Mwamulizo 8:4 - Luganuzi Luswanu Kuli Wanhu Wose 2002

⁴ Na mwi'zuwa lye likumi na mupunghati, lya mu mwezi wo mupunghati, safina yikawa kutima mucanyha ye litunda limonga lya mu matunda ga Alalati.

Mwamulizo 8:4 ပူးပေါင်းရင်းမြစ်များ

Mwamulizo 7:20

Ne malenga gago gasuma kugagubiciza matunda, mita mupunghati na nusu hasi yago.

Mwamulizo 8:5

Ne malenga nago, gakajendelela kucepuka du mhola mhola, na mwi'zuwa lilongozi lya mu mwezi we likumi, i vizuli vye matunda vikawa kwanza kwijela.

2 Watemi 19:37

Na mwi'zuwa linji, lono yali yali mu wuhembi, mu nyumba yo wuhembelo wo mulungu wakwe, mono yakucemwa Nisiloke, i wanagwe wejete, Adelamaleke na Shalezeli, wakaza wakamuwulaga sogo yawo ne mimaje yawo. Hanyuma wene wakatiziza ku yisi ya Alalati. No mwanagwe yunji, mono yacemwaga Esale-hadoni yakahala wutemi wakwe.

Isaya 37:38

Na mwi'zuwa linji lono yali yenjiye mu wuhembelo wo mulungu wakwe Nisiloki, yakuhemba, ale baho, i wanagwe wejete Adilameleki na Shalezeli, wakawa kumusepa, wakawa kumuwulajila mumo sogo yawo ne mimaje yawo. Wene wakawa kutiziza ku yisi ya Alalati. No mwanagwe yunji, litagwa lyakwe yali Esale-hadoni yuyo yo yakahala wutemi wo sogo yawo.

Yelemiya 51:27

“Mwinule bendela hacanyha so wihomi! Mutowe ne ndulele, i makungugo ho gahulice! Mugawikanize makungugo so wulugu, wayihome Babiloni! Muwalonjele sunga ne watemi wa Alalati na Mini, hamonga na Ashikenazi, wose wenjile mu milewo. Mulete zifwalasi, ziwe nyinji muno nhe matewa ge zinzije.