Mwamulizo 7:4 - Luganuzi Luswanu Kuli Wanhu Wose 2002

⁴ Nane kolo vyapuluta vilo mupunghati, notonyeza mvula mbaha muno muno, mu vilo makumi mane misi ne cilo, hamba kuceheza yaye. Nane novyongomezeza lukulu i viwumbwa vyose vyumi vyono navinoza.”

Mwamulizo 7:4 ပူးပေါင်းရင်းမြစ်များ

Mwamulizo 2:5

i yinze yali yisina vilimwa vyo vyose, hamba mibici yali yikali sinacindika, hambi Mulungu, u Muwaha Mulungu, nha yali yakali sinatonyeza mvula mu yinze, hamba munhu wo kuyilima, hali hakali hasina.

Mwamulizo 6:13

Holeka u Mulungu yakamulonjela Noha yakatya, “Nakondya kulamula, niwamale wanhu wose, hambi nha wayimemya yinze yose no wugazi wawo. Heya, nowongomezeza lukulu, hamonga ne yinze yose!

Mwamulizo 6:17

Nane noleta lihwazi yiwaha lye malenga, ho sume kuvyongomezeza lukulu i viwumbwa vyose vyumi vyono vili mono'nze. Ne viwumbwa vyose vyofwila lukulu.

Mwamulizo 6:3

Nayo u Muwaha Mulungu yakatya, “U Muhe wangu si vyoswa vikulewana no munhu cibitilila, hambi mwene nha muwili du. Holeka i myaka yakwe yo wikale wakwe mono'nze, si yociza myaka yigana limonga na makumi mejete yaye.”

Mwamulizo 6:7

Holeka yakatya, “Hodu, nomuwusiza lukulu mono'nze, u munhu mono namuwumba, ne vilimu, ne vitambala hasi, hamonga ne zindeje za mu mbago. Nghukalala muno muno no kwihwesa vyono, ku sokoci nawawumba no kuwawika mono'nze.”

Mwamulizo 7:10

Navyo vilo mupunghati vyali vyeza kupuluta, hodu lihwazi lye malenga likawa kuza mono'nze.

Mwamulizo 7:12

Ne mvula yikawa kutonya mono'nze mu vilo makumi mane misi ne cilo, hamba kuceheza yaye.

Mwamulizo 7:17

Nalyo lihwazi likawa mono'nze vilo makumi mane. I malenga gali geza kucila kumema, gakawa kuyinula Safina hacanyha ye yisi.

Mwamulizo 7:3

Kanyhi wusoleleze ne zindeje zono zikwanga mucanyha, nazo wuzisolaje mupunghati mupunghati, nyhekulu ne nume. Na yiyi ho yiwe yo nzila yo kusuma kuyiwicila i mbeyu yayo, ho yijendelele kuwa mono'nze.

Mwamulizo 8:10

Nayo Noha, yakalindila kanyhi vilo mupunghati, yakayilavyaniza kanyhi nziwa yiyilya.

Mwamulizo 8:12

Hanyuma yakalindila kanyhi vilo mupunghati vinji, yakayilavyaniza kanyhi nziwa yiyilya. No muhinzo wuwuno nziwa yiyo hamba siyamuwuyila kanyhi yaye.

Mwamulizo 8:2

Ne mivwilo yose yono yalawaga hasi muno muno ye yisi, hamonga ne madilisha gono galetaga malenga ku wulawa ku wulanga, vyose vikadindwa. Sunga ne mvula nayo yikawa kuleka kutonya,

Jobu 22:16

Hambi nha wasolelezwa ne lihwazi, na lono vilo vyawo vyali vikali si nafika.

Jobu 28:25

Lono Mulungu yayitemezezya mbeho vilungo vyayo, no kuwika cijelo ce lilenga hanhu hayo.

Zabuli 69:28

Wuwapatilaje lukulu mu citabu ce womi, walece kuwa mwi'walo lya we ling'ani.

Yelemiya 28:16

Na ku soko yiyo, nayo u Muwaha Mulungu yakutya nha vyono, kokuwusa mono'nze. Holeka agwe kofwa mwakawu na lono mwaka wuwu wukali namalika. Ku soko vyono kuwanoza i wanhu wamubeze Muwaha Mulungu.”

Amosi 4:7

Nane nghayimila mvula yilece kuvitonyela vilimwa vyenyu lono vilimwa vyayisakaga muno. Nghayitonyeza mvula mwi'kaya ali, na linji nghalizumha. Mvula yikatonya mu mugunda awu, ninga mugunda muyagwe wono vihegame, wukanyala.

Wugubule 3:5

“Nawo wono wosuma, wovwikwa vivwalo vizelu nhavivi. Nane hamba si nogapatila lukulu i matagwa gawo mu citabu co wumi, kanyhi nowavumilila hali Baba na hali wamalayika wakwe, vyono wangu.