tumbi lya Yuda. Ne vipango vyo mutemi Alitashasita, ku wulawa mu mwaka we makumi mejete sunga yakafisa myaka makumi madatu na myejete mu wuteme wakwe, ane hamonga ne wandugu zangu, sicalya ndigwa yono yali yinojeye nilye nha mulongola.

Esita 1:2

Ne ligoda lyakwe lyo wutemi, lyali lili mwi'kaya liwaha lya Susa.

Esita 3:15

So wulajilize wo mutemi, nghani yiyi yikatandala hanhu hose mwi'kaya liwaha lya Susa. I wanhu wono watumwa, wakategula wulajilize wuwu mu matumbi gose. Mutemi Ahasuwelo, hamonga na Hamani, wakekala, wakawa wakujendelela kung'wa divayi, mu cipango cono likaya liwaha lya Susa lyali lili mu wihwelele wuwaha so lilajilizo lilyo.

Danyeli 8:2

Na mumo mu wugubulilwe wuwo, nghewona nili mwi'kaya lya Susa, lya mu yisi ya Elamu lyono lipilimwe ne majinji. Nane nali nimile he 'kolongo lya Ulayi.

Zakaliya 7:1

Kukawa mu mwaka we kane, wa mu vilo vyo mutemi Daliyo, mwi'zuwa lye kane, na mu mwezi we licenda, mwezi wono wucemwaga ciselevu u Muwaha Mulungu yakanonjela ane Zekaliya yakatya.