Mwamulizo 9:4 - Luganuzi Luswanu Kuli Wanhu Wose 2002

⁴ Langa mulecele lukulu kulya nyama yono yina ne sakami yayo, vyono wumi wuli mumo mu sakami.

Mwamulizo 9:4 ပူးပေါင်းရင်းမြစ်များ

Ezekiyeli 33:25

“Ninga lu agwe wuwalonjele wutye, Anye nyo Isilayeli, mulizaga nyama hamonga ne sakami yayo. Kanyhi muhembaga vihwani. Kanyhi muli wawulaji wa wanhu. Alu nghanici, yono yoleka sunga mwihwese nha vyono, yisi yiyi yenyu nyenye?

Walawi 19:26

“Mulece kulya nyama hamonga ne sakami yayo. Mulece kwitumamila zinghani ze cigangaganga, hamba kutowa cisangu.

Walawi 3:17

Kanyhi hasina Muisilayeli wo wose mono yakomboywe kulya mhama hamba kung'wa sakami. Ne lilajilizo lili munojeye mulikamise cibitilila mu zindelo zenyu zose ho hose hono mowa kubita.”

Walawi 7:26

Ne hanhu ho hose hono mowa kwikala, mulecele lukulu kulya sakami ye zindeje, hamba ye zimitugo.

Metumo ge Watumwa 15:20

Langa ciwandicile baluwa, ciwalonjele vyono, walece kulya zindigwa zisemunwa, zono zilavigwe so vihwanicizo vye milungu, weleje no wusenyha, walece kulya nyama yo yose yono yinyonjigwe, kanyhi walece kung'wa sakami.

Metumo ge Watumwa 15:25

Holeka ase cilamulila kumonga, ciwahagule wanji no kuwatuma kuli'nye, hamonga ne wendece wetu wa Balanaba na Pawulo.

Metumo ge Watumwa 15:29

Mulece kulya zindigwa zono zilavigwe so vihwani, mulece kung'wa sakami, mulece kulya nyama ye nimu yono yinyonjigwe, kanyhi mwilegaje no wusenyha. Mowa mwetuma viswanu, hono mulece kwituma zizo. Ale mwikalaje!”

Wukumbucize wo Wulajilize 12:16

Ninga langa, mulecele lukulu kulya sakami yazo, langa mweze kuyita hasi nha malenga.

Wukumbucize wo Wulajilize 12:23

Langa du, mulanjilile, mulecele lukulu kulya nyama yono yikali yina ne sakami yayo, vyono u wumi wuli mu sakami. Holeka si viswanu kulya nyama hamonga no wumi wayo.

Wukumbucize wo Wulajilize 14:21

Kanyhi mulecele lukulu kulya nyama ya nimu yoyose yono yifwiliye yeneco. Langa mosuma kuwaleka i wajenzi wono mwikalane nawo wo wayilye, hamba mosuma kuyiguza kuli wanya makungugo. Hambi anye nha muli wanhu wo Muwaha Mulungu, u Mulungu wenyu, muli wanhu wakwe. Kanyhi mulece kusola nyama ye nyana ye ngholo, hamba ye nyana ye mhene no kuyitelecela mu mele ge nyina yayo.”

Wukumbucize wo Wulajilize 15:23

Ninga wulece kwitumamila sakami yazo nha ndigwa, langa wuyimwaje hasi du kotya malenga.”

1 Timoteyo 4:4

Hambi vyose vyono yaviwumba Mulungu nha viswanu, hamba hasina cono cinojeye kusemunwa, langa yinojeye vyose vibocelwe kwe malombo no wulumbe,

1 Samwili 14:32

holeka nhondo wakawa kuvizumhila vinhu vyono wali waviteka kuli walugu wawo, wakawa kuzisola zingholo ne zing'ombe, wakawa kuziwulaga mbela, mbela no kwanza kuyilya nyama yazo hamonga ne sakami yayo.