Mwamulizo 8:9 - Luganuzi Luswanu Kuli Wanhu Wose 2002

⁹ Ninga vyono malenga gali gakali gayifunicize yinze yose, nziwa yiyo hamba siyasuma kuhatuga hanhu hono yosuma kutima yaye, holeka yikawa kumuwuyila kanyhi Noha mu Safina. Nayo Noha yakawugolola muwoko wakwe, yakayisola, no kuyiwika mugati ye Safina.

Mwamulizo 8:9 ပူးပေါင်းရင်းမြစ်များ

Mwamulizo 8:10

Nayo Noha, yakalindila kanyhi vilo mupunghati, yakayilavyaniza kanyhi nziwa yiyilya.

Mwamulizo 8:8

Hanyuma, Noha yakayilavyaniza nziwa, ho yisume kuwona hono malenga gawe gakondya kucepuka.

Zabuli 116:7

Holeka go nhumbula yangu, wutule muli'ne, hambi Muwaha Mulungu nha kanhendela ziswanu.

Isaya 60:8

Alo ngalawaci zizi nyinji, zono zikuza ziyagaye mwi'lenga nhe mavunde, kotya nziwa zono zikuwuya mu manhuli gazo?

Ezekiyeli 7:16

Na wanhu wanji wolotiziza mu matunda nha nziwa zono zogofywa mu wikala mu malolo. Ne wanhu wose wolowulilila wubi wawo.

Matayo 11:28

Ale, muze kuli'ne anye wose mono mukugazika, na mono muvunice ne mitegulo yenyu, nane nomucehezenyi.

Yohana 16:33

Nimulonjelenyi zizi, ho muwe no mulamu, mu wilunze wenyu na nene. Mononze heya, motuga wugaye, ninga mwisindamice! Ane niwasumile we yinze.”

Wukumbucize wo Wulajilize 28:65

Kanyhi si molowona mulamu hamba hadodo hanhu ho hose, hamba si molowa na hanhu ho hose hono molotya henyu nyo weneco. Nayo Muwaha Mulungu kolomumemyenyi mahwele no wu wula witumbilo, hamonga no wutukuwika mutima.