Mwamulizo 8:1 - Luganuzi Luswanu Kuli Wanhu Wose 2002

¹ U Mulungu yakamukumbucila Noha, hamonga ne vilimu vyose vyono vyali vili hamonga nayo mugati ye Safina. Mulungu yakaleta mbeho mbaha muno muno mono'nze, ne malenga gagalya gakawa kwanza kucepuka.

Mwamulizo 8:1 ပူးပေါင်းရင်းမြစ်များ

Mwamulizo 19:29

U Muwaha Mulungu lono yagongomezeza i makaya ga Sodoma na Gomola, gono gali gali mwi'lolo kono yekalaga Loti, Mulungu yamukumbucila Abulahamu ko kumulavyaniza Loti ku wulawa mu makaya gago, Loti ho yalece kongomezwa hamonga ne makaya gago.

Mwamulizo 30:22

Nayo Mulungu yakawa kumukumbucila Laheli, yakawuvumila wulombe wakwe, yakamupela wana.

Mwamulizo 9:10

kanyhi na kuli viwumbwa vyose vyumi, ne zindeje, ne zi mitugo, ne vilimu vyose vya mu mbago, vyose vyono vilawiye mu Safina, hamonga nanye.

Nehemiya 13:14

Holeka wunghumbucile 'gwe go Mulungu wangu, i metumo gangu gono netuma so Nyumba yako, na so wuhembi wayo.

Nehemiya 13:22

Nghawalajiliza i Walawi weyeze, wanze no kuyilindiliza milango, ho walyeze lizuwa lye Sabato. Gwe go Mulungu, wunghumbucilile kanyhi na muli zizi, kanyhi wumbonele lusungu so wendo wako wuwaha.

Nehemiya 13:29

Wukumbucile Gwe go Mulungu, vyono i wanhu awa wakondya kuwutipiza wukohani, hamonga ne cilagane, cono walagana ne wakohani ne Walawi.

Nehemiya 13:31

Nghawika ne mazuwa, go kuleta zingwagu zo kunyanyila vilavywa vinyanywe, vyono vyalavywaga mu mapango gono gali galajilizwe. Hamonga no wityatye we wanhu, ho wawe kulavya i malimbuko go wuhemba ne mikalo milongozi kupya. Wunghumbucile Gwe go Mulungu so zizi, wumhele ne ziswanu zose.

Jobu 12:15

Mazala, gazaga lono Mulungu si yatonyeze mvula, nago mahwazi, gazaga lono Mulungu yalecile mvula yitonye ko winji.

Jobu 14:13

“Nane nali nende wuhundice mu yisi ye wafu, nihundice kuko, sunga likuwo lyako liselete, hanyuma wunhemezezye cipango co kunghumbucila.

Zabuli 105:42

Mulungu yakakumbucila, cilagane cakwe cono celile, cono yalagana no mwitumami wakwe Abulahamu.

Zabuli 106:4

Ale, wunghumbucilaje na nene 'gwe, go Muwaha Mulungu, lono wukuwataza wanhu wako, wuhanzilizaje nawo, lono wukuwaponya,

Zabuli 115:12

Mwene Muwaha Mulungu, yacikumbuciye du, kanyhi kocilugutiza, kowalugutiza Waisilayeli, kowalugutiza wana wa Haluni.

Zabuli 132:1

Gwe go Muwaha Mulungu, mukumbucile Dawudi, wukumbucile magazo gose gono yagatuga.

Zabuli 136:23

Mwene yacikumbucila mwidaha lyo wusocele wetu, hambi lusungu lwakwe nha lwikalaga cibitilila,

Zabuli 137:7

Gwe go Muwaha Mulungu, wulece kuzisemwa yaye zono wazituma Waedomu, lono Yelusalemi yasolelwa ne walugu, wukumbucile vyono watya, “Yimwagulenyi Yelusalemi! Sunga ne mabwe go musinji gose!”

Zabuli 29:10

U Muwaha Mulungu yo yatemile lihwazi lye malenga Muwaha Mulungu yo mutemi, yatemile cibitilila.

Zabuli 36:6

Ne ning'aniza yako, yihwanile visolo vye lilenga. Agwe go Muwaha Mulungu, kuwadimaga wanhu wose hamonga ne vilimu vyose.

Wutuluce 14:21

Musa yakawugolola muwoko wakwe mucanyha ye lilenga, nayo Muwaha Mulungu yakalikunya lilenga cilo cose ne mbeho mbaha ya kucilima. Mbeho yiyo yakukunza cilo cose sunga wukela, yikalitemanula lilenga hejete, ne yisi nghavu yikawa kwijela.

Wutuluce 15:10

Ninga 'gwe, wukaputa ne mbeho yako nalyo lilenga likawagubiza wose. Nawo wakadodomela mu malenga kotya lisasi.

Wutuluce 2:24

nayo Mulungu yakacihulika cililo cawo, yakacikumbucila nhavivilya ne cilagane cakwe muli Abulahamu, na Isaka, na Yakobo.

Zimbazi 25:23

Maheho, galetaga makuwo, nha vyono mbeho ya kusumuka yiletaga mvula.

Isaya 44:27

Ane nongaga nghani du, niwa kulinyaza lilenga.

Yelemiya 50:38

Muwaletele nzala mu yisi yawo muganyaze ne makolongo gayo. Babiloni yo yisi yono yina vihwani vyo kogofya muno, na vivyo vyo vyawapuvya wanhu.

Amosi 8:7

Muwaha Mulungu we Waisilayeli yelahiza yakutya, “Hamba sinosemwa i metumo gawo mabi.

Yona 4:11

Ma, si viswanu kuli'ne kuyiwonela lusungu Ninawi likaya alilya liwaha mono mowali wanhu wacizize elufu yigana limonga na makumi mejete, wono si wakusuma kumanya zimbi ne ziswanu, hamonga ne zimitugo nyinji!”

Nahumu 1:4

Nayo kalilajilizaga lilenga, nalyo liwa kunyala, kanyhi kanyazaga ne makolongo. Sunga ne migunda yono yili ku Bashani yiwa kunyala, ne litunda lya Kalimeli nalyo, liwa ne liwala nha lye mahanze gono ganyalile, ne maluwa ga ku Lebanoni gawa kuwomba.

Habakuki 3:2

Gwe Muwaha Mulungu, ane hulika zono wetuma, nane nhuga woga wuwaha. Ale, alu'kanyhi mu vilo vyetu, witumaje metumo mawaha gono wagetuma lulo. Na lono wuli mwi'kuwo lyako, ninga weze no lusungu.

Zakaliya 10:11

Nawo kolo weza kukola mwi'lenga lyo wugaye. Ane no Muwaha Mulungu, nologatowa i mawingo ge malenga. Ne visolo vye likolongo lya Nile vyolonyala. No wivuni we yisi ya Ashuli wolonyetywa. Ne yisi ya Misili yono yili vilungo, yolowula vilungo.

Wuwale 10:9

Mukumbucile vyono, hono wulugu wuwe wenjila mu yisi yenyu, nanye muwe kwihoma ne walugu wenyu wawo wono wakumwiwonelenyi, ale, mutowe zindulele ciwe co citanjilo ca vyono wulugu wenjila. Nane, no Muwaha Mulungu wenyu, nomuletelenyi wutazi, kanyhi nomuponyenyi mu wulawa mu miwoko ye walugu wenyu.

Wuwale 22:32

Nayo malayika wo Muwaha Mulungu yakawa kumuwuza Balamu yakutya, “Alu 'gwe Balamu, so cici kuwa kuyitowanga nhavivi ndogowe yako, sunga nghanghulo yidatu? Ane niza ho nghwimile mu nzila yako, vyono si yali yikunojeye agwe wubite mu muhinzo wuwu.

Wugubule 16:19

Ne likaya lililye liwaha likatemanulwa hali hadatu, ne makaya ga we makungugo gakagwa. Likaya liwaha lya Babiloni, Mulungu hamba si yalisemwa yaye. Yakaling'wesa i cikombe ce divayi ye likuwo lyakwe.

Wugubule 18:5

Hambi u wubi wakwe, nha weza winji muno, nawo wilundice sunga ko ku wulanga, no Mulungu kakumbucila zinzila zakwe zo wubi wakwe.

1 Samwili 1:19

I mitondo yaco, Elikana hamonga na we mhuga yakwe, wakelawa kwinuka hakali mitondo muno. Nawo wali weza kukondya kumuhemba Muwaha Mulungu, hodu wakawa, kuwuya kwawo ku Lama. Nayo Elikana yakamumanya Hana mugolece wakwe. Nayo Muwaha Mulungu yakawupitula wulombe wakwe.