Mwamulizo 9:2 - Luganuzi Luswanu Kuli Wanhu Wose 2002

² Ne vilimu vyose, ne zindeje zose zono zikwanga mucanyha, ne viwumbwa vyose vyono vitambalaga hasi, hamonga ne zisomba zose, vivyo vyose vyowa vina woga vikumogopenyi nyenye. Hambi vyose vivyo nha mwapegwa, navyo vili mu miwoko yenyu.

Mwamulizo 9:2 ပူးပေါင်းရင်းမြစ်များ

Mwamulizo 1:21

U Mulungu yakawa kuwumba ko winji muno muno, viwumbwa viwaha vyo kogofya vya mwi'lenga, hamonga ne viwumbwa vinji vyumi vye mawala gose, vya mwi'lenga, vyono vikalaga mumo, nayo yakawa kuziwumba ne zindeje ze mawala gose. U Mulungu yakaviwona vivyo vyose vyono viswanu muno muno.

Mwamulizo 1:26

Hanyuma u Mulungu yakatya, “Ale, cimunoze munhu ku hwani yetu, we futa yetu, yateme mu zisomba zose, ne zindeje zose zono zikwanga mucanyha, hamonga ne zimitugo zose, ne yinze yose, ne viwumbwa vyose vyono vitambalaga hasi.”

Mwamulizo 1:28

U Mulungu yakawalugutiza, yakutya, “Mwilele mwinjipe muno muno, no kuyimemya yinze, no kuyinoza yinze yimuhulicenyi nyenye. Kanyhi muteme mu zisomba ne zindeje zose, na muli viwumbwa vyose vyumi vyono vili mono yinze.

Mwamulizo 2:19

Holeka mu wulawa mwi'longo, u Muwaha Mulungu yaviwumba i vilimu vyose, hamonga ne zindeje zose zono zikwanga mucanyha, hanyuma yakawa kuvileta vyose kuli mulume yuyo, ho yawone kovicemela matagwaci, ne matagwa gono yavicemela viwumbwa vivyo, gago go gakawa i matagwa gavyo du.

Mwamulizo 35:5

Nayo Yakobo hamonga ne wanagwe lono wali wali mu muhinzo, Mulungu yakawogofya wanya wusi we makaya gose ge behi behi, hamba siwejelela kuwatyatilila.

Mwamulizo 9:1

U Mulungu yakawalugutiza Noha ne wanagwe, yakawatya, “Ale, mwilele mwinjipe muno muno, no kuyimemya yinze.

Mwamulizo 9:3

Ne vilimu vyose i vyumi, avyo vyowa yo ndigwa yenyu, nha vyono namupelenyi vilimwa yiwe yo ndigwa yenyu.

Jobu 39:11

Kovitumbila vilungo vyayo viwaha, no kwihwesa vyono yosuma kwituma milimo yako mizito?

Ezekiyeli 34:25

Kanyhi nonoza cilagane nawo, cilagane co mulamu. Kanyhi noziwusiza ne malimu gose makali mu'si, zingholo zangu ho zikale zipolile mu mawimbi, no kugona mu zimbago.

Hoseya 2:18

Mu vilo vivyo, nolonoza cilagane ne vilimu vyose vya mu mbago ne zindeje, ho vilece kuleta wugaye muli wanhu wangu. Nane nolowusa vitwalo vyose vyo wulugu mu'si, mimaje yose no wupinde. Nolowaleka wanhu wangu wekale wapolile.

Walawi 26:22

Noleta malimu makali muli'nye, nago gowawulaga i wana wenyu, gohodanga ne mitugo zenyu, no kumusigazenyi muli wacefu, ne zinzila zenyu zowa zisina munya kuzitumamila.

Walawi 26:6

“Nane nomupelenyi mulamu mu yisi yenyu. Nanye mowa kugona mupolile, musina kanyhi mono komogofyenyi yaye. Nane noziwinga zinimu zose zono zina mbali ziwuce mu'si, kanyhi mowa musina wulugu wo wose mumo.

Yakobo 3:7

No munhu nayo, nha kasumaga kugafuga malimu, kanyhi yakondya kusuma kuvifuga i viwumbwa vyose vye malimu ga mu mbago, ne zindeje, ne mazoka, ne malimu ga mwilenga.